யாழ்ப்பாணத்தில் சில ....

முனியப்பர் கோவில்

யாழ்ப்பாணம் முனியப்பர் கோவிலுக்கு ஒரு மிகப்பெரும் சிறப்பு உண்டு , இந்த கோவில் யாழ்ப்பாணம் கோட்டையின் கிழக்கு எல்லையில் அமைந்துள்ளது, கோட்டைக்கும் முனியப்பர் கோவிலுக்கும் இடையில் ஒரு அகழிதான் பாலமாக உள்ளது. 1988 முதல் 1992 வரை இடம்பெற்ற கடுமையான மோதல்களில் கோட்டைக்குள் இருந்த 30 இற்கும் குறைவான ராணுவத்தை பாதுகாப்பதற்காக பலாலி ராணுவமும் , தம்மை பாதுகாக்க கோட்டை ராணுவமும் அந்த காலப்பகுதியில் அடித்த 'செல்கள்' எண்ணில் அடங்காதவை, அதுதவிர அன்றைய இராணுவ விமானங்களாகிய பொம்பர், அவ்ரோ என்பன போட்ட குண்டுகளும் எண்ணில் அடங்காதவை.

யாழ்ப்பாணக்கோட்டை  [அகழியும்  கோட்டைமதிலும்  ]

இதனால் கிட்டத்தட்ட கோட்டைக்கு 300 மீற்றர் தொலைவிலுள்ள யாழ்நகரே முற்றாக நாசமாகியது, அருகிலிருந்த மத்தியகல்லூரி, பொதுநூலகம் , துரையப்பா விளையாட்டரங்கு, பூங்கா என அனைத்தும் மிகவும் சேதமாகியபோதும் கோட்டைக்கு மிகமிக அருகாமையில் அமைந்திருந்த முனியப்பர் கோவிலில் சிறு கீறல்கூட விழாதது ஆச்சரியமான உண்மை, இது கடவுளின் செயலா இல்லையா என்பதல்ல விவாதம், இப்பேற்பட்ட அதிசயமான கோவிலின் இன்றைய நிலைதான் கவலைக்கிடமாக உள்ளது.

விறகு பொறுக்கும் வயதானவர்

இன்று கொழும்பிலிருந்து வரும் ஆயிரக்கணக்கான சிங்கள சுற்றுலா(?) வாசிகள் சமைத்து சாப்பிடுவது இந்த முனியப்பர் கோவிலின் முன்னிலையில்தான் , அதுவும் மாமிச உணவுகளை, அது தவிர கோவிலின் அக்கம் பக்கங்களில் அசிங்கம் வேறு செய்த்துவிட்டு போகிறார்கள்.இதை தட்டிக்கேட்கும் தைரியம் யாருக்கும் இல்லை. இதனால் நாளுக்குநாள் இவர்கள் கோவிலின் சுற்றுப்புறங்களை நாசமாக்குவது தொடர்ந்தவண்ணம்தான் இருக்கிறது. இந்நிலையில் கோவிலின் பின்புறத்தில் அகழியின் உள்ளே இறங்கி கோட்டைக்குள் விறகு பொறுக்கும் வயதான பாட்டி (படத்தில் உள்ளவர் ) கூறியதாவது "இத்தனை நாளும் ஒரு பிரச்சினை இல்லாமல் விறகு பொறுக்கினம், இப்ப கால் வைக்க முடியாதபடி இதுகள் அசிங்கம் பண்ணீற்று போகுதுகள் (இவர்கள் செருப்பு போடுவதில்லை) இதால நாங்கள் இந்த அசிங்கங்களை மிதிச்சுக்கொண்டுதான் விறகு பொறுக்கவேண்டி இருக்கிறது " என்றார்.

கோவிலுக்கு முன் சமைக்கும் மக்கள்

இன்று யாழ்ப்பாணத்திற்கு வரும் சிங்கள சுற்றுலா பயணிகளின் எண்ணிக்கை நாளுக்குநாள் அதிகரித்த வண்ணம் உள்ளது, வெள்ளிக்கிழமை ஆனால் ஆயிரக்கணக்கில் பஸ்களில் வரும் இவர்கள் தங்குவதற்கு எந்த ஒழுகும் இல்லாமல் வருவதால் யாழில் உள்ள ஓரிரு விடுதிகளில் தங்குபவர்கள் போக மீதமுள்ளோர் நகர்ப்புறங்களில் உள்ள பொது இடங்களில்தான் தங்குகின்றனர், அங்கேயே சமைத்து சாப்பிட்டுவிட்டு அங்கேயே ......போகும் இவர்களால் இன்று யாழ்ப்பான மக்களுக்கு கிடைத்திருப்பது நோயைதவிர வேறொன்றுமில்லை.

பொது இடத்தில் உணவு உட்கொள்ளும் சுற்றுலாவாசிகள்

இவர்களின் வருகையை வேண்டாமென்று சொல்லவில்லை,தாராளமாக வரட்டும், இவர்களது வருகை எமக்கு மகிழ்ச்சிதான், ஆனால் வருபவர்கள் தங்குமிடத்திற்கு ஆயத்தமில்லாமல் வருவதை ஏற்றுக்கொள்ள முடியாது, இதேபோல தமிழ்மக்கள் ஆயிரம் பஸ்வண்டிகளில் கொழும்புக்கு சென்று பொது இடங்கில் சமைத்து சாப்பிட்டுவிட்டு பொது இடங்களில் ....செய்ய கொழும்பு மாநகரசபை அனுமதிக்குமா ? இதை தட்டிக்கேட்க வேண்டியவர்கள் மாநகரசபை உறுப்பினர்களும் அரசஅதிபருமே , ஆனால் இவர்கள் இருவரும் இதுவரை வாயே திறக்கவில்லை.இப்படியே போனால் சிறிது காலத்துக்குள் யாழ்நகரில் கொலரா, வாந்திபேதி, டெங்கு என்பன பலமடங்கு அதிகரிப்பதை யாராலும் தடுக்கமுடியாது, உடனடியாக மாநகரசபை அல்லது அரசஅதிபர் இதற்கொரு முடிவெடுக்கவேண்டும்.

சுற்றுலா வாசிகள்

இதுதவிர முக்கிய கோவில்கள் , பீச்சுகள் என்பவற்றுக்கு செல்வதற்கு தமிழ்மக்களை விட சிங்களமக்களுக்கே ராணுவத்தினர் முன்னுரிமை அளிப்பதாகவும் மக்கள் கூறுகின்றனர். அதேபோல முன்னர் நடைபாதை கடைகள் வைத்திருக்கும் ஓரிரு தமிழ் வியாபாரிகள் பொலிசாரால் விரட்டப்பட்டு வந்தனர் , ஆனால் இன்று கொழும்பிலிருந்தும் வெளிமாவட்டங்களில் இருந்தும் வந்த வியாபாரிகளால் நல்லூரில் திருவிழா காலங்களில் உள்ளதைவிட அதிகமான நடைபாதை கடைகளை உள்ளன, யாழ் நகரின் பிரதான வீதிகள் அனைத்திலும் அதிகமான நடைபாதை கடைகள், ஆனால் இன்று இவர்கள் யாரையும் போலீசார் ஏன் என்றும் கேட்பதில்லை.

நடைபாதை வியாபாரிகள்

ஆரம்பத்தில் பாதை திறக்கப்பட்டபோது பொருட்களின் வரவால் விலைவாசி குறைந்திருந்த யாழ்ப்பாணம் இன்று அதே பொருட்களால் குப்பைமேடாக ஆகிவிட்டது, அனைத்து பொருட்களும் யாழ்ப்பாணத்திற்கு கொண்டுவந்து மலிவு விலையில் தள்ளப்படுகிறது, வெளிநாட்டுக்காசு அதிகமாக புழங்கும் யாழ்ப்பாணத்தவரும் தரத்தை பார்க்காமல் கிடைக்கும் அனைத்தையும் அவாவில் வாங்கிக்கொள்கிறார்கள், இதனால் வெளிமாவட்ட வியாபாரிகள் வருகை நாளுக்குநாள் அதிகரித்தவண்ணம் உள்ளது , இவர்கள் பொருட்களை வீதிகளில் போட்டு விற்பதால் கடைவாடை, மின்சாரசெலவு, வரி , தொழிலாளர் சம்பளம் என்பன இல்லாமையால் குறைந்தவிலைக்கு பொருட்களை கொடுக்கக்கூடியவாறு உள்ளது, இதனால் காலம் காலமாக யுத்தகாலத்திலும் மக்களோடு இருந்துவந்த யாழ்ப்பாண வியாபாரிகள் (கடைக்காரர்கள்) எல்லாம் வியாபாரம் இல்லாமல் காய்ந்து கிடக்கின்றார்கள். இதற்கு போலீசோ , அரசஅதிபரோ உடனயாக சரியான தீர்வை எடுக்காவிட்டால் பல கடைகள் இழுத்துமூடும் நிலைக்கு ஆளாகலாம்.

இது மட்டும் இணையத்தில் சுட்டது 

இதேபோல கடும் வெய்யிலில் நின்று தோட்டம் செய்யும் தோட்டக்காரர்களுக்கும் இப்போது பேரிடி விழுந்துள்ளது, குறிப்பாக வெங்காய செய்கை செய்தோருக்குதான் பாதிப்பு அதிகம், அதிக விலையில் விதை வெங்காயம் வேண்டி விதைத்த இவர்கள் இன்று விளைந்த வெங்காயத்தை சந்தைப்படுத்த சந்தைக்கு வந்தால் , சந்தையில் காய்ந்த (பழம் ) 'இந்திய' வெங்காயம் கொழும்பிலிருந்து குறைந்த விலையில் கொண்டுவரப்பட்டிருக்கும். இதனால் இவர்களது புது வெங்காயத்தை அடிமாட்டு விலைக்கு விற்றுவிட்டு வயித்தெரிச்சலோடு இவர்கள் வீட்டுக்கு திரும்பிபோகும் நிலை உருவாகியுள்ளது. உள்ளூர் தயாரிப்புகளுக்கு மேலதிக தேவையான மரக்கறிகளையும், அரிசிகளையும் மட்டும் யாழ்ப்பாணத்துக்குள் கொண்டு வர அனுமதித்தல் அன்றி யாழ்விவசாயிகளும் , தோட்டக்காரர்களும் பாதிக்கப்படுவதை தடுக்கமுடியாது. இது முற்றிலும் அரசஅதிபரின் கைகளிலேயே தங்கியுள்ளது.

மதிப்பிற்குரிய அரசஅதிபர் கணேஷ் அய்யா அவர்களே இந்த பிரச்சினைகளுக்கு உடனடி தேர்வு காணவேண்டும் என்பது யாழ்ப்பான வாசிகளின் சார்பாக எனது கோரிக்கையாகும்.

நன்றி.

தாண்டிரா ராமா தாண்டிரா...

