கோலிவூட்2009 [ பகுதி-2]

கோடம்பாக்கத்தை கலக்கியோர்

2009 கோலிவூட் பகுதி 1 இல் வெளியான திரைப்படங்களைப் பார்த்தோம்,இப்பகுதியில் 2009ஆம் ஆண்டு கோடம்பாக்கத்தை கலக்கியோர் பற்றி பார்ப்போம்.முதலில் டாப்10 நடிகர்கள் பட்டியலிடலாம் என்றபோது எண்ணிக்கை மூன்றைத் தாண்டவில்லை,எனவே பொதுவாக கலக்கியோர் பட்டியலை பார்க்கலாம்.பத்துப்பேர சொல்றன்,தரவரிசைப்படுத்த முடியல,முடிஞ்சா நீங்க சொல்லுங்க.

சந்தானம்

வடிவேல்,விவேக் ஓரிரு படங்களைத்தவிர பெரிதாகப் பேசப்படாத நிலையில் கூடுதலான படங்களில் தோன்றி கலங்கடித்தவர் நம்ம மொக்கைசாமி சந்தானம்தான்.சந்தானம் இருக்கிறாரப்பா என்று நம்பி ஒரு படத்தை பார்க்கக்கூடிய அளவு இவரது வளர்ச்சி இருந்தது என்றால் மிகையல்ல.பலபடங்களில் கலக்கி இருந்தாலும் கந்தக்கோட்டை,கண்டேன் காதலை,மலை மலை என்பன இவரின் பட்டாசு காமடிக்காகவே பார்க்கக்கூடியவை.நம்ம கவுண்டமணி அண்ணனுக்கு பின் லொள்ளுக்கு நம்ம சந்தானந்தானுங்கோ.அவரு சிரிப்பரசர்,எனவே இவருக்கு சிரிப்பிளவரசர் பட்டம் கொடுக்கலாமே.அட்றாசக்க.. அட்றா சக்க... அட்றா சக்க...


பிரபுதேவா, நயன்தாரா, ரம்லத்
இவர்கள் மூவரையும் பிரித்துக்கூற முடியவில்லை.இம்மூவரது பெயரும் சிலகாலம் தலைப்பு செய்திகளை ஆக்கிரமித்திருந்தது.இது மூவரினதும் உணர்வு சம்பந்தப்பட்ட விடயம் ஆதலால் மேலதிகமாக செல்லவில்லை.ஆனாலும் வில்லுவால் ரசிகர்களை விட அதிகம் பாதிக்கப்பட்டது ரம்லத்தான்.

பாண்டிராஜ்
பசங்க மூலம் தமிழ் சினிமாவிற்கு தடம்பதித்த நம்பிக்கைக்குரிய அறிமுகம்.தமிழ்சினிமா அதிகம் கைவைக்காத சிறுவர்களின் உலகை கையில் எடுத்து ஜனரஞ்சகமானதொரு படைப்பு மூலம் அனைவரின் பார்வையையும் தன்பக்கம் திருப்பினார்.(சுப்பர் ஸ்டார் உட்பட).அடுத்த படமும் சசிக்குமாரின் தயாரிப்பில் என்று பேச்சு நிலவுகிறது.வெற்றியடைய வாழ்த்துக்கள்.

தேவி ஸ்ரீ பிரசாத்:
வருட ஆரம்பத்தில் வில்லு,நடுப் பகுதியில் கந்தசாமி,இப்பொழுது குட்டி.இவற்றுள் வில்லு, கந்தசாமி பாடல்கள் பட்டிதொட்டியெங்கும் பட்டையை கிளப்பியவை.படங்கள் பாடல்களுக்கு பெரிதாக கை கொடுக்காவிடினும் இப்படங்களில் பாடல்கள் ஆறுதலான அம்சமாக இருந்தது.குட்டிபடப் பாடல்களும் பிக்கப் ஆகிவருகின்றன.தேவிஸ்ரீயின்இசை கிளாஸ் ரகம் இல்லை எனினும் ஹிட்ரகம். 2010இல் சூர்யாவின் சிங்கத்துக்கும் இவர்தான் இசை.ஹாரிஸ்,விஜய்ஆண்டனி ஆகியோரும் பட்டையைகிளப்பி இருந்தாலும் இவரது பாடல்கள் தான் இவ்வருட ஹாட் லிஸ்டில் இருந்தவை.



சூர்யா:
இரண்டு படங்கள்,ஒன்று வருடத்தின் மிகப்பெரும் வெற்றி.மற்றயது சராசரியாக தப்பினேன் பிழைத்தேன் என்று ஓடியது.சூர்யா தயாரிப்பாளர்களின் நம்பிக்கைக்குரிய நடிகராக மாறி வருகிறார்.ஆனால் சூர்யா என்றால் தரமான படமாக இருக்கும் என்ற ரசிகர்களின் நம்பிக்கை குறைந்து வருவதை கவனத்தில் எடுத்தால் நலம்(அவருக்கும் நமக்கும்.கமலின் அடுத்த வாரிசாக இவரை அடையாளப்படுத்தி வருகிறது ஒருதரப்பு.அதற்கு சூர்யா விக்ரம் செய்ததில் பாதியாவது செய்ய வேண்டும்.கமல் செய்ததில் 10 விகிதமாவது ஒருவர் செய்திருக்கிறார் என்றால் அது விக்ரம்தான்.

தனது மார்க்கட் நிலை குறித்து சிந்திக்காமல் நல்ல கலையம்சம் உள்ள படங்களை கொடுப்பதுதான் கமல் ஸ்டைல்.விக்ரம் போராடி "சேது" மூலம் மறுபிறவி எடுத்தாலும் "தில்" விக்ரமை ஆக்ஷன் ஹீரோவாக அவதாரம் எடுக்கசெய்தபடம்.எந்த ஒரு நாயகனும் தன் அடுத்த படத்தையும் ஆக்ஷன் படமாக நடித்து தன்னை நிலை நிறுத்தவே முயற்சித்திருப்பார்.ஆனால் விக்ரம் தில்லின் பின் நடித்தது காசி.அது தான் விக்ரமை அடுத்த கமல் இவர்தான் என கூறவைத்தது. அதேபோலதான் தூள்,சாமி என்று அதிரடி வெற்றிகளின் பின் வசனங்களே இல்லாமல் பிதாமகனில் நடித்து தேசியவிருதும் பெற்றார்.ஆனால் சூர்யா வேல், அயன், ஆதவன், சிங்கம் என்று தொடர்ந்து கமர்சியல் வகைப்படங்களை தெரிவுசெய்வது அவர் பாதையை மாற்றுகிறாரா என சிந்திக்க வைக்கிறது.சூர்யா தற்சமயம் விக்ரமை விட மார்க்கட்டில் முன்னணியில் இருந்தாலும் நடிப்பில் அடைய வேண்டிய இடம் இன்னும் இருக்கிறது என்பதை மறுக்கமுடியாது.இவரின் நடிகர் கண்டனகூட்ட "ஈனப்பிறவி" பேச்சு மீடியாவுக்கும் இவருக்குமிடையேயான விரிசலுக்கு வழிவகுத்தது.

தமன்னா:
ஒவ்வொரு வருடமும் கனவுக்கன்னி நாற்காலி மாறிமாறி வந்து கொண்டிருக்கும்.இம்முறை இது இருப்பது தமன்னாவசம்.அயன்,படிக்காதவன்,கண்டேன் காதலை,நேற்று இன்று நாளை,ஆனந்த தாண்டவம் என்று இளம்வயதினரின் தூக்கத்தை கெடுத்த பெருமை இவருக்கே.தில்லாலங்கடி,சுறா என அடுத்த வருடமும் இவருக்காக காத்திருக்கிறது .பார்க்கலாம் எத்தனை நாளுக்கு தமன்னா பக்கமே தமிழ்நாடு தவழும் என்று

விஜய் :
இரண்டு படங்கள்,இரண்டுமே புஸ்.இருந்தாலும் காங்கிரசுடன் கூட்டணி,பிரஸ் மீட்டில் ஹேய் சய்லன்ஸ்,எஸ் எம் எஸ் ஜோக்,பதிவர்களுக்கு ஹிட்ஸ் ஈழத்தமிழர்களுக்கு தனிஉண்ணாவிரதம்,"இலங்கையில் போர்நிறுத்தம் உடனடியாக முடிவுக்கு கொண்டுவரப்பட வேண்டும்" என அனல் பறக்கும் பேச்சு.(நண்பர் ஒருவர் கூறினார் போர்நிறுத்தம் முடிவுக்கு வந்ததாலதானே உண்ணாவிரதமே என்று ) என்று மனிதர் கலக்கோ கலக்கு என்று கலக்கினார்.பதிவுலகை பொறுத்தவரை இவர்தான் சூப்பர்ஸ்டார்.தன்னைத் தானே வீணடித்துக் கொண்டிருக்கும் ஒருநபர்.ஏழு தொடர்தோல்விகளின் பின் திருமலை மூலம் வெற்றிகளை ருசிபார்த்த தளபதி மீண்டும் நான்கு தொடர்தோல்விகளுக்கு அதிபதி.சுராவாவது காக்குமா பார்ப்போம்....