அஜித்தும் ரஜினியும் எமது குடும்பத்தை சேர்ந்தவர்கள், அவர்கள் மீதிருந்த மனக்கசப்பு தீர்ந்துவிட்டதென்று பெப்சி சங்கத்தலைவர் mr டுபாக்கூர் குகநாதன் தெரிவித்துள்ளார். முதல்வர் கலைஞர் கேட்டுக்கொண்டதற்கிணங்க ஒரே குடும்பத்துக்குள் கலககம் உருவாகிடக் கூடாதென்றும் திரையுலகின் கட்டுபாடு காத்திட வேண்டும் என்றும் கலைஞர் கேட்டதற்கிணக்கவே அஜித்மீதும் ரஜினிமீதும் ஏற்பட்ட மனக்கசப்பு நீங்கிவிட்டதாக இவர் கூறியள்ளார்.



இந்த பெப்சி சங்கத்துக்கு சொந்தமா மூளையே இக்ல்லையா? கலைஞர் சொல்லுமட்டும் இவர்களுக்கு திரையுலகினர் ஒரே குடும்பம் என்று தெரியாமலா இருந்தது? அல்லது போராட்டத்தை ஆரம்பிக்க சொன்னவரே முடித்துவைக்க சொல்லோட்டும் என்று காத்திருந்தனரா ? சரி அப்படியே எடுத்துகொண்டாலும் இந்த பிரச்சினை உச்சத்தில் இருக்கும்போது முதல்வர் என்ன கோமாவிலையா கிடந்தாரு? இப்போ அஜித்தோ ரஜினியோ இந்த சங்கங்களின் காமடியை கண்டு கொள்ளாமல் விட்டவுடன் 'குப்பற விழுந்தாலும் மீசையில் மண் ஒட்டாத' கதையாய் தோல்வியில் முடிந்த போராட்டத்தை கலைஞர் முடித்து வைத்ததாக கூறுகின்றனர். சில நேரங்களில் குழப்பமடைய இருந்த சினிமா கலைஞர்களின் உறவை மீண்டும் புதுப்பித்ததற்காக 'உறவை காத்த தலைவனுக்கு' என தலைப்பிட்டு பாராட்டுவிழா ஒழுங்கு செய்து அதற்கு வரும்படி நடிகர் , நடிகையரை கட்டாயப் படுத்தினாலும் ஆச்சரிய மில்லை.



இந்த அரைவேக்காடுகளின் குணம் தெரிந்துதானோ என்னமோ ரஜினி இந்த விடயத்தை பற்றி கொஞ்சமும் அலட்டிக்காமல் கூலாக சூட்டிங்கிற்கு கிளம்பியிருப்பார் போலுள்ளது, ரஜினி தனக்கு இருக்கும் தீர்க்கதரிசனம் எப்பேற்பட்டதென்பதை மீண்டுமொருதடவை நிரூபித்து காட்டிவிட்டார். நாம்தான் கொஞ்சம் அல்ல நிறையவே கொதிப்படைந்து விட்டோம், தலைவரின் பொறுமையும் தெளிவும் கொஞ்சம் கொஞ்சமாக எமக்கும் வர ஆரம்பித்துவிட்டது, இப்போது தெளிவாக இருக்கும் நாம் தலைவருக்கெதிரான 'வலிந்த தாக்குதல்கள்' நிகழும்போது கொதிப்படைவது வழக்கம், ஆனால் இனிவரும் காலங்களில் எம்மை தெளிவாகவும் அமைதியாகவும் வைத்திருக்க இந்த கலகம் உதவும், நன்றி mr குகநாதன்.

குகநாதனே இம்புட்டு பல்டி அடித்தால் ஜாக்குவார் ஸ்ரண்ட் மாஸ்டர்வேற எம்புட்டு பெரிய பல்டி அடிப்பார்?

அப்ப நாளை சத்தியராஜ் தலைமையில் 'சொறி சிரங்குகள்' வைக்கும் கூட்டம் புஸ்வாணமா?

பன்னீர்செல்வம் திரையரங்குகளில் ipl போட்டிகளை பார்க்க வேண்டியதுதானா?

அதெல்லாம் சரி எப்ப கலைஞருக்கு பாராட்டு விழா?

புலி வருது , கலைஞருக்கு ஆப்பு வைக்கும் பேரன்கள்.

'புலி வருது புலி வருது'
 

படம் :என்வழி

 

ஒரு ஊரில ஒருத்தன் மாடுகளை காட்டுப்பகுதிக்கு உணவிற்காக அழைத்து செல்வது வழக்கம், ஒருநாள் மாடுகளை மேய விட்டுவிட்டு அமர்ந்திருந்தவனுக்கு பொழுது போகவில்லை, இதனால் புலி வருது புலி வருது என்று சத்தம் போட்டான். உடனே அருகில் விறகு வேட்டிக்கொண்டிருந்தவர்கள் ஓடிவந்தனை, அவர்களிடம் தான் விளையாட்டுக்கு கூரியாதகா கூறினான், அவர்களும் சலிப்புடன் திரும்பி சென்றனர். இப்படியே பல தடவை   பலரை ஏமாற்றி அதிலே அற்ப மகிழ்ச்சி கொண்டிருந்தான். ஒருநாள் உண்மையிலேயே புலி வந்தது அவன் எவ்வளவு கத்தியும் யாரும் வரவில்லை , கடைசியில் மாடுகளை புலி அடித்து கொண்டுவிட்டது.

இது எல்லோருக்கும் தெரிந்த கதைதான், இதே கதை ஜாக்குவார் தங்கம் வீட்டிலும் நடந்தாலும் ஆச்சரியமில்லை. நேற்றுவரை கார் கண்ணாடியை அஜித் ரசிகர்கள் உடைத்துவிட்டார்கள், வீட்டையும் மனைவியையும் ரஜினி ரசிகர்கள் தாக்கிவிட்டார்கள் என புகார் கொடுத்தவர் இன்று தனது மகனை அஜித் ரசிகர் ஒருவர் கடத்த போவதாக கூறியுள்ளார். இவருக்கு வந்த மிரட்டல் கடிதத்தில் அனுப்பியவன் தனது விலாசத்தை இணைத்து அனுப்பியதுதான் உச்சக்கட்ட காமடி. இப்படியே தினம் தினம் ஒரு புளுகு மூட்டையை அவிழ்க்கும் தங்கத்தின் வீட்டிற்குள் உண்மையிலேயே 'புலி வருது புலி வருது' கதை போல நடந்தால் அப்போதும் ஜாக்குவார் இப்போதுபாடும் இதே பல்லவியை பாடினால் யாராவது நம்புவாகளா? அட கலைஞர்தான் நம்புவாரா? இப்படியே போனால் ஒருநாள் புலி வந்தாலும் ஆச்சரியமில்லை.

கலைஞருக்கு ஆப்பு வைக்கும் பேரன்கள் 
 

கலைஞரை தன்னை பாராட்டியும் தான்பார்த்த நடிகைகளின் அரைகுறை நடனத்தையும் இவ்வையகம் பார்க்க வேண்டும் என்பதற்காக தனது பெயரிலான ஊரான் வீட்டு காசில் உருவாக்கிய கலைஞர் தொலைக்காட்சியில் ஒளிபரப்பபோவது எல்லோருக்கும்    தெரியும். இதில் அஜித்தின் பேச்சும் ரஜினியின் கைதட்டும் வருமா என்பதே இன்றைய மில்லியன் டாலர் கேள்வியாக உள்ளநிலையில் இந்த நிகழ்ச்சியை காண மக்களும் ஆவலாக உள்ளனர். சனிக்கிழமை மாலை இந்த ஒளிபரப்பு இடம்பெறவிருக்கிறது

இந்த ஒளிபரப்பை பார்ப்பவகளின் எண்ணிக்கையை குறைப்பதற்கு அதிகம் கங்கணம் கட்டிக்கொண்டிருப்பது வேறு யாருமல்ல, கலைஞருடன் பிரிவு கண்டு பின்னர் இப்போது தாமரை இல்லை நீர்போல உறவாடும் அவரது பேரன்கள்தான். இவர்களது சன்டிவியில் வழமைக்கு மாறாக எந்தவொரு விசேட நாளாக இல்லாதபோதும் எதிர்வரும் 27 அதாவது கலைஞரின் பாராட்டுவிழா இடம்பெறும்போது 'மெகாஹிட்' படம் என்று விளம்பரப்படுத்தி ரஜினியின் 'சந்திரமுகியை' மீண்டும் ஒளிபரப்ப போகிறார்கள். மறுநாள் விஜயின் 'கில்லியும்' ஒளிபரப்பாகிறது. இதன்மூலம் கலைஞரின் நிகழ்ச்சியை தவிர்த்து பார்வையாளர்களை சன்னின் பக்கம் திருப்பவே இந்த ராஜதந்திரம், இவை தாத்தாவிடம் குடித்த யானைப்பால்தானே (யானை அல்ல ஞான ).அதுதவிர உதயநிதி ஸ்டாலின் வெளியிடும் புதிய திரைப்படமான 'விண்ணைத்தாண்டி வருவாயா' படத்தின் ஆரம்ப காட்சிகளுக்கு மக்களை செல்லவிடாமல் தடுக்கவும் இந்த திடீர் மெகாஹிட் திரைப்பட ஒளிபரப்பு இடம்பெறுவதாகவும் கருதலாம். அப்படியென்றால் ஒரு கல்லில் இரண்டு மாங்காய்.

மாறன்களா! பார்த்து நாளை உங்கள் மேலயும் ஜாக்குவார் , குகநாதன், பன்னீர்செல்வம் என்போர் புகார் கொடுத்தாலும் ஆச்சரியம் இல்லை.

ரஜினியை நாடு கடத்தும் தீர்மானம்.

எதிர்வரும் 27 ஆம் திகதி நடிகர் சங்கம் சார்பாக ரஜினிக்கும் அஜித்துக்கும் எதிராக விசாரணை கமிசன் கூடி இறுதியாக என்ன தீர்ப்பு வழங்கப்படவேண்டும் என்பதை தீர்மானிக்க போகிறார்கள். இந்த விசாரணை கமிஷனில் ஒய்வுபெற்ற முன்னாள் அமெரிக்க ஜனாதிபதி சத்தியராஜ், இங்கிலாந்தின் வெளிவிவகார செயலாளர் மும்தாஜ் , பாகிஸ்தானின் உளவுப்பிரிவுத் தலைவர் சின்னி ஜெயந்த், உலக பொப்பிசை பாடகி குயிலி , ஜேம்ஸ் கமரூனின் அடுத்த படத்தின் நாயகன் சூரியா, உலகவங்கி செயற்குழு தலைவர் மயிலுசாமி, செவ்வாய் கிரகத்தில் முதல் முதலாக காலடி வைக்கப்போகும் 'வண்டு முருகன்' sorry 'பூச்சி முருகன்' மற்றும் ஐநாவின் திட்டமிடல் கமிஷன் அதிகாரிகளான எஸ்.வி.சேகர், சத்யபிரியா, நளினி, பாத்திமாபாபு, நம்பிராஜன் என பெரும் தலைகள் பங்கு பற்றுகின்றன. ever green உலக அழகி நமீதாவும் , மைக்கல் ஜாக்சனின் உடன்பிறப்பு கலாவும் மிஸ்ஸிங்.



இந்த கமிஷன் தமது விசாரணைகளை முடித்து அறிக்கையை பாரத பிரதமர் சரத்குமாரிடமும், ஜனாதிபதி ராதாரவியிடமும் ஒப்படைப்பார்கள், அவர்கள் இருவரும் கலந்தாலோசித்துவிட்டு இறுதி முடிவை எடுப்பார்கள். அதிகமாக ரஜினி, அஜித் மற்றும் இவ்விருவருடைய குடும்ப உறுப்பினர்கள் அனைவரதும் சொத்துக்கள் புடுங்கப்பட்டு குடியுரிமை பறிக்கப்பட்டு சொந்த நாட்டுக்குள்ளேயே தமிழ் நாட்டிற்கு வெளியே நாடுகடத்தப்படுவார்கள் என்று இந்த கமிசனின் முக்கிய புள்ளி ஒருவர் 'ஒன்பது ரூபாய் நோட்டை' லஞ்சமாக வாங்கிவிட்டு எமக்கு கூறியுள்ளார் , அதுதவிர எங்களது சில சந்தேகங்களையும் அவர் தீர்த்துவைத்தார்

வேற்று நாட்டுக்கு நாடு கடத்தாமல் எதுக்கு இந்தியாவிற்குள்ளேயே நாடு கடத்தப் படவேண்டும் என்று கேட்டதற்கு,

"அப்பதானே நடிகர் சங்கம் பிச்சை எடுக்கும் விழாக்களுக்கும், சினிமா விபச்சாரிகளுக்கு ஆதரவு தேடும் கண்டன கூட்டங்களுக்கும், தமது படங்களை திருட்டு vcd யில் வெளியிட்டுள்ளார்கள் என அழுவதற்கும், முத்தமிழை வித்தவருக்கு பாராட்டு விழா எடுப்பதற்கும் மிரட்டியோ காலில் விழுந்தோ அழைக்கமுடியும், இவர்கள் இல்லாவிட்டால் குறிப்பாக ரஜினி இல்லாவிட்டால் கூட்டம் சேராது என்பதற்காவே இந்த ஏற்பாடு" என்றவரிடம்


அதுசரி எதற்காக தமிழ்நாட்டை விட்டு வெளியே நாடு கடத்தப்பட வேண்டும் என்றுகேட்டதற்கு,

"தமிழ் நாட்டுக்குள் இருந்தால் ஒருவேளை நாளை ரஜினி கட்சி தொடங்கிவிட்டால் தமிழக முதல்வரது வாரிசுகள் என்ன செய்வது? ஊழல் வழக்கில் அவர்களால் உள்ளே இருக்க முடியுமா? அது தவிர இவர்களை தமிழகத்துக்குள் விட்டால் ஜா(ஜோ )க்குவார் தங்கம், குகநாதன், பன்(னி)னீர் செல்வம் முதற்கொண்டு சினிமா சங்கங்கள் ,ஜாதி சங்கங்களின் தலைவர்கள்மீது கல்லால் அடித்தால் என்ன செய்வது ? அது தவிர ஒரேயடியாக ரஜினியை இல்லாமல் செய்தால் ரஜினியை எதிர்ப்பதற்காக மட்டும் அவ்வப்போது மூக்கு வாயால் எல்லாம் வழியும் தமிழுணர்வு முற்றிலும் இல்லாமல் போய்விடுமே ? நாம் தமிழர்கள் என எப்படி எங்களால் பறை சாற்றமுடியும்? எனவேதான் இந்த தமிழகத்துக்கு வெளியே இந்தியாவிற்கு உள்ளே நாடுகடத்தும் திட்டம்" என்றார்.



இருந்தாலும் 27 ஆம் திகதிதான் உண்மையான தீர்ப்பு வெளியாகும் என்பதால் இந்த இருவரது ரசிகர்களும் மிகுந்த கலக்கத்தில் மணிக்கொருதடவை சத்தியராஜ்சிற்கு தொலைபேசி அழைப்பை மேற்கொண்டு எங்கள் தலைவரையும் தலையையும் மன்னித்துவிடுங்கள் என்று கோரிக்கை வைக்கிறார்களாம், ஆனால் சத்தியராஜ் " அவர்களை மன்னிக்கணும் என்று ஒரு நிலை வந்தால் நாக்கை புடுங்கிட்டு சாவனே தவிர மன்னிக்கவே மாட்டன்" எண்டு கலைஞர் ஒகேனக்கலில் எழுதிக்கெடுத்த (எழுத்துப் பிழையில்லை ) வசனத்தை உல்டாப் பண்ணி மீண்டும் மீண்டும் கூறுகிறாராம். கலைஞர் இன்னும் புதிதாக எதுவும் எழுதிக்கொடுக்கவில்லை என்பது ரசிகர்களின் குற்றச்சாட்டாக உள்ளது.

வாழ்க தமிழ், வாழ்க தமிழர்கள், வாழ்க கலைஞர், வாழ்க தமிழ் சினிமா, வாழ்க சினிமா சங்கங்கள். இவற்றுக்கு முன்னர் 'நன்றிகெட்டதனத்துடன்' என்னும் வாசகத்தை சேர்க்க மறந்திட்டனே!

சுவாசித்த கிரிக்கட்-- தொடர் பதிவு

தொடர் பதிவிற்கு அளித்த எட்வினுக்கு(தமிழ் எட்வின் ) மீண்டும் நன்றியை கூறிக்கொண்டு எனது தொடர்பதிவை எழுதுகிறேன், இதுதான் முதல்தரம் தொடர்பதிவு எழுதுவது என்பதால் தவறிருந்தால் சுட்டிக்காட்டுங்கள். இத்தொடர்பதிவின் விதிமுறைகள்

1. உண்மையை மட்டுமே சொல்லவேண்டும். 

2. தற்போது கிரிக்கெட் விளையாடும் வீரர்கள் மட்டுமே குறிப்பிடவேண்டிய அவசியமில்லை 

3. குறைந்தது இருவரையாவது தொடர்பதிவுக்கு அழைக்கவேண்டும்.

(1) பிடித்த போட்டிவகை : டெஸ்ட் மற்றும் ஒருநாள் போட்டிகள் (தெற்காசிய ஆடுகளங்கள் தவிர்ந்த )

(2) பிடிக்காத போட்டிவகை : டுவென்டி டுவென்டி , பார்த்தாலே எரிச்சலாக இருக்கும், கிரிக்கெட் போல இருக்காது எதோ ரெஸ்லிங் பார்த்த மாதிரி இருக்கும்.  

(3) பிடித்த அணி : முதலிடம் முன்னர் இலங்கை, இப்போ தென்னாபிரிக்கா, இரண்டாமிடம் எப்போதும் பாகிஸ்தான். மீண்டும் முதலிடம் இலங்கை ஆவதற்கு காத்திருக்கிறேன்.

(4) பிடிக்காத அணி : முன்னர் இந்தியா, இப்போது இங்கிலாந்து மற்றும் ஆஸ்திரேலியா, இங்கிலாந்து 'பிச்சைகாரன் சத்தி எடுத்தமாதிரி' எல்லா நாட்டு வீரர்களின் கலப்பு அணியாக விளையாடுவதால் அதை இங்கிலாந்துஎன்பதைவிட 'சர்வதேச அணி' என்றே அழைக்கலாம்.

(5) பிடித்த துடுப்பாட்ட வீரர்கள் : எப்படி ஓரிருவரை சொல்வதென்று தெரியவில்லை இருந்தாலும் சுருக்கமாக - அரவிந்த டீ சில்வா, சனத் ஜெயசூரியா, மஹேலா ஜெயவர்த்தன, ரசல் ஆணல்ட், இஜாஸ் அஹமட், சாயிட் அன்வர், முகமட் யூசப், இன்சமாம் உல் ஹாக், கிராம் ஸ்மித், ஜக் கலிஸ், ஜஸ்டின் கெம்ப், ஹேசல் கிப்ஸ், எம்.எஸ். டோனி, மைக்கல் பெவன், மார்க் வோ, ஸ்டீவ் வோ, டேமியன் மார்டின், பிறையின் லாரா, கிரிஸ் கெயில், ஹால் கூப்பர், நாதன் அஸ்டில், கிறிஸ் கெயின்ஸ், அலிஸ்டர் கம்பல், கிரான் பிளவர், மைக்கல் வோகன் .... இவர்கள் ஒவ்வொருவரை பற்றியும் அவர்களது ஷோட்கள் பற்றியும் எழுதுவதென்றால் இந்த பதிவு போதாது.

இருந்தாலும் அரவிந்த, சனத் , மஹேலா போல யாரையும் வெறித்தனமாக ரசித்ததில்லை.

(6) பிடிக்காத துடுப்பாட்ட வீரர்கள் : தனிப்பட்ட காரணங்களுக்காக சங்கக்காரா, மற்றும் கெவின் பீற்றசன், அன்று பிளின்டோப், மைக்கல் ஹசி

(7) பிடித்த விக்கட் காப்பாளர்  : எப்போதும் களுவித்தாரண

(8) பிடிக்காத விக்கட் காப்பாளர் : கமரன் அக்மல் (விக்கட் காப்பு மட்டும் , துடுப்பாட்டம் அல்ல)

(9) பிடித்த களத்தடுப்பாளர் : ரொஷான் மஹாநாம , என்னவொரு கவர்ச்சிகரமான களத்தடுப்பாளர், இப்போது நினைத்தாலும் பசுமையாக உள்ளது. இஜாஸ், கிப்ஸ், பொண்டிங், உப்பிள் சந்தன போன்றோரும் பிடிக்கும்.

(10) பிடிக்காத களத்தடுப்பாளர் : நுவான் சொய்சா, சஹீர் கான், முகம்மது யூசப், அப்துல் ரசாக்.

(11) பிடித்த வேகப் பந்து வீச்சாளர் : வாசிம் அகரம், வசீமை பற்றி என்னவென்று சொல்வது , ஆரம்பகால் fast run-up வசீமாக இருக்கட்டும் இறுதிக்கால slow run-up arm fast வசீமாக இருக்கட்டும் அந்த swing control ஐ என்னவென்று சொல்வது? அந்த நேர்த்தியான yorker பந்துகளை என்ன வென்று சொல்வது? ரிவேர்ஸ் ஸ்விங் மூலம் பெரும் தலைகளது இலக்குகளை (அதிகமாக lbw ) அனாவசியமாக அள்ளியதை எப்படி சொல்வது ? தனது சமயோகித புத்தியை(different variation ) பயன்படுத்தி விக்க்கட்டுகளை கொய்த அழகை என்னவென்று சொல்வது? வசீம் வசீம்தான்.