கலாநிதி மாறன்.
இந்த வருடம் இவர் தமிழ் சினிமாவிற்கு ஆற்றியசேவை சொல்லில் அடங்காதவை.உலகம் முழுதும் பெயர்பெற்ற ஒரு தொலைக்காட்சியில் ஒரு படத்தின் ஒபெநிங் பற்றி தலைப்பு செய்தி வருமளவிட்கு இவரதுசேவை அமைந்ததென்றால் நீங்களே முடிவு பண்ணிக்கொள்ளுங்கள் இவரின் கலைத்தாகத்தை.வருடஆரம்பம்முதல் இறுதிவரை இவரது தொலைக்காட்சியில் ஏதாவது ஒரு படம் வெற்றிநடை போட்டுக்கொண்டே இருந்தது. 2010இலும் இவரின் சேவை மென்மேலும் வளர வருந்துகிறோம்."சாரி"வாழ்த்துகிறோம்....



கமல்

சினிமாவில் ஐம்பது ஆண்டு.சாதாரண விடயம் அல்ல.ஏதாவது புதிதாக செய்யவேண்டும் என்று இன்னும் வெறியிலே அலையும் தேடல்,இதுதான் உலகநாயகனாய் அவரை உயர்த்தி இருக்கிறது.தசாவதாரம் மூலம் விமர்சனங்களை சந்தித்திருந்த கமல் உன்னைப்போல்ஒருவன் மூலம் தன்னை விமர்சித்தவர்களை ஊமைஆக்கினார்.ஒரு மணி ஐம்பது நிமிடத்தில் ஒரு தமிழ்படம்,கமலின் மூலம் மீண்டும் ஒரு புதுமுயற்சி."கமல் ஐம்பது" நிகழ்ச்சி ரஜினி கமல்நட்பின் உயரத்தை காட்டியது.சாதிக்க இன்னமும் நிறைய இருக்கிறது என்னும் அவரது வேட்கைதான் அடுத்த தலைமுறைக்கு ஒரு எடுத்துக்காட்டு....



சசிக்குமார்

தமிழ் சினிமாவின் தவிர்க்க முடியாதநபராக மாறிவருகிறார்,இவரு தொட்டதெல்லாம் ஹிட்.இயக்குனராக, தயாரிப்பாளராக, நடிகராக என தனது பரிமாணங்களை மட்டும் அன்றி தமிழ் சினிமாவுக்கும் புதியதொரு பரிமாணம் கொடுத்து கொண்டிருக்கும் மனிதர்.இந்த வருடம் இவரின் இயக்கத்தில் எந்தப் படமும் வெளிவரவில்லை.இவரின் தயாரிப்பில் வெளியாகிய பசங்க,இவரது நடிப்பில் வெளிவந்து சக்கைபோடு போட்ட நாடோடிகள் என்பன இவ்வருடத்தின் ஹிட் வரிசையில் உண்டு.அடுத்த படத்தை இயக்கிக்கொண்டிருக்கிறார்,அநேகம் 2010 இலும் இவரின் அட்டகாசம் தொடரும் என நம்பலாம்.

கோலிவூட் 2009 [பகுதி1]

2009 இல் தமிழ்சினிமா வர்த்தகரீதியாக பின்னடைவையே சந்திதித்தது என்பதனை மறுக்க முடியாது.நூற்றுக்கும் மேலான திரைப்படங்கள் ரிலீஸ் ஆனபோதும் விரல்விட்டு எண்ணக்கூடிய படங்களே தயாரிப்பாளருக்கும் விநியோகிஸ்தருக்கும் லாபம் தந்த படங்கள்.ஆனால் சிறிய பட்ஜட்டில் எடுக்கப்பட்டு விமர்சகர்களின் பாராட்டை மட்டுமன்றி நல்ல வசூலையும் பெற்ற பலபடங்கள் இந்த ஆண்டில் வெளிவந்தது புதிய படைப்பாளிகளுக்கு ஒரு உந்துகோலே.

2009இல் தமிழ் சினிமாவினை மூன்றுபகுதிகளாக தரலாம் என நினைக்கிறேன். முதற் பகுதி இங்கே.

பகுதி1.

2009இல் திரைப்படங்கள்

2009 ஆம் ஆண்டு தமிழ்சினிமாவில் சன்குழுமத்தின் ஆதிக்கம் நிலவியது என்பதை மறுப்பதற்கில்லை.சுமாரான படங்களை ஓரளவு ஓடவைத்த பெருமை இவர்களையே சாரும்.காதலில் விழுந்தேன் மூலம் படங்களை ரெடிமேட்டாக வாங்கி "சன் பிக்சர்ஸ் வழங்கும்" என வெளியிட ஆரம்பித்ததிலிருந்து இவ்வருட தொடக்கத்தில் படிக்காதவன் முதல் இப்போது வேட்டைக்காரன் வரை தொடர்ந்து கொண்டிருக்கிறது இவர்களின் சேவை !!!.முதன் முதலாக சன் குழுமம் நேரடியாக தயாரிக்கும் படம் எந்திரன்.அனேகமாக இது 2010இல் வெளியாகலாம்.அதுவரை இவர்கள் ஏராளமான படங்களை கையில் வைத்திருப்பதாக தகவல்.ஆனாலும் சன் வெளியிடும் அநேகமான படங்கள் சப்பையாக இருப்பது இவர்களின் தெரிவுப்பிழையா? அல்லது அப்படிப்பட்ட படங்களை இவர்கள் கரைசேர்த்து விடுவார்கள் என்று தயாரிப்பளர் விற்றுவிடுகிறாரா? எது எப்படியோ நமக்கல்லவா ரோதனை.



வசூல்ரீதியாக வெற்றிபெற்ற படங்கள் என்று பார்த்தால் "சன் பிக்சர்ஸ் வழங்கிய" அனைத்துமே சூப்பர்ஹிட் படங்கள்தான்.நாம் உண்மையாக ஓடி ஹிட்டான படங்கள் பற்றி பார்ப்போம்.

1.அயன்: இந்த வருடத்தின் பெரிய வெற்றிப்படம் இதுதான்.இதுவும் "சன் பிக்சர்ஸ் வழங்கிய" படம் ஆயினும் இது வெற்றிபெற காரணம், கே வி ஆனந்தின் விறு விறு திரைக்கதை.ஹரிசின் அமர்க்களமான மெட்டுக்கள்,சூர்யாவின் துள்ளலான நடிப்பு,தமன்னாவின் இளமைத்துடிப்பு(ஆகா நமக்குள்ளேயும் ஒரு T.R )ஜெகனின் டைமிங் காமடி என பலவற்றைக் கூறலாம்.ஆனாலும் இப்படம் பெரியளவில் வெற்றியடைய காரணம் சன் டிவி என்பதை ஒத்துக்கொள்ளத்தான் வேண்டும்.

2.உன்னைப்போல் ஒருவன்: கமல் மோகன்லால் போன்ற சூப்பர் ஆக்டர்கள்,வித்தியாசமான கதைக்களம் போன்றவற்றின் மூலம் அனைத்து விமர்சகர்களாலும் பாரட்டப்பட்ட படம்.இருந்தும் பாடல்கள்,காமடி போன்ற பொழுதுபோக்கு அம்சங்கள் இல்லாததால் பெரியவெற்றியை அடையமுடியவில்லை.எனினும் இதுஒரு கிளீன்ஹிட்.

3.நாடோடிகள்:சசிகுமார் நடிப்பில் வெளியாகி சக்கைபோடு போட்ட படம்.உன்னை சரணடைந்தேன்,நெறஞ்ச மனசு படங்கள் மூலம் தன்னை நிரூபிக்க தவறிய சமுத்திரக்கனி இப்படத்தின் மூலம் தனது திரைப்பயணத்தில் முதல் வெற்றியைப் பெற்றிருந்தார்,சசிக்குமார் இயக்கிய சுப்ரமணியபுரத்தில் வில்லனாக கலக்கியவர் இயக்குனராக ஜெயித்த படம்.ஜனரஞ்சகமான படமாக வந்து அனைவரது வரவேற்பையும் பெற்றது .இப்போது இந்தப் படத்தை சமுத்திரக்கனி தெலுங்கில் இயக்கி வருகிறார்.



4.பசங்க: சசிக்குமார் தயாரிப்பில் வெளியான படம்.பாண்டிராஜின் இயக்கத்தில் வெளிவந்து விமர்சகர்களால் பாராட்டப்படடதோடு நல்ல வசூலையும் பெற்றது.சிறுவர்களை மையமாக வைத்து உருவாக்கப்பட்ட படம்.நேர்த்தியான திரைக்கதையும், புதியதொரு கதைக்களமும் இப்படம் ரசிகர்களை வெகுவாக கவர காரணமாய் இருந்தது.(நம்ம தளத்தோட பேருக்கும் இந்த படத்துக்கும் நெருங்கிய சம்பந்தம் ஹி ஹி )

5.பேராண்மை: ஜனநாதனின் இயக்கத்தில் வெளியாகி வெற்றியடைந்த படம்.ஆங்கில படங்களுக்கு நிகரானதொரு படமாக இயக்கி அதில் ஓரளவு வெற்றியும் கண்டிருந்தார் ஜனநாதன்.ஜெயம் ரவியை இன்னொரு பரிணாமத்தில் காட்டிய படம்,ஐங்கரனின் மூன்று சறுக்கல்களின் பின்னர் அவர்களுக்கு கிடைத்த முதல் வெற்றி இது.

வெண்ணிலா கபடி குழு,ஈரம்,ரேணிகுண்டா,நான் கடவுள் என்பன நல்ல விமர்சனங்களைப் பெற்றாலும் வசூல் ரீதியாக பெரியளவு வெற்றி பெறாதவை.சிவா மனசுல சக்தி,கண்டேன் காதலை போன்றன காதலை மையமாக வைத்து எடுக்கப் பட்ட ஜனரஞ்சகமான படங்கள்.சுமாரான வசூலையும் திரட்டின.