வசீம் அக்ரமளவிற்கு ரசித்த இன்னொருவர் சமிந்த வாஸ் , வேகம் தவிர வசீமிடமிருக்கும் அனைத்து திறமைகளும் உள்ள இன்னொருவர், சாஜா ஆடுகளங்களிலும் , கொழும்பு RPS இலும் இரவு நேரங்களில் வாஸின் கை 'கதை பேசியதை' எப்படி மறக்க முடியும்? எனது பார்வையில் வாஸ் இன்னுமொரு வசீம் அக்ரம்தான். இவர்கள் தவிர வக்கார் யூனிஸ், சொஹைப் அக்தர், ஹீத் ஸ்ட்ரீக், டரின் கப் (இவரது Bowling Action ), அன்றே நெல், ஷோன் போலக் ,டேல் ஸ்டெயின் , டில்ஹார பெர்னாண்டோ, இயன் ஹாவி, கிறிஸ் கெயின்ஸ் , டரில் டபி போன்றோரையும் பிடிக்கும்.

(12) பிடிக்காத வேகப் பந்து வீச்சாளர் :  ஸ்டுவட் ப்ரோட் , வெட்டிப் பந்தா பேர்வழி, 'அந்த ஓவரோட' அடங்குவாரென்று பார்த்தால் முடியல....

(13) பிடித்த ஆப் ஸ்பின்னர் :  இதிலென்ன சந்தேகம் முரளிதான் , இருந்தாலும் சக்லின் முஷ்டாக் , குமார் தர்மசேன என்போரையும் நன்கு பிடிக்கும்.

(14) பிடிக்காத ஆப் ஸ்பின்னர் : ஹர்பஜன் சிங், இதற்கு காரணம் தேவைப்படவில்லை

(15) பிடித்த லெக் ஸ்பின்னர் : நிச்சயமாக ஷேன் வோன் இல்லை, கிராண்ட் பிளவர் மற்றும் விட்டோரி பிடிக்கும்.

(16) பிடிக்காத லெக் ஸ்பின்னர் : சுனில் ஜோசி மற்றும் அஸ்லி ஜயில்ஸ்

(17) பிடித்த ஆடுகளங்கள் :  தென்னாபிரிக்காவின் டேர்பன், வோண்ட்ரூஸ் (பச்சை ஆடுகளம் ), மேற்கிந்தியாவின் ஜமேக்கா, அரபு எமிரேட்சின் சாஜா, இங்கிலாந்தின் லீட்ஸ், எட்ஜ்பாச்டன், ஆஸ்திரேலியாவின் சிட்னி, ஹோபாட் (அற்புதமான இயற்கை அழகு ) , நியூசிலாந்தின் வெலிங்டன் , ஜிம்பாவேவின் ஹராரே ,இலங்கையின் RPS

(18) பிடிக்காத ஆடுகளங்கள் :  இலங்கையின் RPS தவிர்ந்த தெற்காசிய ஆடுகளங்கள் அனைத்தும், நியூசிலாந்து மற்றும் தென்னாபிரிக்காவில் ஒருநாள் போட்டிகளுக்காக மாற்றியமைக்கும் துடுப்பாட்ட வீரர்களுக்கு மட்டும் சாதகமான எந்த ஆடுகளமும்.



(19) பிடித்த சகலதுறை வீரர்  : கிறிஸ் கெயின்ஸ், நான் வெறித்தனமாக ரசித்த இன்னுமொரு வீரர், ஆனால் அடிக்கடி குடும்பத்துடன் விடுமுறையை கழிக்க செல்வதால் இவரை மைதானத்தில் பார்ப்பது அரிது.

(20) பிடிக்காத சகலதுறை வீரர் : அன்று பிளின்டோப் , தான் போடும் சப்பை பந்துக்கு தாமாக அடித்து ஆட்டமிழப்பவர்களை கூட தனது திறமையால் ஆட்டமிழக்க செய்ததுபோல் காட்டிக்கொள்ளுமிவர் தான் நல்ல பந்திற்கு ஆட்டமிழந்தால் கூட தனது தவறால்தான் ஆட்டமிழந்தமாதிரி ஒரு ரியாக்சன் குடுப்பார் பாருங்க, வாயில கெட்ட வார்த்தைதான் வரும்.

 
(21)பிடித்த அணித் தலைவர் :  2007 ஆம் ஆண்டு உலக கிண்ண போட்டிகளில் இலங்கையை இறுதிப்போட்டிவரை தனது தலமைத்துவத்தாலேயே கொண்டுசென்றார் என்பது ஒருபுறம் இருக்க மகேலாவின் தலைமையின் சிறப்பிற்கு சிறு உதாரணம், 2007 உலக கோப்பையில் இங்கிலாந்துடனான ஆட்டத்தில் இங்கிலாந்து முதல் பத்து ஓவர்களில் விக்கட்டுகளை இழந்து அழுத்தத்துடன் ஆடியவேலையில் இரண்டாவது power play யை எடுக்காது (வேறு யாரும் இப்படி செய்ததில்லை ) ஸ்பின்னேர்ஸ் இடம் பந்தை வீசக்கொடுத்து மேலும் இரண்டு விக்கட்டுகளை சாய்த்ததை பாராட்டாத வர்னணையாளர்களே இல்லை. அதுதவிர களத்தடுப்பு வியூகங்களாகட்டும் , பந்து பரிமாற்றங்களை வழங்குவதாகட்டும் மகேலா தனது முத்திரையை பத்திததை நான் சொல்ல வேண்டியதில்லை. அஜே ஜடேயா, வசீம் அகரம், கவாஸ்கர், ரவி சாஸ்திரி போன்றோரே சொல்லியிருக்கிறார்கள்

மஹேல தவிர அர்ஜுனா,சனத், டோனி, ஸ்மித், வசீம், கான்சி குரோனியே போன்றோரையும் பிடிக்கும்

(22) பிடிக்காத அணித்தலைவர் : யூனிஸ் கான் , இவரது அதிமேதாவித்தனமான செயற்பாடே இன்றைய பாகிஸ்தானின் வீழ்ச்சிக்கு முக்கிய காரணம்.மற்றும் சைபுல் ஹசன், அதிக மண்டைக்கனம்

(23) கனவான் வீரர்கள் : சச்சின்,  முரளி, லாரா, அரவிந்த, சனத்....இப்படி சொல்லிக்கொண்டே போகலாம்

(24) பிடித்த வர்ணனையாளர் : எப்போதும் டோனி கிரேக், இலங்கை சுழியத்தில் இருந்த காலம் முதல் உச்சத்தில் இருந்த காலம்வரை இலங்கையின் சார்பில் வர்ணனை செய்த வேற்று நாட்டுக்காரரான இவருக்கு ஒரு சலூட் , இவரது குரலில் little kalu , master blaster போன்ற சொற்கள் என்றும் மறக்க முடியாதவை. இவரைத்தவிர ரவி சாஸ்திரி, ரமேஷ் ராஜா, அமீர் சொஹெயில் 

(25)  பிடிக்காத வர்ணனையாளர் : கவாஸ்கர், சிவராம கிருஷ்ணன் , ஹர்ஷா போக்லே, ஜெப்ரி போய்கொட், இயன் சப்பல், ஹென்ஸ்மன் , இவர்கள் முழுக்க முழுக்க பக்க சார்பானவர்கள்.


(26) பிடித்த பயிற்றுவிப்பாளர் :  டேவ் வட்மோர் , காரணம் தேவையில்லை என்று நினைக்கிறேன் , டொம் மூடியும், பொப் வூல்மரும் பிடிக்கும்.

(27) பிடிக்காத பயிற்றுவிப்பாளர் : கிரேக் சப்பல், மோசமான ஆசாமி

(28) பிடித்த போட்டி :  முன்னர் இலங்கை விளையாடும் எந்த போட்டியும் , இப்போ இந்தியா- இலங்கை, இந்தியா- பாகிஸ்தான், ஆஸ்திரேலியா -தென்னாபிரிக்கா, இந்தியா- தென்னாபிரிக்கா, இந்தியா- ஆஸ்திரேலியா, இங்கிலாந்து-தென்னாபிரிக்கா

(29) பிடித்த வளரும் வீரர் : உமர் அக்மல், நான் அண்மையில் வியந்த இளம் வீரர், இவர்தவிர முகமட் அமீர் மற்றும் தென்னாபிரிக்காவின் வோனே பானெல்

(30) பிடிக்காத வளரும் வீரர் : அப்படி யாரும் இல்லை.

தொடர் பதிவெழுத நான் அழைப்பது

சத்தீஸ் (சத்தீசின் சரவெடி)

கார்த்திக் (ரசிகன் )

கிரிக்கெட் தொடர் பதிவுக்கு முன்னோட்டம்...

என்னை கிரிக்கெட் தொடர்பதிவு எழுத அழைத்த எட்வினுக்கு (தமிழ் எட்வின் ) முதற்கண் நன்றிகள்.இந்த பதிவை எழுதுவதற்கு முன்னால் கிரிக்கெட்டுக்கும் எனக்குமான உறவு எப்படி இருந்தது, இருக்கிறது என்பதை ஞாபகபதிவாக எழுதலாமென்று நினைக்கிறேன்.

எனக்கு இப்போது கிரிக்கெட்மீது உள்ள ஈடுபாடு ஆரம்பகாலத்தில் இருந்ததை விட பல மடங்கு குறைவடைந்து விட்டது, கிரிக்கெட் என் வாழ்வில் என்ன பங்கு வகித்ததென்பதை என்னால் எழுத்தில் நிச்சயம் சொல்லமுடியாது,இருந்தாலும் முடிந்தவரை உங்களுக்காக.

இப்படியும் விளையாடலாம்
 

கிரிக்கெட் சிலருக்கு ஒரு 'வேதம்' என்று சொல்லுவார்கள் என்னை பொறுத்தவரை கிரிக்கெட் அதையும் தாண்டி என்னை பூரணமாக ஆட்கொண்டிருந்தது. காலை 3 மணிக்கு நியூசிலாந்தில் ஆரம்பிக்கும் போட்டிகளில் ஆரம்பித்து இரவு 2 மணிக்கு மேற்கிந்தியாவில் நிறைவடையும் போட்டிவரை 23 மணி நேரம் கிரிக்கட்டுடன் இருந்த நாட்கள் அவை. இதற்கிடையில் பாடசாலை கிரிக்கெட் பயிற்சி (வாரம் 2 நாள் போட்டிகள் ) , உள்ளூரில் மென்பந்து கிரிக்கெட் போட்டி , வீட்டுக்கு பக்கத்து வளவுக்குள் one jump out game , மிகுதி நேரத்தில் கிரிக்கெட் அரட்டை என எமக்கு வேறெந்த நினைப்புமே இருந்ததில்லை. நாம் என்கிறேன் என்று பார்க்கிறீர்களா? நிச்சயமாக நான் மட்டுமல்ல, எனது தம்பி (எப்பூடியில் என்கூட சேர்ந்து பதிவு எழுதுபவர் ) மற்றும் மூன்று முக்கியமான 'முன்னாள்' நண்பர்களும் (பெயர் குறிப்பிட வேண்டாம் என்று நினைக்கின்றேன்) இதர சில நண்பர்களும்தான் இந்த 'நம்மில் ' அடங்குவார்கள்.