எதிர்பார்ப்பை எகிறவைத்து டர்ரான படங்கள் என்று பார்த்தால் வில்லு ,படிக்காதவன், சர்வம்,பொக்கிஷம்,கந்தசாமி,ஆதவன்,வேட்டைக்காரன் என்பவற்றைக் கூறலாம்.இவற்றில் சிலவற்றை சம்பந்தப்பட்டவர்கள் வெற்றியென மார்தட்டினாலும் அவை கிளீன்ஹிட்ஸ் அல்ல என்பது அவர்களுக்கே தெரியும். வேட்டைக்காரன் ரிலீசாகி பத்து நாட்களே ஆனாலும் இதன் இரண்டாவது வாரவீழ்ச்சி இது விஜய்க்கு இன்னொரு தோல்விப்படமே என்பதை உறுதி செய்கிறது. "2009"இல் நடிகர்கள்" பற்றி அடுத்த பதிவில் சந்திப்போம்

சனத்தை விமர்சிப்பவர்களுக்கு.....

சனத் டில்ஷானுடன் நைட் கிளப் ஒன்றில் மதுவருந்துவது போன்றும் அருகில் ஒரு அழகி இருப்பது போன்றும் புகைப்படங்கள் வெளியாகின. இது போதாதா நம் பதிவர் சிங்கங்களுக்கு ? ஆளாளுக்கு பொட்டு வைத்து , பூ வைத்து, சீவி, சிங்காரித்து பலவிதமான கற்பனைகளுடன் பல கதைகளை தமது திறமைக்கேற்றால் போல் உலவவிட்டனர். போதாக்குறைக்கு சனத் வேறு அண்மைக்காலமாக பெரிதாக எதுவும் சாதிக்க வில்லை, விடுவார்களா? மொட்டந்தலைக்கும் முழங்காலுக்கும் முடிச்சு போட்டு விட்டார்கள்.

இரவு இரண்டு மணிக்குத்தான் சனத்தும் டில்சஹானும் தங்குமிடம் திரும்பினார்களாம் , அடுத்தநாள் போட்டியில் இருவரும் சோபிக்காததற்கு இதுதான் காரணமாம். அடுத்தநாள் 2.30 மணிக்குதான் போட்டிகள் ஆரம்பமாக இருந்தன, வீரர்கள் மைதானத்திற்கு 12 மணியளவில்தான் அழைத்து வரப்படுவார்கள், பத்து மணிவரை உறங்கினால் கூட 8 மணித்தியால நித்திரை போதுமானதே. அது தவிர இரவு விடுதியில் மது,மாதுவுடன் களியாட்டத்தில் ஈடுபட்டதாக கூறுபவர்கள் தயவுசெய்து அந்த புகைப்படங்களை பாருங்கள், சனத் அந்த அழகியுடன் அனாகரிகமாகவா இருக்கிறார்? சாதாரணமாக பேசிக்கூட இருந்திருக்கலாமில்லையா ? அதற்காக சனத்திற்கு நான் வக்காளத்து வாங்கவில்லை, இது போன்ற சம்பவங்கள் அவ்வப்போது இடம்பெறுவதுதான், அதை ஏன் மிகைப்படுத்த வேண்டும் ? இதை பெரிது படுத்தி என்ன லாபம்?

யுவராஜ் , டோனி செல்லாத நைட் கிளப்பிற்கா சனத் சென்றுவிட்டார்? , அல்லது ஸ்மித், டி வில்லியஸ் போல அடிச்ச சரக்கு இறங்காமல் போட்டிகளில் விளையாடியுள்ளாரா? , அல்லது மேற்கிந்தியாவில் உலக கிண்ண போட்டிகளின் தண்ணியை போட்டுவிட்டு படகில் நினைவில்லாமல் கிடந்த பிளின்டொப் போலதான் கிடந்தாரா? , அல்லது பொண்டிங், சிமன்ஸ் போல நட்சத்திர ஹோட்டல்களில் ஆர்ப்பரித்தாரா ? இலங்கை தோற்ற கோபத்தை வக்கிரமாக சனத் மீது காட்டும் இலங்கை ரசிகர்களும், சனத்தை அவமானப்படுத்த சந்தர்ப்பம் கிடைத்து விட்டதால் சனத்தை போட்டுத்தாக்கும் இலங்கைக்கு எதிரானவர்களும் ஒரு விடயத்தை மறவாதீர்கள் , சனத் தனது 20 வருட கிரிக்கெட் வாழ்க்கையில் மைதானத்தில் ஏதாவது தவறு செய்துள்ளாரா? சக வீரகளுடனோ அல்லது எதிரணியினருடனோ வாய்த்தர்க்கம் செய்து பார்த்திருக்கிறீர்களா? சனத் தலைமை  தாங்கும் போது கூட கடினமாக நடந்து கொண்டதில்லை.

சனத்தின் சிறந்த பண்புக்கு சில சம்பவங்களை உதாரணமாக கூறமுடியும் , சிம்பாவேயில் 1999 ஆம் ஆண்டு இடம்பெற்ற டெஸ்ட் போட்டி ஒன்றில் சமிந்த வாஸ் வீசிய பந்து சிம்பாவே வீரர் குட்வினின் மட்டையின் விளிம்பில் பட்டு சிலிப் திசையில் நின்ற டில்ஷானிடம் ஒரு ஜம்பில் சென்றது, அப்போது வாஸ் தனது காலால் காற்றுக்கு உதைத்து தனது வெறுப்பை காட்டினார்,குட்வினும் வாஸைப்போல செய்துகாட்ட அவர் கிரீஸுக்கு முன்னே சென்றுவிட்டார்,அப்போது டில்ஷான் பந்தை விக்கட்டில் பட ஏறிய குட்வின் ரன் அவுட் ஆனார்.இதனால் கோபமடைந்த குட்வின் மதியபோசன இடைவேளையின் பின்னர் அன்றைய அணித்தலைவரான சனத்தின் மீது தண்ணீர் போத்தல் ஒன்றை எறிந்தார், சனத்தின் தலையில் அந்தப்போத்தல் பலமாக தாக்கியது. அணியின் பயிற்சியாளர் வட்மோர் உட்பட அணியினர் அனைவரும் போட்டி மத்தியஸ்தரிடம் முறையிடுமாறு கூறியும் சனத் மறுத்தவிட்டார். முறையற்ற விதத்தில் ஆட்டமிழந்த கோபத்தில் அப்படி செய்துவிட்டார் இதை யாரும் பெரிதுபடுத்த வேண்டாம் என்று கூறிவிட்டார். பின்னர் சகவீரர்கள் மூலம் இந்தசெய்தி கசிந்தபோதும் சனத் அப்படி ஒரு சம்பவம் இடம்பெறவே இல்லை என்று கூறிவிட்டார்.

அதேபோல 1995 ஆம் ஆண்டு ஆஸ்திரேலியாவில் இடம்பெற்ற முக்கோண தொடரின்போது சனத்தின் அதிரடியை பொறுக்காத மக்ராத் சனத்தை பார்த்து 'black monkey' என்று கூறி வேறு கெட்ட வார்த்தைகளாலும் திட்டினார். இது சனத்துடன் ஆடிக்கொண்டிருந்த ரொஷான் மகாநாமவிற்கு தெரியும், சனத் இந்த விடயத்தை பெரிதுபடுத்த வேண்டாம் என்று கேட்டுக்கொண்டதற்கிணங்க மகாநாம இந்த விடயத்தை மறைத்துவிட்டார். பின்னர் 5 ஆண்டு கழித்து மகாநாம எழுதிய சுயசரிதை மூலமாகவே இந்த விடயம் அனைவருக்கும் தெரியவந்தது.

அதேபோல் 1998 ஆம் ஆண்டு தென்னாபிரிக்காவிற்கு இலங்கை விஜயம் செய்தபோது ஒருநாள் போட்டி ஒன்று தொடங்குவதற்கு சிறிது நேரம் முன்னதாகவே இரவு விடுதியிலிருந்து வந்த இலங்கையின் கிரிக்கெட் வரலாற்றின் தலைசிறந்த வீரரான அரவிந்த டி சில்வாவும் சமிந்த வாஸும் மாட்டிக்கொள்ள மேலும் சில வீரர்கள் தப்பித்து கொண்டனர். இதனால் அரவிந்தாவின் உபதலைவர் பதவி பறிக்கப்பட்டது , வாஸ் சிலகாலம் போட்டிகளில் விளையாட அனுமதிக்கப்படவில்லை. அன்று அந்த விடுதிக்கு செல்லாத சில வீரர்களில் சனத்தும் ஒருவர், அன்று அவர் திருமணம் கூட செய்யவில்லை. அதன் பின்னரே சனத்திற்கு உபதலைவர் பொறுப்பு வழங்கப்பட்டது.