இலங்கை அணியும் நானும் 

எங்களுக்கு இலங்கை எவ்வளவு பிடிக்குமோ அதேபோல இந்தியாவை அந்தளவிற்கு பிடிக்காது, எங்களுக்குள் அப்படி ஒரு ஒற்றுமை. பள்ளிகூடத்தில் இலங்கை , இந்தியா ரசிகர்கள் என இரு பிரிவிருக்கும், இவர்களில் இலங்கை ரசிகர்கள் அனைவருக்கும் இந்தியா எதிர் , அதேபோல இந்தியா ரசிகர்களுக்கு இலங்கை எதிர். இதனால் இலங்கை வென்றால் மறுநாள் இறுமாப்போடு இந்திய ரசிகர்களை ஒருவழிபண்ண தேடும் நாம் இலங்கை தோற்றுவிட்டால் அதை எப்படி கதையால் வெட்டுவது என்பதற்கான காரணங்களுடன்தான் பள்ளிக்கூடமே போவது வழக்கம்.உண்மையை சொல்வதென்றால் அன்று எனக்கு இலங்கை அணிக்கு பின்னர்தான் சாப்பாடுகூட(எனக்கு உலகத்திலேயே மிகவும் பிடித்ததே சாப்பாடுதான் ) மதியம் ஆரம்பமாகும் போட்டிகள் முடியும்வரை பட்டினியாக இருந்த நாட்கள் அதிகம், இலங்கை வென்றாலோ இந்தியா தோற்றாலோ போட்டி முடிந்தவுடன் பசி வயிற்றை கிள்ளும், இல்லாவிட்டால் அம்மாவிடம் கூட எரிந்துவிழுந்த நாட்கள் அவை.

பலாலி இராணுவத்தால்தான் யாழ்ப்பாணத்திற்கு கிரிக்கெட் போட்டிகள் ஒளிபரப்பப்படும் (கேபிள் லைன் இல்லாததால் அனைத்து தொலைகாட்சிகளையும் தமது ரிசீவரில் பெற்று மீள எமக்கு ஒளிபரப்புவார்கள்) இதனால் espn , star spots என்பன எமக்கு இலவசமாக கிடைத்தது. ஆனால் இது நிலைக்கவில்லை, 2000 ஆம் ஆண்டு டாக்காவில் இடம்பெற்ற ஆசியகிண்ண போட்டிகளின்போது இலங்கை இந்திய அணிகளுக்கிடயிலான் போட்டியில் சனத் 96 ஓட்டங்களுடன் களத்தில் இருந்தபோது ஒளிபரப்பு தடைப்பட்டது. அப்போது யாழ்ப்பாணத்தை நோக்கி புலிகள் (சண்டையில்) நெருங்கிக்கொண்டிருந்ததனால் மின்சாரம் இல்லாமல் இருந்தது, பல்கலைகழக விடுதியிலேயே (ஒரு அண்ணை அழைத்துப் போயிருந்தார் ) இந்த ஆட்டத்தை பார்த்தேன். அன்று தடைப்பட்ட ஒளிபரப்பு ஒரேயடியாக தடைப்பட்டது தெரியாமல் இறுதிப்போட்டியை பார்ப்பதர்கால(இலங்கை, பாகிஸ்தான் ) அராலியில் இருந்து திருநெல்வேலிவரை (15 km) எதிர்காற்றில் சைக்கிளில் மின்பிறப்பாக்கியை கட்டி ஓடிவந்து போட்டியைகான காத்திருந்தால் கிடைத்தது ஏமாற்றமே.

பின்னர் இணையத்திலிருந்து போட்டியை இராணுவம் ஒளிபரப்பியது(இலங்கை அலைவரிசைகளில் வரும் போட்டிகள் மட்டும் ), அது ஒவ்வொரு frame ஆகத்தான் ஒளிபரப்பாகும், இதனால் பந்து வீசும்போது ஒரு frame வந்தால் அடுத்த frame batsman விளையாடிய பின்னர்தான் வரும், கடுப்பை கிளப்பினாலும் முழு டெஸ்ட் போட்டிகளையும் விடாமல் பார்த்தநாட்கள் அவை. போட்டிகள் டூடடர்சனில் ஒளிபரப்பப்பட்டால் (இந்தியா , சாஜா அல்லது இந்தியா விளையாடும் ஆசியாவில் நடைபெறும் போட்டிகள் ) உண்டாகும் மகிழ்ச்சிக்கு அளவே இல்லை. பின்னர் இணைய ஒளிபரப்பும் தடைப்பட போட்டிகளைகாணும் வாய்ப்பே இல்லாமல்போனது. அப்போது ஆரம்பித்ததுதான் நேர்முகவர்ணணை கேட்கும் பழக்கம். கிரீடாபிகாசவில் இலங்கை விளையாடும் அனைத்து போட்டிகளின் நேர்முகவர்ணணையும் இடம்பெறும், ஆனால் யாழ்ப்பாணத்திற்கு தெளிவிருக்காது, இதனால் ஒரு வேப்பமரத்தில் அன்ரனாவை செருகி கதிரையின் மீது ஏறி நின்று (வீதியால் போகிறவர்களின் ஏளனத்திற்கும் ஆளாகி ) மணிக்கணக்கில் வர்ணனையை கேட்ட காலங்கள் அவை.

இப்படியும் சிலகாலம் 

கொழும்பில் ஒளிபரப்பாகும் தொலைக்காட்சி அலைவரிசைகள் யாழ்ப்பாணத்தில் தெளிவிருக்காது, இருந்தாலும் பத்து நிமிடங்கள் காத்திருந்து மூன்று வினாடிகள் போட்டியை பார்க்குமளவிற்கு பொறுமையும் வெறித்தனமும் அன்றிருந்தது. போட்டியை யாழ்ப்பாணத்திற்கு ஒளிபரப்பும் இராணுவத்திற்கும், லங்காஸ்ரீ தொலைக்காட்சிக்கும், அரசியல்வாதிகளுக்கும் (டக்ளஸ், மகேஸ்வரன்)போட்டிகளை ஒளிபரப்பும்படி கோரி ஆயிரம் கையெழுத்திட்ட (900 திற்கு மேல் கள்ள கையெழுத்து )கடிதங்களை அனுப்பியிருக்கின்றோம், இதில் உங்களுக்கு நம்பகத்தன்மை இல்லை என்றால் 2001 ஆம் ஆண்டு st/johns college இல் கல்வி பயின்ற கிரிக்கெட் ஆர்வமுள்ள முன்னாள் மாணவர்களை கேட்கலாம். இப்படி எனக்குள் கலந்த கிரிக்கற் எப்படி இன்று என்னை விட்டு விலகிப்போனதென்று ஆச்சரியமாக உள்ளது.

அந்த நாள் நினைவுகள் .......

இதற்கு காரணம் நானும் எனது 'முன்னாள்' நண்பர்களும்தான், ஆரம்பத்தில் சுமூகமகாபோன எமது பழக்கம் பின்னர் போட்டியாக மாறியது. ஒவ்வொரு அணிக்குள்ளும் ஒவ்வொருவருக்கு ஒவ்வொருவரை பிடிக்க ஆரம்பித்தது, யாருக்கு கிரிக்கெட் அதிகம் தெரியும் என்ற போட்டியும் கொஞ்சம் கொஞ்சமாக உருவாகியது, இதனால் நாளடைவில் ஒருவருக்கு பிடித்ததை மற்றவர்கள் வெறுக்க ஆரம்பித்தோம், இதனால் ஒரு அணிக்குள் சிலரை பிடித்தும் சிலரை பிடிக்காமலும் போக ஆரம்பித்தது. நாளடைவில் ஒரு மனநோயாளியைப்போல அது என்னை மாற்றிவிட்டது, எமக்கு பிடித்தவர்கள் பிரகாசிக்கும்போது ஏற்படும் மகிழ்ச்சியைவிட பிடிக்காதவர் சோபிக்க தவறினால் ஏற்படும் மகிழ்ச்சி அதிகமாக இருந்தது. பிடிக்காதவர் நன்கு விளையாடினால் உடனே அந்த வீரரின் ஆதரவாளரின்( நண்பரின் ) மீது அளவு கடந்த எரிச்சல் வர ஆரம்பித்தது.

இப்படி தான்  நண்பர்களுடன்  

ஆரம்பத்தில் விவாதிக்கப்பட்ட கிரிக்கெட் பின்னர் சண்டையாக மாறியது, சினிமா, football ,tennis என அனைத்திலும் இந்த எதிர்ப்பு வளர்ந்தது, ஒருவருக்கு பிடித்தது மற்றவருக்கு பிடிக்ககூடாது என்பது எழுதாத விதியாக மாறியது. தினமும் 5 மணித்தியலத்திற்குமேல் ஒன்றாக இருந்தவர்கள் இப்போது இந்த விரிசலால் தொலைபெசிதொடர்பு கூட இல்லாமல் இருக்கின்றோம். நாம் மீண்டும் முன்பிருந்த மாதிரி உண்மையாக ஒளிவுமறைவில்லாமல் இப்போது பேசமுடியாதென்று எமக்கு அனைவருக்கும் தெரியும். ஒருவருடன் ஒருவர் எப்போதாவது பேசும் சந்தர்ப்பம் கிடைத்தாலும் அந்த உரையாடலில் உண்மைத்தன்மை இருக்காது, கடமைக்கு பேசுவது போன்றே இருக்கும், இதற்கு பேசாமல் இருப்பதே மேல் என்று நினைப்பதுண்டு.