இன்றைய சனத்தின் ஓட்டக்குவிப்பின்மைக்கு நிச்சயமாக நைட் கிளப் சம்பவமோ அல்லது அவரது வயதோ காரணமில்லை, சனத்தினது பந்து வீச்சு, களத்தடுப்பு, runs between the wicket என்பனவற்றை பார்த்தால் அவர் முழு உடற்தகுதியுடன் இருப்பது தெரியும். அது தவிர சனத்தினது bating timing இன்னமும் குறையவில்லை. இப்போது அவருக்கு தேவை நம்பிக்கை, சனத்தே தனது அண்மைய நேகணலில் "அர்ஜுன கப்டனாக இருந்தால் தன்னை முழுமையாக நம்புவார்" என்று கூறினார்.சனத் எவளவு அழுத்தங்களுடன் விளையாடி வருகிறார் என்று இதிலிருந்து தெரிகிறது. ஆரம்ப துடுப்பாட்ட வீரராக கலக்கியவரை நடுவரிசையில் இடங்களை மாற்றி மாற்றி இறக்குவது, அவ்வப்போது போட்டிகளில் இருந்து நிறுத்துவது என under presure க்கு உள்ளாக்குகிறார்கள்.சனத்தின் ஓட்டக்குவிப்பின்மைக்கு இதுதான் முக்கியகாரணம்.

 விரும்பியது போல் இன்னமும் ஆறு மாதங்கள் விளையாடும் தகுதியில் சனத் இருக்கிறார், கங்குலி நியூசிலாந்து தொடரில் சேவாக்கிற்கு வழங்கிய நம்பிக்கை போன்று "அடுத்த ஆறுமாதத்திற்கு அடித்தாலும் அடிக்காவிட்டாலும் நீங்கள்தான் ஆரம்ப துடுப்பாட்டவீரர்" என்று இலங்கை அணித்தலைவர் சனத்திற்கு நம்பிக்கை அளித்து பார்க்கட்டும், அப்போது தெரியும் இந்த கிழட்டு சிங்கத்தின் பலம்.

முன்பொருமுறை இதேபோன்ற விமர்சனங்கள் லாராமீதும் சுமத்தப்பட்டது, 2001 ஆம் ஆண்டு ஆஸ்திரேலியாவுடனான டெஸ்ட் தொடருக்கு லாரா ஒரு அழகியை தனது நண்பி என்று கூறி அழைத்து வந்திருந்தார். அவரது கஷ்டகாலம் முதலாம் இரண்டு போட்டிகளிலும் பெரிதாக லாரா சோபிக்கவில்லை.இது போதாதா நம் விமர்சகர்களுக்கு? போட்டுத்தாக்கினார்கள். அன்றைய தெரிவாளர்களில் ஒருவரும் முன்னாள் மேற்கிந்தியாவின் புகழ் பெற்ற வீரருமான விவ்வியன் ரிச்சர்ட்ஸ் "நாங்கள் மட்டையை மட்டும் நம்பித்தான் களத்தில் இறங்குவோம் அதனால்தான் அதிக ஓட்டங்களை பெறமுடிந்தது " என்று லாராவை குத்திப்பேசினார்.

இதற்கு லாரா எந்தப்பதிலும் கூறவில்லை, மாறாக அடுத்த போட்டியில் 188 ஓட்டங்களை சரமாரியாக குவித்தார். முதல் போட்டிகளில் ஆட்டமிழக்க செய்த மக்ராத்திற்கு மூன்று சிச்சர்களை பரிசளித்தார். இந்தபோட்டியின் பின்னர் லாரா ஒய்வு பெறும்வரை எந்த கொம்பனும் லாராவை விமர்சிக்க வாய் திறக்கவில்லை.சனத்திற்கும் இன்று இதே நிலைதான், அநாகரிக உடையுடனோ அல்லது அந்த அழகியுடன் நெருக்கமாகவோ இல்லாத போதும் சனத் மீது அவதூறு சுமத்தப்பட்டுவிட்டது. தனது ஓய்வை அறிவிக்குமுன்னர் இதற்கான பதிலை தனது மட்டையால் நிச்சயம் சொல்லுவார்.

வாழ்த்து : 20 வருடங்களாக இலங்கை அணிக்காக விளையாடி அதிகமான வெற்றிகளை பெற்றுத்தந்த சனத்திற்கு மனமார்ந்த நன்றிகளும் வாழ்த்துக்களும்.

எச்சரிக்கை : இன்று அதிகாரம் உள்ளதென்று ஓவராக ஆடும் மஹேலா, சங்கா நாளை தரங்க,கப்புகெதர காலத்தில் உங்களுக்கும் இதே நிலைதான் என்பதை மறந்துவிடாதீர்கள்.

எரிச்சல் : இலங்கை அணி இன்று தனக்கென்று ஒரு இடத்தை தக்கவைத்துள்ளதென்றால் அதற்கு அர்ஜுன, அரவிந்த, வாஸ், முரளி, சனத் என்ற இந்த பஞ்ச பண்டவர்களே முக்கிய காரணம் என்றால் மிகை இல்லை. இதில் முதல் மூவரையும் மோசமாக வழியனுப்பிவைத்த இலங்கை கிரிக்கெட் கட்டுப்பாட்டு சபை இப்போது சனத்தையும் முரளியையும் கூட அவர்களைப்போலவே மோசமான முறையில் வழியனுப்ப தயாராகி வருவது.

வேட்டைகாரனும் போச்சா?

யார் என்ன சொன்னாலும் நான் இப்படித்தான் நடிப்பேன் என்று அடம்பிடித்துக்கொண்டிருக்கும் இளையதளபதி நடித்து (?) கடந்த வாரம் ரிலீசான வேட்டைக்காரன் விஜயின் அழகிய தமிழ்மகன், குருவி, வில்லு வரிசையில் நான்காவதாக இணைந்துள்ளது. சண் டிவியின் உதவியுடன் 93 % ஒப்பினிங்குடன் முதல் மூன்று நாட்களில் வேட்டைக்காரன் 89லட்சம் ரூபாயை சென்னையில் வசூலித்தது. ஆனால் இந்தவாரம் திரைஅரங்குகளில் மக்கள்வரவு 70% ஆக குறைந்துள்ளது, மற்றும் இந்தவார இறுதி வசூல் 59 லட்சத்திற்கு வீழ்ச்சியடைந்துள்ளது.

விஜயின் அண்மைய படங்களில் இரண்டாவது வாரத்தில் 70% இற்கு மக்கள்வருகை குறைவடைந்தது வேட்டைக்காரனுக்கேயாகும். வில்லு, குருவி என்பன இரண்டாம் வாரத்தில் 80% மக்கள் வருகையை கொண்டிருந்தன,பின்னரே படிப்படியாக வீழ்ச்சியடைந்தன.ஆனால் வேட்டைக்காரன் ஒரேயடியாக 70% இற்கு வீழ்ச்சியடைந்தது மிகப்பெரும் பின்னடைவே. இந்த இரண்டு வாரங்களில் மொத்தவசூல் 2 கோடி 10 லட்சம், இது கந்தசாமி ,ஆதவன் என்பன இரண்டாம் வாரத்தில் வசூலித்ததிலும் பார்க்க குறைவான தொகை.

சண் நெட்வோர்க்கால் கூட விஜயை காப்பாற்ற முடியவில்லை. வழமையாக ஒரு நடிகனின் படத்தை அவனது வெறிப்படத்துடன்தான் ஒப்பிடுவார்கள்,விஜயின் முன்னைய படங்களையும் அவ்வாறே கில்லியுடன் ஒப்பிட்டார்கள்.ஆனால் இன்று வேட்டைக்காரன் எப்படி என்று ஒருவரிடம் கேட்டால் 'கில்லி' அளவுக்கு இல்லை என்றுகூட யாரும் கூறுவதில்லை , மாறாக குருவியை விட பரவாயில்லை என்றுதான் கூறுகிறார்கள். இதிலிருந்தே தெரிகிறது விஜய் தனது படங்களை எந்தத்தரத்தில் கொடுக்கிறார் என்று.பின்னர் எப்படி படம் வெற்றியடையும்? எங்கே இரண்டு நாள் கேப் கொடுத்தால் ஊடகங்கள் படத்தை தோல்வி என்று கூறிவிடுவார்களோ என்று அஞ்சி அடுத்தநாளே படம் வெற்றி என்று அறிவித்து விட்டார் நம்ம தலைவலி,சாரி தளபதி.முழுப்பூசனிக்காயை எப்படி சோற்றில் மறைக்க முடியும்?

ஆனால் நம்ம தளபதி சற்றும் சலனமிலாமல் அடுத்த படத்தையும் இதேபோல மொக்கை படமாக கொடுத்துவிட்டு கொஞ்சம் கூட வெட்கப்படாமல் அடுத்தநாளே வெற்றி என்று அறிவிப்பார்.

குறிப்பு

நாளைய தினம் வெளியாகும் sify.com இனது box office இல் வேட்டைக்காரனை வெற்றி அடைந்ததாக குறிப்பிடுவார்கள். இவர்கள் சண் நெட் வேர்க்கின் பிரச்சார பீரங்கிகள், இவர்களது box office இல் அனைத்து சண் நெட் வேர்க்கின் படங்களும் ஹிட் ஆனவையே.