இந்த உட்பூசலால் கிரிக்கெட் மீதான வெறித்தனம் குறைய ஆரம்பித்தது, இலங்கை அணிக்குள் எமது இரண்டு பிரிவு இருப்பதால் முழுமையாக இலங்கையை இப்போது ரசிக்க முடிவதில்லை, சங்கா எனக்கு பிடிக்காதவர் லிஸ்டிலும் டோனி எனக்கு பிடித்தவர் லிஸ்டிலும் இருந்ததனால் இலங்கையின் வெறித்தனமான் ரசிகனான நான் இன்று இந்தியா ஜெயிக்கவும் இலங்கை தோற்கவும் வேண்டுமென்று போட்டிகளை பார்க்கவேண்டி உள்ளது. நானே எனக்குள் சமாதானமாகி இனி பழசை மறந்து இலங்கைக்கு சப்போர்ட் பண்ணிறது என்று முடிவெடுத்தாலும் சங்ககார அடிக்கும்போது அந்த எண்ணம் தானாக மறைந்து விடுகிறது.இலங்கை தோற்கவேண்டுமென்று நினைக்கும் அளவிற்கு எனக்கு இந்தியாவை முழுமையாக ஏற்றுக்கொள்ள முடியவில்லை,இதனால் இன்றைய எனது தெரிவு தென் ஆபிரிக்கா. ஆனால் அன்று கிரிக்கெட் பார்த்த எனக்கும் இன்று கிரிக்கெட் பார்க்கும் எனக்கும் நிறைய வித்தியாசம் உண்டு.

ம்ம்ம்ம் ........ 

அன்று ஒவ்வொரு இலங்கை அணியின் போட்டியையும் ஒரு பந்துகூட தவறவிடாமல் பார்க்கும் நான் இன்று பல இலங்கையின் போட்டிகளில் ஒரு பந்து கூட பார்த்ததில்லை. எனக்கு மீண்டும் முன்னர்போல வெறித்தனமாக இலங்கைக்கு சப்போர்ட் பண்ணி போட்டிகளை காண விருப்பம்தான், நான் நினைத்தாலும் அது சங்கா , மகேலா இருக்கும் வரை நடக்காது, இன்னும் ஒரு ஐந்து வருடமாவது காத்திருக்க வேண்டும். இப்படி இன்னொரு பிரிவுக்கு இடங்கொடுக்க கூடாது என்பதில் உறுதியாக உள்ளேன், இனிவரும் காலங்களில் எனக்கு பிடித்த விடயம் என்னோடு பழகும் புதியவைகள் யாருக்காவது பிடிக்கவில்லை என்றாலோ அவர்களுக்கு பிடித்தது எனக்கு பிடிக்கவில்லை என்றாலோ நிச்சயமாக விவாதிக்கமட்டும் மாட்டேன், ஏனென்றால் நான் சூடு கண்ட பூனை.....

கொஞ்சம் அல்ல ரொம்பவே பதிவு நீண்டுவிட்டது என்பதால் எனக்கு பிடித்த மற்றும் பிடிக்காத கிரிக்கெட்டின் தொடர் பதிவை அடுத்த கிரிக்கெட் பதிவில் தருகிறேன்....

அபராத சங்கமும் கைப்புள்ளைகளும்

இது தான் வருத்தபடாத வாலிபர் சங்கம் 

கிட்டத்தட்ட தெலுங்கானா ரேஞ்சுக்கு சூடுபிடித்திருக்கிறது அஜித்தின் பேச்சு,சம்பந்தமே இல்லாமல் தங்கங்களும்,சங்கங்களும் பப்ப்ளிசிட்டி ஸ்டன்ட் எடுத்துக்கொண்டிருக்கிறது.தமிழர்கள் ஆட்சியிலிருக்கும் தமிழ்நாடு பசுமைசோலையாகக் காட்சி தந்து கொண்டிருக்கின்றது,அனைத்துத் தமிழர்களும் பாசக்கார பயபுள்ளைகளாக இருக்கும்போது தமிழரல்லாத தமிழ் நடிகர்களை ஒழித்தால் அனைத்துப் பிரச்சினைகளும் தீர்ந்துவிடும்.இந்த மாதிரிதான் பிரச்சினையை திசைதிருப்பப் பார்க்கிறார்கள் சில கருத்தஆடுகள்,பாசகார தலைவரும் தூண்டிவிட்டு வேடிக்கை பார்க்கிறார்.இந்தப் பிரச்சினை உச்சத்தை அடைந்ததும் இதனை பெரிசுபடுத்த வேண்டாமென ஒரு அறிக்கையும் விட்டு மாபெரும் பிரச்சினையை ஒரே வார்த்தையில் நீக்கிய மாபெரும் தலைவனுக்கு பாராட்டு விழா என்று ஒரு விழாவுக்காக காத்திருக்கிறாரோ என்னமோ?

சாத்துரத்துக்கு ஆள் இல்லை   கட்டதுரை missing ....

இப்போ என்னதான் பிரச்சினை,சங்கத்து ரகசியத்தை அஜித் வெளியே கூறிவிட்டாராம்,இதற்கு அஜித் நிபந்தனையற்ற மன்னிப்பும் அதற்கு ஆதரவாகப் பேசிய ரஜினிக்கு கடும் கண்டனமும் என தீர்ப்பு வழங்கியிருக்கின்றது அனைத்து சினிமா சங்கங்களின் அமைப்பும் அதன் கைப்புள்ளை தலைவர்களும், இதற்கு நம்ம நடிகர் சங்க நாட்டாமையும் கையெழுத்திட்டு விட்டு வந்திருக்கின்றார். ஒரு முன்னணி நடிகரான அஜித்தை ஒருமையில் பேசியதற்கு எந்த கண்டனங்களும் இல்லை,உலகமே கொண்டாடும் இந்தியாவின் உச்ச நட்சத்திரமான ரஜினியை கேவலமாகப் பேசியதற்கும் மௌனம் சாதித்த நடிகர்சங்கம் தமது உறுப்பினரான ஜாக்குவார் கொடுத்த புகாரின் அடிப்படையில் அஜித்திற்கு விளக்கமளிக்குமாறு நோட்டிஸ் அனுப்பியிருக்கிறது,மக்கா உங்க கடமை உணர்ச்சி நம்மள மெய்சிலிர்க்க வைக்குதுபா.

உங்க படத்துக்கு ஒரு பிரச்சினையா? "ரஜினி சார் நீங்க வந்தாதான் நல்ல இருக்கும்" சங்கத்துக்கு நிதி சேகரிக்கனுமா? "நீங்க மட்டும் வந்தாப்போதும்". கொய்யால அவருக்கு ஒரு பிரச்சினையா உடனே 'சொல்லாமலே' லிவிங்க்ஸ்டன் மாதிரி ஆகுரிங்களே,ஏன் இந்த பொழப்பு? இது பத்தாதென்னு அபராத்ததில ஓடுற சங்கமெல்லாம் சேர்ந்து தீர்மானம் நிறைவேற்றுகிறார்கள்.நேற்று ஒரு விழாவில் பேசிய குகநாதன்,ஜி சேகரன் பேச்சுக்களில் இருந்த தொனி ஏதோ சங்க உறுப்பினர்கள் அடிமைகள் என்பது போலவிருந்தது.

இதற்கு உதரணமாய் ஒரு குட்டி சம்பவம்,ஹிட்லர் ஆட்சியில் ஒருவன் ஹிட்லரை 'முட்டாள்' எனக் கூறிவிட்டான்,அவனுக்கு மரண தண்டனையும் நிறைவேற்றியாயிற்று.ஏன் மரணதண்டனை என்று கேட்டதற்கு ஹிட்லர் சொன்ன பதில் "இவன் ராணுவ ரகசியத்தை வெளியே கூறிவிட்டான்" என்பதாகும்,கிட்டத் தட்ட ஹிட்லர் போல தான் நேற்றைய ஆடியோ ரிலிசொன்றில் பேசியிருந்தார் இந்த குகநாதன்.தாங்கள் மிரட்டி கூப்பிட்டதல்ல குற்றம்,அதை அஜித் வெளியே சொன்னதுதான் குற்றம்.இந்தப் பேச்சுக்கு கோபப்பட்டிருக்க வேண்டியது உண்மையில் நடிகர்களும் அதன் சங்கமும்தான்.ஆனால் சரத்?

இவ்வளவு காலமும் ரஜினியை மட்டும் மையம் கொண்டிருந்த தமிழன் விவகாரம் இப்போது சூழ்ந்து கொண்டிருப்பது அஜித்தையும் சேர்த்து.இனவெறிக்கு எதிராக ஆர்ப்பாட்டம் செய்யும் இவர்களை நினைத்து ஆனந்தக் கண்ணீர் தாரைதாரையாக வருகிறது,அதிலும் 'தங்கத்தை' சந்தித்து ஆறுதல் கூறிய திருமாளவன் "தான் அப்படி கூறவில்லை என்று ஜெயராம் மன்னிப்பு கேட்டார், ரஜினியும் அஜித்தும் இது பற்றி வாயே திறக்கவில்லை"சொன்னாரம்.இதிலிருந்து அவர்கள் பக்கம் பிழை என்பது தெரிகிறதாம்.

திரு.திருமாளவன் அவர்களே உங்க ஜோக்கியதை என்னவென்பது எங்களுக்குத் தெரியும்,"நல்லவேளை நீங்கள் பிரபாகரனுடன் இருந்திருந்தால் நீங்களும் இறந்திருப்பிர்களென" ராஜபக்ச கூறியதற்கு அச்சம், மடம், நாணம், பயிர்ப்பு உள்ள பெண்போல   வெட்கபட்டு   தலை குனிந்து நிலத்தில காலால்  கோலம் போட்டு   புன்னகையை பதிலாக உதிர்த்த இவர் தமிழன் என இன்று மார்தட்டுகிறார். குப்பன் சுப்பனுக்கெல்லாம் பதில் சொல்லிக் கொண்டிருக்க அவர்களுக்கு என்ன வேற வேலையே இல்லியா? தயவுசெய்து உங்கள் சுயலாபத்திற்கு 'தமிழன்' என்ற அடையாளத்தை பயன்படுத்தி எம்மைத் தலை குனியச்செய்யாதீர்கள்.இலங்கையில் தமிழர்களுக்கு சுதந்திரவாழ்வில்லை எனக்கூறும் நீங்களே தமிழரல்லாத இவர்கள் தமிழ்நாட்டில் நடிக்கக் கூடாதென கூறுவது காமடியாகவில்லை,உங்களுக்கும் அவர்களுக்கும் என்ன வித்தியாசம்.

தமிழர்கள் இப்போது அனைவரைப் பற்றியும் தெளிவாக அடையாளம் கண்டுவிட்டார்கள்,எங்கே எப்படிப் பிறக்கப் போகிறோமென்று யாருக்கும் தெரியாது,அது நம்ம கையிலும் இல்லை,ஆனால் நாம் யாராக,எப்படி வாழ்கிறோமென்று முடிவு செய்வது எங்கள்  கையில்.ரஜினியோ அஜித்தோ அப்படித்தான்,தமிழர்களுக்கு மத்தியில் தமிழர்களாகத் தான் வாழ்ந்து வருகிறார்கள்.முதலில் நீங்கள் மனிதனாக இருங்கள்,பின்னர் நல்ல மகனாக இருங்கள்,அப்புறம் தமிழனாக இருக்கலாம்.