எப்பூடி ....கோலிவுட் ரவுண்ட் அப்

தனுஷ் நடித்து பொங்கலுக்கு வெளியாக இருக்கும் 'குட்டி' படப்பாடல்கள் சென்றவாரம் வெளியிடப்பட்டது.இது இயக்குனர் ஜவஹர் இயக்கத்தில் தனுஷ் நடிக்கும் இரண்டாவது படம்.முதல்ப்படமான 'யாரடி நீ மோகினி' பெரும் வெற்றிபெற்றது.அதே போன்று குட்டியும் ஒரு தெலுங்கு ரீமேக்.குடும்பத்துடன் பார்க்ககூடிய ஜனரஞ்சகமான படமாக இது அமையும் என கூறிய ஜவகர் "ஆயிரத்தில் ஒருவன் வேறுவகையான படம் ஆதலால் இரண்டு படங்களுக்கும் போட்டி இருக்காது" என கூறினார்.இவர் செல்வாராகவனின் உதவியாளர் என்பதுடன் இவரின் முதல்ப்படம் செல்வா இயக்கிய தெலுங்குப்படத்தின் ரீமேக் என்பது குறிப்பிடத்தக்கது. நேற்றுமுன்தினம் சென்சார் பண்ணப்பட்ட குட்டிக்கு யு சர்டிபிகட் வழங்கிய அதிகாரிகள் படம் சிறப்பாக வந்துள்ளதாக வாழ்த்து தெரிவித்துள்ளனர்.தொடர்ந்து வெற்றிப்படங்களாக வழங்கி கொண்டிருக்கும் தனுஷுக்கு குட்டி இன்னொரு வெற்றிப்படமாகுமா என்பதே அனைவரதும் கேள்வி.பொங்கலுக்கு விடை கிடைத்துவிடும். இந்த வருடத்தின் மிக எதிர்பார்ப்புக்கு மத்தியில் ரிலீஸ் ஆன விக்ரமின் கந்தசாமி விமர்சகர்களால் காய்ச்சி எடுக்கப்பட்டாலும் ஓரளவு வசூலை பெற்றிருந்ததது.ஆனால் தயாரிப்பு செலவு,இரண்டு வருட எதிர்பார்ப்பு என்பவற்றுடன் ஒப்பிடும்போது நிச்சயமாக இது ஒரு வெற்றிப்படமல்ல.ஆனால் தோல்விப்படங்களுக்கு வெற்றிவிழா கொண்டாடும் லேட்டஸ்ட் கோலிவூட் பாரம்பரியத்துக்கு அமைய விக்ரம், ஸ்ரேயா, சுசிகணேசன், தாணு மற்றும் கந்தசாமியின் உருவாக்கத்துக்கு உழைத்தவர்களுக்கு கேடயம் வழங்கப்பட்டது.கந்தசாமி தொடக்க விழாவின்போது கந்தசாமி படக்குளுவால் தத்தெடுக்கப்பட்ட கிராமமக்கள் கேடயத்தை வழங்கினார்கள் .தோல்விப்படங்களுக்கு வெற்றிவிழா கொண்டாடுவது தாணுவுக்கு ஒன்றும் புதிதல்ல.ஏற்கனவே சச்சினை இருநூறு நாட்கள் ஓட்டி ஜெயா டிவியிடம் வருடத்தின் பெரும் வெற்றி என கேடயம் வாங்கியது நினைவிருக்கலாம். பெரும் எதிர்பார்ப்புகளுக்கு மத்தியில் வெளியாகிய பீமா,கந்தசாமி தொடர் வீழ்ச்சிகளை தொடர்ந்து மணிரத்னத்தின் ராவணவில் நடித்து முடித்திருக்கும் சீயான் சத்தமில்லாமல் செல்வராகவனின் பெயரிடப்படாத படத்திலும் யாவரும்நலம் புகழ் விக்ரம்குமாரின் இயக்கத்தில் '24'என்ற படத்திலும் நடித்து வருகிறார்.ஒரேநேரத்தில் இரு படங்களிலும் நடிப்பதால் நிச்சயமாக 2010இல் விக்ரமை வெள்ளி திரையில் இருமுறையேனும் காணமுடியும்.அப்படி இரண்டு படங்களும் வெளியாகும் பட்சத்தில் 2003க்கு பின் விக்ரமின் இரண்டு படங்கள் ஒரே வருடத்தில் வருவது முதல்முறை.குருவி,கந்தசாமி வரிசையில் நம்ம ஆதவன் அண்ணாச்சியும்,வேட்டைக்கார அங்கிளும் வெற்றிவிழாவுக்கு தயாராவதாக கேள்வி. யாருப்பா அங்க சட்டுபுட்டென்று மேடைய போடுங்க. அடுத்த ஆட்டத்துக்கு தயாராகிவிட்டார் பாலா.சேது, நந்தா,பிதாமகன் என்று ஹாட்ரிக் அடித்த பாலாவுக்கு நான்கடவுள் சிறிய சறுக்கலே.பாலாவுக்கு பெரியஹீரோக்கள் தேவையில்லை.அவர் படத்தில் நடித்த ஹீரோ பெரியஹீரோ ஆகிவிடுவார்.பாலசந்தருக்குப் பின் இரண்டு முன்னணி நாயகர்களை உருவாக்கிய பெருமை பாலாவுக்கே.ஆனால் ஆர்யா விடயத்தில் இது பொய்த்தது என்னமோ உண்மைதான்.விட்டகுறைய தொட்டகுறையினைப் போக்க மீண்டும் ஆர்யாவினை நாயகனாக்கி இருக்கிறார்.கூடவே நம்ம தளபதியும்!அட புரட்சி தளபதி விஷால்.(ஒரு நிமிஷத்தில அப்படியே ஷாக்ஆகி இருப்பிங்களே).நாயகியை தேடி தேடி ஒருவழியாக முடிவுக்கு வந்துவிட்டார்.நம்ம நாட்டாமை பொண்ணு வரலக்ஸ்மிதான் கதாநாயகி.முதல் அறிமுகமே அமர்க்களம்.சீக்கிரம் ஆரம்பித்து சீக்கிரம் முடிக்கணும்னு கண்டிஷனாம் பாலாவுக்கு.சிங்கத்துக்கே கடிவாளம்? பையா பட டிரைலர் இப்போது ஒளிபரப்பாக தொடங்கியுள்ளது.ஏற்கனவே 'அவன் இவன் இல்லடா யூவண்டா' என்று சொல்லும்படி பாடல்கள் அமர்க்களம்.பருத்திவீரனுக்கு பின் கார்த்தி,யூத் சென்சேஷன் தமன்னா,மாஸ்ஹீரோக்களுடன் சறுக்கினாலும் சாதாஹீரோக்களை மாஸ்ஹீரோவாக மாற்றும் வித்தை தெரிந்த லிங்குசாமி, எல்லாமே டிரைலரில் பிரதிபலிக்கிறது.பாடல்கள் படமாக்கி இருக்கும் விதம் நன்றாக இருப்பதால் டிவீகளில் அடிக்கடி காண்பது உறுதி.ஆயிரத்தில் ஒருவன் முந்தி கொண்டதால் பையா அனேகமாக பெப்ரவரி ரிலீஸ் ஆகலாம்.பருத்திவீரனில் அமீருடன் மனகசப்பு ஏற்பட்டபோது,கார்த்திதான் பருத்திவீரன் என நிரூபிக்க அடுத்த படங்களை வெற்றிப்படங்களாக கொடுக்கவேண்டும் என சிவகுமார்,சூர்யா தரப்பு கங்கணம் கட்டியதாக ஞாபகம்.ஆனால் ஆயிரத்தில் ஒருவனும் பையாவும் செல்வாவினதும் லிங்குசாமியினதும் படமாகவே பார்க்கப்படும்.எனவே கார்த்திக்கு முக்கியமான படம் 'நான் மகான் அல்ல',அட அது தலைவர் பட டைட்டில்,விடுங்கப்பா.

எப்பூடி.... ஸ்போர்ட்ஸ் ஸ்பெஷல்.

 

கிரிக்கெட் 
 



இலங்கை இந்திய அணிகளுக்கு இடையிலான இன்றைய ஐந்தாம் போட்டி ஆடுகளத்தின் ஏற்ற இறக்க எகிறல்கள் காரணமாக கைவிடப்பட்டது. இது இலங்கை இந்தியாவில் விளையாடும் போது ஆடுகளங்களின் சீரின்மையால் கைவிடபட்ட இரண்டாவது போட்டியாகும். இதற்கு முன்னர் 1997 ஆம் ஆண்டு இப்படி ஒரு சம்பவம் இடம்பெற்றது. பின்னர் அன்றையதினம் மிதவேக மற்றும் சுழல் பந்துவீச்சாளர்கள் மட்டும் பந்துவீச கண்காட்சிப்போட்டியாக ஒரு போட்டி இடம் பெற்றது. அதே போல் இன்றும் ஒரு போட்டி இடம்பெறும் என்று எதிர்பார்த்த மக்களுக்கு ஏமாற்றமே மிஞ்சியது. இந்த ஆடுகளத்தை தயார் செய்த உறுப்பினர்கள் அனைவரும் பணி நீக்கம் செய்யப்பட்டுள்ளனர்.



இதற்கு முன்னைய கொல்கத்தா ஆட்டத்தில் இந்தியாவின் இளம் வீரர் வீரத் கோளியுடன் இணைந்து அண்மைக்கால இந்தியாவின் சூப்பர் ஸ்டார் கவுதம் கம்பீர் பெற்ற இணைப்பாட்டம் மூலம் முன்னதாக தரங்காவின் உதவியுடன் இலங்கை பெற்ற கொல்கத்தா மைதானத்தின் அதிகூடிய ஓட்டங்களை துரத்தி அடித்து போட்டியையும் தொடரையும் வென்றது இந்தியா. 3 :1 என்ற ரீதியிலே இந்தியா இந்தப் போட்டித் தொடரை வென்றது. எதிர்வரும் நான்காம் திகதி இந்தியா, இலங்கை, பங்களாதேஷ் பங்குகொள்ளும் முக்கோண ஒருநாள் தொடர் பங்களாதேஷில் இடம்பெற உள்ளது.



ஆஸ்திரேலியா தென்னாபிரிக்கா அணிகளுக்கு முறையே பாகிஸ்தான், இங்கிலாந்து அணிகளுடன் boxing day யான மார்கழி 26 அன்று தொடங்கிய டெஸ்ட் போட்டிகளில் எந்த சதங்களும் பெறப்படவில்லை. boxing day யில் பெறப்படும் சதம் கிறிஸ்தவ நாடுகளில் சிறப்பாக கருதப்படும். சைமன் கட்டிச் 98 , ஓட்டங்களையும் , வொட்சன் 93 ஓட்டங்களையும், கலிசும் ஸ்மித்தும் தலா 75 ஓட்டங்களும் பெற்றனர். ஆஸ்திரேலிய வீரர்கள் மேற்கிந்த்ய தீவுகளுடனான போட்டித்தொடர் ஆரம்பம் முதல் பாகிஸ்தானுடனான முதல் இனிங்க்ஸ் வரை 20 அரைச்சதங்களை பெற்றாலும் ஒரு சதமேனும் பெறவில்லை. கட்டிச் அதிக பட்சமாக 99 ,98 ஓட்டங்களை பெற்றுள்ளார். இரண்டு போட்டிகளின் முடிவுகளும் அடுத்த ஸ்போர்ட்ஸ் ஸபெஷலில் தரப்படும்.

------------------------------------------------------------------------------------------------------------

 

புட் பால்
 



இங்கிலாந்தின் premier league போட்டிகளில் நேற்றையதினம் இடம்பெற்ற முக்கிய ஆட்டமான ஆர்சனலுக்கும் அஸ்டன் வில்லாவுக்கும் இடையிலான போட்டியில் ஆர்சனல் அணித்தலைவர் Fabregas அடித்த இரட்டை goal கள் மூலம் 3:0 என்ற ரீதியில் போட்டியை வென்ற ஆர்சனல் புள்ளிகள் அடிப்படையில் இரண்டாம் இடத்தை பிடித்தது,ஆனால் இன்று ஹல் சிட்டியுடனான் ஆட்டத்தை 3 :1 என்ற ரீதியில் வென்ற மன்சஸ்டர் யுனைற்ரட் அணி இரண்டாமிடத்தை ஆர்சனலிடமிருந்து மீண்டும் கைப்பற்றியது.புதன்கிழமை போட்ஸ் மவுத்துடன் இடம்பெறும் போட்டியில் வெல்லும் பட்சத்தில் ஆர்சனல் இரண்டாமிடத்திற்கு முன்னேறும் வாய்ப்புள்ளது.புள்ளிகள் அடிப்படையில் தொடர்ந்தும் செல்ஸி முதலிடத்தில் இருந்து வருகிறது.



அதே போல ஸ்பெயினின் ( la ligaa ) league போட்டிகளில் கடந்த ஆண்டு சாம்பியன் பட்டத்தை வென்ற பார்சிலோனா ரியல் மட்ரிட்டை விட இரண்டு புள்ளிகள் அதிகம் பெற்று முதலிடத்தில் உள்ளது. இந்த தொடரில் இதுவரை இடம் பெற்ற போட்டிகளில் வலன்சியாவின் டேவிட் வில்லா அதிகூடிய goal களை (12) பெற்றுள்ளார். நடந்து முடிந்த ஜூரோ கப் போட்டிகளிலும் அதிகூடிய goal களை பெற்றவர் இவர்தான்.
------------------------------------------------------------------------------------------------------------

 

டென்னிஸ்



முன்னாள் பிரெஞ் ஓபன் சாம்பியனும் (2008) செர்பியா நாட்டின் முதலாவது முதல்த்தர வீராங்கனையுமான இவாநோவிக் ( Ivanovic ) கடந்த இரண்டு ஆண்டுகளாக காயம் காரணமாக அவதிப்பட்டு வருகிறார் . குறிப்பாக இவர் கிராண்ட் சிலாம் போட்டிகளின் நடுவிலே காயம் காரணமாக தொடரை விட்டே வெளியேறி விடுகிறார். இதற்கு காரணம் இவரது உடற்தகுதி, உடற்சக்தி என்பன 2008 ஆம் ஆண்டுக்காலப்பக்தியில் இருந்தது போல தற்போது இல்லை என்பதேயாகும் . இதற்கு முடிவு கட்டுமாற்போல் தற்போது தனது உடற்பயிற்சியாளராக ( fitness trainer ) Damian Prasad என்பவரை நியமித்துள்ளார்.இவர் Australian Institute of Sport tennis program இற்கும் முன்னணி வீரர்களான Nadia Petrova மற்றும் Nicolas Kiefer ஆகியோருக்கும் உடற் பயிற்சியாளராக இருந்துள்ளார். இவரது துணையுடன் இவாநோவிக் ஆஸ்திரேலியன் ஓபெனில் கலக்குவாரா என்று பார்க்கலாம்.
-------------------------------------------------------------------------------------------------------------

 

போர்முலா 1



பெராரி ரசிகர்களுக்கு நன்றியை தெரிவித்துள்ள ஷுமேக்கர் தொடந்தும் தனக்கு அவர்கள் ஆதரவு தருவார்கள் என்று நம்பிக்கை தெரிவித்துள்ளார். பதின்நான்கு ஆண்டுகளுக்கு பின்னர் பெராரியுடனான பந்தத்தை முடித்து கொள்ளும் ஷுமேக்கர் இந்த ஆண்டு பெராரிக்கு எதிராக மெர்சிடிசில் களமிறங்குகிறார். இவரது சகவீரராக ஜெர்மனியின் நிக்கல் ரோஸ்பேர்க் மேர்சிடிசின் இரண்டாம் வீரராக பந்தயங்களில் கலந்து கொள்வார், கடந்த ஆண்டு வில்லியம்ஸ் அணிக்காக கலந்து கொண்ட ரோஸ்பேர்க் 34 .5 புள்ளிகளுடன் ஏழாம் இடத்தை பெற்றிருந்தார்.

2009 ஆம் ஆண்டின் பல்துறைக் கலைஞர்

இந்த ஆண்டில் பல துறைகளிலும் பல கலைஞர்கள் தங்கள் திறமைகளை வெளிக்காட்டி இருந்தாலும் நடிப்பு , இயக்கம் , கதை, திரைக்கதை, வசனம், தயாரிப்பு, எடிட்டிங் என ஏழு துறைகளிலும் சிறப்பாக செயற்பட்ட ஒருவருக்கு பல்துறை கலைஞர் விருது எப்பூடியின் சார்பில் வழங்கப்படுகிறது. அவர் வேறு யாருமில்லை, மதிப்பிற்குரிய(?)நமது தமிழக முதல்வர் கலைஞர் மு.கருணாநிதி அவர்களே.

சிறந்த நடிப்பு

சிவாஜி, கமல் என பல முன்னணி நடிகர்கள் தங்கள் நடிப்பால் ரசிகர்களின் கண்களை கலங்க வைத்திருக்கிறார்கள் என்பதை நான் மறுக்கவில்ல, ஆனால் ஒரு இனமே கதறிக்கதறி அழுமளவிற்கு அற்புதமாக நடித்த கலைஞர் எமது கலைஞர். இலங்கையின் இறுதி யுத்தம் நடைபெற்றுக்கொண்டிடுக்கும் போது இவர் தினம்தினம் ஒவ்வொரு மாறுவேடம் போட்டு வசனங்களை மாற்றி மாற்றி உச்சரித்த அழகை என்னவென்று சொல்வது?அதிலும் குறிப்பாக சாப்பிட்டது செமிக்காமல் கடல்க் காற்று வாங்க மனைவிகள் சகிதம் வந்த இவர் மூன்று மணி நேரம் உண்ணாவிரதம் என்ற பெயரில் உலக தமிழர்கள் அனைவரையும் ஏமாற்றிய நடிப்பை என்னவென்று சொல்வது? அப்பேற்பட்ட நடிகருக்கு வழங்காமல் சிறந்த நடிகருக்கான விருதை யாருக்கு வழங்குவது?

எடிட்டிங்

சாதாரணமாகவே திரைப்படங்களின் காட்சிகளை துண்டாடுவது எடிட்டர்க்கு கடினமான வேலை, அனால் தனது பிளைகளுக்கு பிரச்சினை வரக்கூடாதென்பதற்காக வட தமிழகத்தை ஸ்டாலினுக்கும் தென் தமிழகத்தை அழகிரிக்கும் உத்தியோகபூர்வமற்ற முறையில் பிரித்து கொடுத்துள்ள கலைஞர் சிறந்த எடிட்டருக்கான விருதையும் தட்டிச்செல்கிறார்....

இப்படியும் நடக்கலாம் : கலைஞர் காலத்தின் பின்னர் ஆந்திரமக்களே வாயில் கைவைக்கும் அளவிற்கு கலைஞரின் வாரிசுகள் தமிழகத்தை பிரித்தாலும் ஆச்சரியமில்லை....

கதை

நம் மவுன வலி யாருக்கு தெரியப் போகிறது ? என்ற தலைப்பில் உண்மை சம்பவம் என்று கூறி எழுதிய அந்த நகைச்சுவைப்படைப்பு சிறந்த கதையாக தெரிவாகியுள்ளது, " நாம் மவுனமாக அழுவது யார்காதில் விழப்போகிறது; நம் மவுனவலிதான் யாருக்குத் தெரியப்போகிறது?" என்ற பகுதி அனைத்து தரப்பினராலும் வாய்விட்டு சிரிக்க கூடிய அளவிற்கு அருமையாக இருந்தது. இதற்காக கலைஞருக்கு சிறந்த கதாசிரியருக்கான விருது வழங்கப்படுகிறது.