ரஜினியோ அஜித்தோ சினிமாவை விட்டுப் போனால் பாதிக்கப்படப் போவது நிச்சயம் அவர்களில்லை,தென்னிந்திய திரைப்படத் தொழிலாளர்களின் பிரதிநிதிகளாகக் கூறும் வி.சி.குகநாதன் போன்றோர் தொழிலாளர்கள் அனைவருடனும் கலந்தாலோசித்துத்தான் இந்த முடிவுகளை எடுக்கிறார்களா? ரஜினி,அஜித் படங்களைப் புறக்கணிப்போம் எனக்கூறும் இந்தப் பதவி ஓநாய்கள் தங்கள் தொழிலாளர்கள் இதனால் பாதிக்கப்படப்போவது பற்றி நிச்சயம் சிந்தித்திருக்கமாட்டார்கள்.அரசியல் பின்புலத்தை வைத்து தங்கள் சுயலாபத்திற்காக பப்ளிசிட்டி தேடும் இவர்கள் தொழிலாளர்கள் பற்றி சிந்தித்ததை விட நிச்சயம் ரஜினி,அஜித் இவர்களை விட பலமடங்கு சிந்தித்திருப்பார்கள்.

அஜித் நிபந்தனையற்ற மன்னிப்புக்கு என்ன பதில் கூறப்போகிறார்? ரஜினியின் ரியாக்ஷன் என்னவாகவிருக்குமென்பது ஓரிரு நாட்களில் தெரியும்.அஜித்தின் சூழ்நிலைகள் என்னவென்பது தெரியாது,ஆனால் இந்த மன்னிப்பு கேட்டுத்தான் படங்களில் நடிக்க வேண்டுமென்றால் சினிமாவே வேண்டாமென்று அஜித் முடிவெடுப்பரானால் அவருக்கு ஒரு சல்யுட்.

நடிகர்களைப் பற்றி மட்டுமே 'இவங்க ரொம்ப மோசமானவைங்க' என கூறும் எல்லோரும் 'மோசமனவங்களிலேயே ரொம்ப கேவலமான' இந்த கறுப்பு ஆடுகளை பற்றியும் கொஞ்சம் தெரிந்துகொள்ள இது ஒரு சந்தர்ப்பம் .

ஆமா,அஜித்தோட அடுத்த படத்துக்கு தயாரிப்பாளர் நம்ம தயாநிதி "அழகிரி" ஆச்சே,இது தெரியாம தடை,சங்கமென்று வாய்சவாடல் விடுகிறார்களே! இந்த விஷயத்த கொஞ்சமா மறுபரிசீலணை பண்ணுவாங்களோ!!!!

ஜாக்குவார் !!!! டங்குவார் பத்திரம்.......

  ரஜினி பேசினாலும் பிரச்சினை பேசாவிட்டாலும் பிரச்சினை என்பதையும் தாண்டி இப்போது கைதட்டினாலும் பிரச்சினை என்றாகிவிட்டது. கருணாநிதிக்கு இடம்பெற்ற பாராட்டுவிழாவில் அஜித் நடிகர் சங்கத்தின் ரவுடீசத்தை எதிர்த்து பேசியதை தொடர்ந்து அஜித் மீது மறைமுகமான தாக்குதல்கள் ஆரம்பிக்கப்பட்டன, நட்சத்திரங்களின் பக்கமிருந்து அஜித்தின் பேச்சுக்கு நல்ல வரவேற்பு கிடைத்த நிலையில் நடிகர் சங்கத்தினரும் பெப்சி அமைப்பினரும் அஜித்மீது கடுப்பாகி இருந்தனர். ஒரு சிலர் நேரடியாகவும் ஒருசிலர் மறைமுகமாகவும் அஜித்தை தாக்க தொடங்கினார்கள்.

இந்த நிலையில் ரஜினியின் மகளின்  திருமண வைபவத்திற்கு இரண்டு மனைவிகள் சகிதம் சென்று வாழ்த்திய கருணாநிதியை மரியாதையின் நிமித்தம் நன்றிகூற சென்ற ரஜினி அவரை சந்தித்தபின்னர் பத்திரிகயாளர்களுக்கு அளித்த செவ்வியிலேயே புதிய பிரச்சினைஆரம்பமானது. ரஜினியின் கூற்றை திரிவுபடுத்தி ரஜினி ரசிகர்களுக்கும் அஜித் ரசிகர்களுக்குமிடையில் பிரச்சனையை உண்டாக்க நினைத்த க(ல,ழ)க காரர்களே இந்த பிரச்சினையை ஆரம்பித்து வைத்தனர் எனினும் அது உண்மைநிலை தெரிந்ததால் புஸ்வானம் ஆகிற்று.

ரஜினியிடம் அஜித்தின் பேச்சை பற்றி பத்திரிகையாளர்கள் கேட்டதற்கு "அது அவருடைய உரிமை. அவருடைய கருத்தை தெரிவித்திருக்கிறார். அதற்காக அவரை நான் பாராட்டுகிறேன். நடிகர், நடிகைகளை விழாவுக்கு வரும்படி அழைக்கிறார்கள். ஆனால், வர வேண்டும் என்று யாரும் நிர்ப்பந்தம் செய்வதில்லை. அவர்களாகவே விரும்பித்தான் போராட்டங்கள், உண்ணாவிரதம் மற்றும் பல்வேறு நிகழ்ச்சிகளில் கலந்து கொள்கிறார்கள். முதல்வர் கருணாநிதி பல்வேறு போராட்டங்களை சந்தித்தவர். அவர் யாரையும் நிர்ப்பந்தம் செய்து அழைக்க வேண்டிய அவசியம் இல்லை" என்று ரஜினி கூறியதாக ஒரு சாராரும்



"அஜீத் தைரியமாக தனது கருத்துக்களை வெளியிட்டுள்ளார். அந்த கருத்துக்கு நான் உடன்படுகிறேன். அவரை பாராட்டுகிறேன்,விழாக்களுக்கோ, போராட்டங்களுக்கோ நடிகர் - நடிகைகள் வர வேண்டும் என சங்கங்களோ, அரசியல் கட்சிகளோ வற்புறுத்தக்கூடாது. கலந்து கொள்வதும், கலந்து கொள்ளாததும் அவரவர் விருப்பம். நிர்ப்பந்தப்படுத்தி அழைக்க வேண்டிய அவசியம் இல்லை"என்று ரஜினி கூறியதாக மறு சாராரும் கூறி வருகின்ற நிலையில் இரண்டாவதாக கூறியதே உண்மையானது என்பது NDTV பார்த்தவர்களுக்கு தெரியும். அன்று மாலையே கலைஞரை சந்தித்த பின்னர் பத்திரிகயாளர்களிடம் தனக்கு சார்பாக பேசிய ரஜினிக்கு நன்றி என்று அஜித் கூறியதிலிருந்து இரண்டாவது செய்தியே சரியானது என்பது உள்ளங்கை நெல்லிக்கனி, அஜித் கலைஞரை சந்தித்தது மரியாதையின் நிமித்தம் என்று அஜித் தரப்பாலும் கலைஞர் தரப்பாலும் கூறப்பட்டது.

இதற்கிடையில் ஜாக்குவார் தங்கம் வீடும் காரும் அஜித்தின் தூண்டுதலால் அடித்து நொருக்கபட்டதாக அஜித்மீதும் மேலும் பதினைந்துபேர் மீதும் வழக்கு பதிவு செய்த ஜாக்குவார் இவர்கள் அனைவரையும் கைது செய்யும் படியும் கேட்டுள்ளார். "எங்கிருந்தோ பிழைக்க வந்த அஜீத் போன்றவர்கள், திடீரென்று உயரத்துக்கு வந்ததும் தொழிலாளர்களை மறந்து விட்டு மனம் போன போக்கில் பேசுகிறார்கள். விழாவில் பேசியதற்கு அஜீத் பகிரங்க மன்னிப்பு கேட்க வேண்டும்" என்று தான் கூறியதற்காகவே இந்த தாக்குதல் இடம்பெற்றதாக ஜாக்குவார் கூறியுள்ளார். இதுதவிர அஜித்தின் பேச்சிற்கு வரவேற்பளித்த ரஜினியை 'ஜோக்கர்' என்றும் 'ரஜினி பேச்சை யார் கணக்கெடுக்க போகிறார்கள்' என்றும் கூறியுள்ளார்.

தான் நேரில் சென்று பத்திகை வைக்காவிட்டாலும் மனைவிகள் பிள்ளைகள் சகிதம் வந்து தனது மகளின் நிச்சயதார்த்தத்தை சிறப்பித்த கருணாநிதியை மரியாதையின் நிமித்தம் ரஜினி சந்தித்ததாக கலைஞர் தரப்பிலும் கலைஞர் டிவியிலும் கூறப்பட்ட பின்னரும் ரஜினி மன்னிப்பு கேட்க சென்றார், ரஜினி சமாளிக்க சென்றார் என சில புல்லுருவிகள் எழுதுவதை பார்த்தால் பாவமாக இருக்கிறது. எங்களுக்கு இதனால் கோபம் வரப்போவதில்லை, பாவம் நீங்களும் என்ன செய்வீர்கள்? இப்படியான சந்தர்ப்பங்களில்தானே உங்கள் இயலாமையை வெளிப்படுத்த முடியும். உங்கள் வயித்தெரிச்சல் இதனால் கொஞ்சமாவது குறையுமானால் எமக்கு சந்தோசமே.

இது கொஞ்சம் அல்ல...!!  ரொம்பவுமே காட்டமாக இருக்கும்.!!
[பூ போன்ற  இதயம் கொண்டவர்கள் தவிர்க்கவும்]  

ஜாக்குவார் தங்கம் என்னும் காமுகனே .....

தலையை தலை விமர்சிக்கலாம், வால்கூட விமர்சிக்கலாம் நீ வாலில்  இருக்கிற முடி, உன் பேச்சி எல்லாம்(கறுமம்)கேட்கவேண்டிய சூழ்நிலை .ரஜினியை விமர்சிப்பதற்கு முன்னர் உனது கற்பழிப்பு வழக்கை முடித்துவிட்டு வா, ஒரு நடிகையை வலுக்கட்டாயப்படுத்திய நீ எல்லாம் நியாயம் பேசமுன் உனது ஜோக்கியதை என்னவென்பதை தெரிந்து பின்னர்பேசு. ரஜினி பேச்சை யாரும் கேட்காமல்தானா நடிகர் சங்கமும் , பெப்சியும் தமது கலை(?) நிகழ்ச்சிகளுக்கு வரசொல்லி ஒவ்வொருதடவையும் கெஞ்சுகிறார்கள், அதுவும் நடிகர் சங்கம் "நீங்கள் மட்டும் வந்தால் போதுமென்று" கோரிக்கை வைத்தார்கள்.

அஜித்தும், ரஜினியும் தமிழர்கள் இல்லை என்றால் நீ தமிழன்தானே? இன்னும் இங்கு நிறைய தமிழ் நடிகர்கள் இருக்கிறார்கள்தானே? நீங்கள் என்ன ம..ரா புடுங்கி கிழித்தீர்கள்? ரஜினி மூச்சு விட்டாலே உங்களுக்கு தமிழ் பாசம் எங்கிருந்து வருகிறது என்று தெரியவில்லை, நீயும் ஒரு படம் இயக்கி கிளிச்சனிதானே ?தமிழ் பற்று பொங்கிற உனக்கு எதுக்கு வேற்றுமொழி நாயகி ? நீ ஸ்ரண்ட் மாஸ்டர் தானே? உனக்கு பப்ளிசிட்டி வேணுமென்றால் ஓடுற ரெயினில இருந்து குதி , இப்பிடி ஏதாவது செய்து பப்ளிசிட்டியை தேடு, ரஜினி உனது பேச்சுக்கு பதில் கூற மாட்டார் என்பதற்காக கண்டபாட்டுக்கு பேசாதே. முடிந்தால் T.R பற்றி இப்படி கூறிப்பார் உன் 'டங்குவார்' அறுந்திரும்.

ரஜினியோ அஜித்தோ தமிழன் என்பதல்ல முக்கியம், நல்ல மனிதர்களா என்பதுதான் முக்கியம், நிச்சயம் சினிமா உலகில் இருவருமே அதிகமான விடயங்களில் நல்ல மனிதர்கள்தான்.

புதிய களத்தில் சனத்

மாத்தறையில் மகிந்தவின் பொதுமக்கள் ஐக்கிய முன்னணி சார்பாக சனத் ஜெய சூரியா போட்டியிடப்போவதாக தெரிகிறது. இது இவர் விரும்பி எடுத்த முடிவாக இருந்தாலும் சரி இல்லாவிட்டலும் சரி தேர்தலில் வென்று பாராளுமன்றம் சென்றால் சர்வதேச கிரிக்கெட் போட்டிகளில் விளையாட முடியாது.இதனால் சனத் தேர்தல் வேட்பு மனுதாக்கலுக்கு முன்னர் தனது ஓய்வை அறிவிப்பார் போலுள்ளது.

முன்னர் அர்ஜுன சந்திரிகா காலத்தில் ஐக்கிய மக்கள் சுதந்திர முன்னணியில் பாராளுமன்ற தேத்தலில் போட்டியிட்டு வெற்றி பெற்று விளையாட்டுத்துறை அமைச்சை எதிர்பார்த்து அது கிடைக்காமல் மன உளைச்சலுக்கு ஆளாகி பின்னை இணை அமைச்சராக பொறுப்பேற்று சிலகாலம் குப்பை கொட்டினார்(அரசியலில் ). பின்னர் மகிந்தவுடன் நல்ல நிலை இல்லாது போகவே இந்த தடவை ஜனாதிபதி தேர்தலில் பொன்சேகர பக்கம் நின்றார். இப்போது ஒரு பேச்சு மூச்சையும் காணவில்லை. இலங்கையின் கிரிக்கெட் தலைவராக உயர்ந்த பார்வையில் இருந்த ரணதுங்க அரசியலில் காமடி பீசாகவே பார்க்கப்பட்டார்.

இந்த நிலையில் சனத் அரசியலில் விரும்பி வரும் பட்சத்தில் விளையாட்டுத்துறை அமைச்சினை குறிவைத்துத்தான் அதிகமாக களமிறங்குவார். ஒருவேளை வெற்றிபெற்று விளையாட்டுத்துறை அமைச்சு பொறுப்பும் அளிக்கப்பட்டால் நம்ம மகேலாவினதும் சங்காவினதும் நிலைதான் கவலைக்கிடமானதாக போய்விடும் , சனத்துக்கு இவர்கள் வைத்த ஆப்பிற்கு பதில் ஆப்பு இவர்களுக்கு காத்திருக்கலாம். சனத் அரசியலுக்கு வந்து ஒன்றும் சாதிக்க போவதில்லை ஆனால் வெற்றிபெற்று விளையாட்டுத்துறை அமைச்சரானால் சனத்தின் பழிவாங்கும் படலத்தை காணலாம் என்று நினைக்கிறேன். தலைவர் மகிந்தாவின் வழிதானே தொண்டன் வழியும் ( பழி வாங்கிறதில இல்லை................. என்று சொன்ன நம்பவா போறீங்க? )

ஹோலிவூட் ரவுண்டப் [17/02/2010]

மாத்தி மாத்தி குழப்புராங்கையா  ....

 கே.வி ஆனந்த் படத்தில் இருந்து விலகிய சிம்புவிற்கு பதிலாக ஜீவா ஒப்பந்தம் செய்யப்பட்ட நிலையில் லிங்குசாமியின் 'திருப்பதி பிரதேஸ்' தயாரிப்பில் பூபதிபாண்டியன் இயக்கத்தில் சிம்பு புதிய படமொன்றில் நடிப்பதாக இருந்தது. இருந்த புதிய படத்தில் இருந்து பூபதிபாண்டியன் இப்போது விலகியுள்ளார், விக்ரம்குமார் இயக்கத்தில் விக்ரம் நடிப்பதாக இருந்த '24 ' திரைப்படத்தில் இருந்து விக்ரம்குமார் மாற்றப்பட அவருக்கு பதில் பூபதிபாண்டியன் விக்ரமின் புதிய படத்தை('24 ') இயக்குவதாலேயே சிம்புவின் படத்தை பூபதிபாண்டியன் இயக்க முடியாமல் போனது.அதே நேரம் விக்ரம்குமாரை நீக்கியதால் ரகுமானும், p.c. ஸ்ரீராமும் '24 ' திரைப்படத்திலிருந்து விலக இப்போது மணிசர்மா இசையமைக்கப்போகிறார்.அதேநேரம் அஜித் அடுத்ததாக வெங்கட்பிரபுவின் படத்தில் நடிப்பதாக பேச்சுக்கள் இருந்தது, ஆனால் அவர் கவுதம்மேனனின் புதிய படத்தில் நடித்த பின்னரே வெங்கட்பிரபு படத்தில் நடிப்பதாக கூறியுள்ளார்,அஜித் நடிக்கும் கவுதம்மேனனின் புதிய படத்தில் அஜித்திற்கு நாயகி இல்லை. அஜித்தின் படம் முடியும்வரை காத்திருக்க வேண்டியிருப்பதால் இந்த இடைவெளியில் லிங்குசாமி தயாரிப்பில் பூபதிபாண்டியன் முன்னர் இயக்கவிருந்த சிம்புவின் புதிய படத்தை வெங்கட்பிரபு இப்போது இயக்கப்போகிறார். இப்பிடி மாத்திமாத்தி இயக்கி எங்களுக்கு தலை சுற்றாவிட்டால் சரி.

நாங்களும் வாழ்த்துவோம் 

நடிகர் சங்கத்தால் நிகழ்த்தப்பட்ட 'பாசத்தலைவனுக்கு பாராட்டுவிழா ' நிகழ்ச்சி முடிவடைந்து அதுபற்றிய பேச்சு குறைவடையும் முன்னர் கலைஞர் அவர்கள் இன்னுமொரு பாராட்டுவிழாவுக்கு சமூகமளித்துள்ளார், சங்கத்தமிழ்ப் பேரவை சார்பாக நடைபெற்ற பாராட்டுவிழாவே அதுவாகும். கருணாநிதி பாராட்டுக்கு அலையும் அற்ப மனிதர் என்று தெரியும்,ஆனால் இப்படியா ? ஒவ்வொரு வாரமும் பாராட்டு விழாவா ? கூடவே ரஜினியும் கமலுமா? இந்த கூத்துக்கு அளவே இல்லையா? இப்படி எல்லாம் புலம்பக்கூடாது, ஏனெனில் சிலநேரம் இப்போதும் கலைஞர் ஏதாவதொரு பாராட்டு விழாவில் இருந்தாலும் இருப்பார். இல்லாவிட்டால் தேவர்மகன் "சிவாஜி" பேரப்பிள்ளைகளை பாட்டுப்பாட சொல்வதுபோல கலைஞரும் தனது பூட்டப் பிள்ளைகளை தன்னை பற்றி புகழசொல்லி விட்டு தூங்கிக்கொண்டிருப்பார். கலைஞர் புகழ் வாழ்க.... நாமும் வாழ்த்துவோம்.

அதிமேதாவி  கவுதம்மேனன்

கவுதம்மேனன் பற்றி தப்பாக எழுதினால் சிலர் கோவிக்கிறார்கள், ஆனால் என்ன செய்வது அவரது லூசுக்கூத்துக்கு அளவே இல்லாமல் போய்விட்டது. 'விண்ணை தாண்டி வருவாயா ' படத்திற்கு இரண்டு இறுதிக்கட்ட காட்சிகள் (climaxes) தயார் நிலையில் வைத்துள்ளாராம், ஒன்று சந்தோசமாகவும், ஒன்று சோகமாகவும் இருக்குமாம். இந்து ,கிறிஸ்தவ காதலை மையமாக கொண்ட இந்த படத்திற்கு சோகமான இறுதிக்கட்ட காட்சிகளே படத்தில் இடம்பெறுமாம் , படம் வரவேற்பை பெறாவிட்டால் அதற்கு பதில் சந்தோசமான இறுதிக்கட்ட காட்சிகள் மாற்றப்படுமாம் . இது கவுதம்மேனனுக்கு முதல்தரமில்லை, முன்னர் வேட்டையாடு விளயாடுவிலும் இரண்டு இறுதிக்கட்ட காட்சிகள் படமாக்கியிருந்தார், ஜோதிகா இறப்பது போன்றும் உயிருடன் இருப்பது போன்றும் இரண்டு காட்சிகள் தயார்நிலையில் இருந்தாலும் முதல் தடவை பயன்படுத்திய இறுதிக்கட்ட காட்சிகள் பின்னர் மாற்றப்படவில்லை, ஆனால் விண்ணைத்தாண்டி வருவாயாவின் இறுதிக்கட்ட காட்சிகள் மாற்றப்படுமா இல்லையா என்பதை இன்னும் ஒரு பத்து நாளில் தெரிந்து கொள்ளலாம். இப்படி தனது கதையிலேயே நம்பிக்கை இல்லாத கவுதம்மேனன் சசிக்குமாரையும், லிங்குசாமியையும் விமர்சித்ததை நினைத்தால் சிரிப்பாக இருக்கிறது.

குறிப்பு - கிரீடம், காதலர் தினம் போன்ற சில படங்களின் இறுதிக்கட்ட காட்சிகள் மாற்றப்பட்டாலும் அவை முன்னர் திட்டமிடப்பட்டு எடுக்கப்படவில்லை.