திரைக்கதை

தனக்கும் இலங்கை தமிழர்கள் மீது அக்கறை உள்ளது என்பதை காட்டிக்கொள்ள T.R.பாலு தலைமையில் திருமாவளவன், கனிமொழி அடங்கிய குழுவை அனுப்பி முகாம்களை பார்வையிட்டு, அதேநேரம் இலங்கை அரசுக்கு ஆதரவளிக்கும் மத்திய அரசுக்கு சார்பாக முகாம் நன்றாக உள்ளது என அறிக்கைவிட்டு ஒரே கல்லில் இரண்டு மாங்காய் வீழ்த்திய திரைக்கதையை என்னவென்று சொல்வது ? இதற்கு எப்படி விருது கொடுக்காமல் இருப்பது?

வசனம்

ஆங்காங்கே பல வசனங்கள் பேசினாலும் உண்ணாவிரத நாடகத்திற்கு பின்னர் "யுத்தம் நிறுத்தப்பட்டதாக தாங்கள் கூறியபின்னரும் இலங்கையில் யுத்தம் நடைபெறுகின்றதே "என்று பத்திரிகயாளர்கள் கேட்ட கேள்விக்கு "மழை நின்ற பின்பும் தூறல் போல ஆங்காங்கே சிறு சிறு தாக்குதல்கள் இருக்கத்தான் செய்யும் " என்ற வசனம் ஒரு பொய்யை கூறிவிட்டால் பின்னர் எப்படி சமாளிக்கலாம் என்பதற்கு முன்னுதாரணம். அதற்காகவே இந்த விருது கலைஞர் அவர்களுக்கு...

இயக்கம்

நடந்து முடிந்த நாடாளுமன்ற தேர்தலில் கள்ளவோட்டுக்கள் எப்படி போடுவது, மத்தியில் எப்படி பேரம்பேசுவது , அமைச்சர் பதவிகளை எப்படி குடும்ப உறுப்பினர்களுக்கு வேண்டிக்கொடுப்பது , எதிர்க்கருத்துகளை எப்படி பொய்யை சொல்லி சமாளிப்பது , பொது விழாக்களில் எப்படி சமூகமளிப்பது , தனக்கு தானே எப்படி விருது கொடுப்பது , முல்லைபெரியாறு முதல் தந்தை பெரியாரு வரை எப்படி அரசியல் செய்வது என்ற விடயங்களை கலைஞர் தனது தெளிவான செயற்பாடுகள் மூலம் நிரூபித்திருப்பார் . அதற்காகவே இந்த இயக்குனர் விருது கலைஞருக்கு....

தயாரிப்பு

இந்த ஆண்டு அண்ணா நூற்றாண்டு நினைவுதினம், தமிழகஅரச விருதுகள் வழங்கல் , கலைமாமணி விருதுகள் வழங்கல் என கலைஞர் தனக்கும் , தனக்கு வேண்டப்பட்டவர்களுக்கும் விருது வாங்கியும் கொடுத்தும் தமிழக அரசு சார்பில் நிகழ்த்திய நிகழ்வுகளுக்காகவும், தனது புகழை தமிழ் அறிஞர்களின் வாயால் காதுகுளிர கேட்கவேண்டும் என்ற ஒரே காரணத்துக்காக அடுத்த ஆண்டு 'உலக தமிழ் மாநாடு' நடத்த திட்டமிட்டதற்காகவும் சிறந்த தயாரிப்பாளருக்கான விருது கலைஞர் அவர்களுக்கு வழங்கப்படுகின்றது.

இந்த ஏழு விருதுகள் தவிர நடிகர்களுக்கு சார்பாக கட்டப்பஞ்சாயத்து , பத்திரிகைகளுக்கு கவிதை , புதிய படங்களை பார்த்தல் , நடிகயருடனான சந்திப்புக்கள் என்று பல நாட்டுக்கு தேவையான முக்கிய விடயங்களையும் செய்து வரும் கலைஞருக்கு எப்பூடி சார்பாக மேலும் பாராட்டுக்கள்.

வேறு ஏதாச்சும் விருது விடுபட்டால் பின்னூட்டல் மூலமாக நீங்களும் கொடுக்கலாம்

மணியண்ணையும் மாஸ்டர் பிளானும்....

இந்த சம்பவங்கள் எத்தனை வீதம் உண்மை என்று தெரியாது, ஆனால் ஒரு உறவினர் சொல்லி சிரித்திருக்கிறோம்.அதனை உங்களுடன் பகிரலாம் என்று நினைக்கிறேன்

மணியண்ணை என்பவர் ஒரு சமயோகித புத்தியுள்ள நகைச்சுவை உணர்வுள்ள ஒரு நடுத்தர குடும்பஸ்தர். இவர் ஒரு சிறிய சாப்பாட்டுக்கடை வைத்திருந்திருக்கிறார். 1983 ஆம் ஆண்டு இலங்கை இனப்பிரச்சினை மும்மரம் அடைந்த காலப்பகுதி, அந்தக்காலப்பகுதியில் எதோ ஒரு கலவரம் அவரது கடைக்கு அருகில் இடம்பெற்றுவிட்டது, அதனால் இராணுவ அதிகாரி அழைத்ததாக கூறி ஒரு சாதாரண இராணுவவீரர் மணியண்ணையை அழைத்துப் போக வந்திருக்கிறார். இப்போது போனால் சிக்கல் என்று மணியண்ணைக்கு தெரியும். கமாண்டர் கோபத்தில் இருப்பார் பின்னர் செல்லலாம் என்று ஜோசித்தவர் அழைக்கவந்த இராணுவவீரரிடம் "கடையில நிக்கிற பொடியனை நம்பேலாது எதுக்கும் இருக்கிற சாமான்களை எண்ணிவைத்துவிட்டு வாறன் " என்று கூறினார்.

சரியென்று இராணுவவீரரும் காத்திருந்தார், மணியண்ணை பலகாரங்களை எண்ணத்தொடங்கினார். முதலில் வடை பின்னர் தோசை,இடியப்பம்,பரோட்டா... என இருந்த அனைத்தையும் எண்ணி முடித்துவிட்டார், அவ்வளவு நேரமும் வெறுப்புடன் காத்திருந்த இராணுவ வீரர் ஒருவழியாக மணியண்ணை வரப்போகிறார் என்று நினைக்கும் போது மணியண்ணை அருகிலிருந்த பெரிய வாளியில் இருந்த அவித்த கெளப்பியை (தானியம்) ஒரு பாத்திரத்தில் கொட்டி ஒவ்வொன்றாக எண்ணத்தொடங்கினார்....... எப்படி இருந்திருக்கும் அந்த ராணுவவீரருக்கு?

அதேபோல் வேறொருநாள் சில காரணங்களுக்காக ஊர் பதற்றமாக காணப்பட்டது. நண்பனை சந்திப்பதற்காக சென்றிருந்த மணியண்ணையின் மகனும் வேறு சில இளைஞர்களும் பொலிசாரினால் மறித்து தடுத்து வைக்கப்பட்டிருந்தான். இதனைப்பார்த்த பெரியவர் ஒருவர் மணியண்ணையிடம் வந்து விடயத்தை கூறினார். சிறிதுநேரம் ஜோசித்த மணியண்ணை உடனடியாக தனது மகனை தடுத்து வைத்திருந்த இடத்திற்கு சென்றார், அங்கு அவரது மகன் ஒரு மரத்திற்கு கீழே இருத்தி வைக்கப்பட்டிருந்தான்.

திடீரென மரத்திலிருந்து ஒரு தடியை முறித்த மணியண்ணை நேராக மகன் இருக்குமிடத்திற்கு சென்று " உன்னை என்ன வேலைக்கு அனுப்பிவைத்தனான்? நீ இங்க வந்து மரத்துக்கு கீழ சும்மா குந்திக்கொண்டிருக்கிறியா? கெதியா வீட்டுக்கு போ " என்று கூறியபடி கண்மூடித்தனமாக அடிக்க தொடங்கினார். மகனுக்கு விளங்கிவிட்டது, அவனும் கதறியபடி ஓடத்தொடங்கினான். காவலுக்கு நின்ற போலிஸ்காரர்கள் என்ன செய்வதென்று தெரியாது திகைத்துப்போயிருந்தார்.......

சரித்திர நாயகன்

மக்கள் திலகம், புரட்சி தலைவர் எம்.ஜி.ராமச்சந்திரன்(வாத்தியார்) அவர்களின் 22 ஆவது நினைவு நாளை முன்னிட்டு எம்.ஜி.ஆர் அவர்களை பற்றி 22 விடயங்கள்.

1) எம்.ஜி.ஆர் என்பதன் விரிவாக்கம் - மருதூர் கோபாலன் ராமச்சந்திரன்.

2) பிறந்தது - 17 /1 /1917 நாவலப்பிட்டிய , இலங்கை.

3) மறைந்தது - 24 /12 /1987 சென்னை,இந்தியா

4) முதல்ப்படம் - சதிலீலாவதி

5) இறுதிப்படம் - மதுரயை மீட்ட சுந்தர பாண்டியன்

6) தமிழ் சினிமாவின் முதல் தேசிய விருது பெற்ற நடிகர் , ரிக்சாக்காரன் படத்துக்காக,1972

7) எம்.ஜி.ஆர் 136 படங்கள் நடித்திருந்தாலும் 'எங்கவீட்டுப்பிள்ளை' திரைப்படம் இவரது உச்ச வெற்றிபெற்ற படமாகும்.

8) ஜப்பான்,சிங்கபூர், மலேசியா போன்ற நாடுகளுக்கு முதல் முதல் படப்பிடிப்புக்காக சென்ற முதல் நடிகரும், அங்கு ரசிகர் மன்றங்கள் முதல் முதலாக ஆரம்பிக்கப்பட்ட நடிகரும் எம்.ஜி.ஆர் அவர்களே .

9 ) நாடோடி மன்னன், உலகம் சுற்றும் வாலிபன் என்பன எம்.ஜி.ஆரே இயக்கி நடித்த மிகப்பெரும் வெற்றிப்படங்கள்.

10) இவர் சரோஜாதேவி, ஜெயலலிதாவுடன் அதிகமான படங்களில் நடித்துள்ளார். 27 படங்கள்

11) இவர் சிவாஜிகணேசனுடன் சேர்ந்து நடித்த ஒரே படம் கூண்டுக்கிளி , ஆனால் இந்தப்படம் சரியாகப்போகவில்லை.

12) யாழ்ப்பாணத்துக்கு ஒரே ஒரு தடவை சரோஜாதேவி சகிதம் எம்.ஜி.ஆர் சென்றுள்ளார், அப்போது வீதியெங்கும் திரண்ட மக்கள் அவருக்கு அமோக வரவேற்ப்பு வழங்கினர்.

13) எம்.ஜி.ஆர் தனது கலைவாரிசாக இயக்குனரும் நடிகருமான பாக்கியராஜ் அவர்களை அறிவித்திருந்தார்.

14) எம்.ஆர்.ராதாவால் சுடப்பட்ட பின்னரே எம்.ஜி.ஆர் ஆல் வசனங்களை சரியாக உச்சரிக்க முடியாமல் போனது. சுடப்பட்டபின்னரும் சுடப்படமுன்னருமாக எம் .ஜி.ஆர் வசனம் பேசிய படம் காவல்க்காரன்.

15) இறக்கும்வரை ஒரு துப்பாக்கி குண்டை தனது தொண்டைக்குழியில் தாங்கியபடியே சினிமாவில் நடித்தும் , அரசியலில் ஜெயித்தும் வந்தார்.

16) எம்.ஜி.ஆர் ஆரம்பத்தில் காங்கிரஸ் கட்சியிலேயே இருந்துள்ளார்.

17) தொடர்ந்து மூன்று முறை முதல்வரான ஒரே தமிழக முதல்வர் இவர்தான்.

18) எம்.ஜி.ஆர் முதல்வராகிய மூன்று தடவைகளும் வேறு வேறு தொகுதிகளிலேயே ஜெயித்துள்ளார். அரிப்புக்கோட்டை ,மதுரை மேற்கு, ஆண்டிப்பட்டி என்பனவே அவர் ஜெயித்த தொகுதிகள்.

19) எம்.ஜி.ஆர் இறக்கும் வரை எம் .ஜி.ஆர் ஆல் உருவாக்கப்பட்ட அ.இ.அ.தி.மு.க ஒரேயொரு லோக்சபா தேர்தலில் மட்டுமே தோல்வியடைந்தது ,1980

20) தமிழ் இயக்கங்களுக்கு , குறிப்பாக புலிகளுக்கு பணமாகவும், வேறு தார்மீக உதவிகளாகவும் எம்.ஜி.ஆர் செய்த உதவிகள் இன்றும் அவர்களால் நன்றியுடன் பேசப்படுகிறது

21) சென்னை மற்றும் அமெரிக்காவின் அரிசோனா பல்கலைக்கழகங்கள் எம்.ஜி.ஆருக்கு கௌரவ டாக்டர் பட்டங்கள் கொடுத்து கௌரவித்தன.

22) எம்.ஜி.ஆர் இறந்த பின்னர் இந்திய அரசால் எம்.ஜி.ஆர் அவர்களுக்கு பாரதரத்னா விருது வழங்கி கௌரவிக்கப்பட்டது.

சங்கதி சொன்னது ஸ்ரீநி......

தோல்விப்படங்கள் அதிகரித்தமைக்கு யார் காரணம்? தொடர் பதிவில் பாகம் மூன்று எழுதி முடித்தவுடன் தனது கருத்தை பதிவு செய்த தோழர் ஸ்ரீநி தனது கருத்தை மின்னஞ்சல் மூலம்அனுப்பிவைத்துள்ளார். இதனை பின்னூட்டமாக போடாமல் ஒரு பதிவாக போடலாமென்று நினைக்கின்றேன். இந்தப்பதிவு முழுக்க முழுக்க பதிவர் ஸ்ரீநி (http://sangadhi.blogspot.com/) அவர்களால் எழுதப்பட்டது. பதிவர் ஸ்ரீநி க்கு நன்றிகள்

இதோ அது

"இந்தப் பதிவில் மூன்று பிரிவாக ஏனைய ஊடங்கங்கள், இயக்குனர்கள், நடிகர்கள் என்று பகுத்து காரணங்களை பார்த்தோம். முழுமனதோடு பாத்தால் இந்த பட்டியலில் மிக முக்கியமான காரணம் ஒன்று விட்டு போனதை காண முடிகிறது.

இந்த பட்டியலை பூரணம் ஆக்குவது இன்னொரு காரணி -
(1)குடிமியல் காரணிகள் ...
(2) ரசிகனின் வளர்ச்சி . . . .. . . . .

ஐயோ நீங்கதான் மிஸ்டர் பொது ஜனம்

என்னடா இது கூத்து ... படத்தின் தோல்விக்கு நாம எப்புடி காரணம்னு நீங்க கேக்கலாம்
இன்றைய சினிமா ரசிகனின் ஊடக தொடர்பு அதிகரிப்பு, தமிழக கரையோரம் உக்காந்து அவதார் பட சூழலை, அந்த படத்தின் நுணுக்கங்களை, தொழில்நுட்பத்தை விமர்சிக்கும், ரசிகன் இந்த 21 நூற்றாண்டின் ரசிகன் மட்டுமே. நமக்கு முந்தைய காலங்களில் இத்தகைய ரசிகர்கள் மிகவும் , மிகமிக குறைவு.

உலகமேண்ட்கும் சென்று படம் பார்க்கிறோம், ஹாலிவுட், பாலிவுட், கொரியா, ஜப்பான், சீனா, ஸ்பானிஷ், பிரெஞ்சு என்று எங்கு வெளியாகும் அல்லது வெளியாகிய திரைப் படம் என்றாலும் நம்ம மக்கள் பாக்க ஆரம்பிச்சுட்டாங்க. ஒரு ரீமேக் படம் வெளி வந்த அத கத்தி இல்லாம கிளிசுடுவோம் நாம இன்னிக்கி ஆனா அந்த கால ரசிகனுக்கு " எங்க வீட்டுப் பிள்ளை ( 1965 )" ரீமேக் ன்னு எதனை பேர்க்கு தெரியும், இல்ல அந்த படத்தின் ஒரிஜினல் ராமுடு பீமுடு (1964 ) என்ற அண்டை நாட்டு தெலுகு படம் எத்தனை தமிழ் ரசிகர்கள் பாத்திருக்க முடியும். அதையும் தாண்டி இந்த இரண்டு திரை படங்களின் தாத்தா The Corsican Brothers (1941 ) அலெக்சாண்டர் டுமாஸ் எழுதிய ஓர் மேற்கத்திய படம் என்பது அந்த படங்களில் வேலை பார்த்த தொழில்நுட்ப கலைங்கர்களுக்கு தெரியுமென்றால் அது மிகப் பெரும் விஷயம். இன்று நாம் கஜினி தமிழ் , ஹிந்தி அதன் தாத்த மொமெண்டோ இங்கிலீஷ் எல்லாமே அத்துப்படி நம்மக்கு என்றால் அது மிகைஅல்ல

ஒரு கலை அதற்க்கு வரவேற்ப்பு கிடைக்கிறது என்று பார்த்தல் அது கண்டிப்பாக சமகாலத்தை விட உயரமாக அல்லது ஒரு புது அடையாளத்துடன் இருந்தால் மிக எளிமையாக வெல்லும். சிந்திக்க வைப்பதாக, பிரமிப்பூட்டுவதாக, ஈர்க்க கூடியதாக இருப்பது எந்த கலையானாலும் வெல்லும்.

சினிமா வின் ஆரம்பங்களில் , சினிமாவே உரு பிரம்மிப்பு, முதலில் ஒலி இல்லாமல், பின்பு ஒலியுடன் அந்த பிரம்மிப்பு ஐம்பதுகளின் இறுதிவரை மக்களை கட்டி இழுத்து வந்திருக்கிறது , அதில் வந்தவை எல்லாமே ராமாயணம், மகாபாரதம், மாயா பஜார், ஹரிதாஸ் போன்ற படங்களுக்கு இடையில் சில சிந்தனை சார்ந்த பராசக்தி, அந்த நாள், போன்ற படங்கள் . அதன் பின் புராணங்கள் குறைந்தாலும் சினிமா தன்னை கருப்பு வெள்ளை நிரந்களிருந்து , ஈஸ்ட்மேன் கலருக்கு மெருகேற்றி மக்களை உள்ளிளுபதில் தவறவில்லை . இந்த காலங்களிலும் சமுதாய கதைகளுக்கிடையில் கர்ணன், கந்தன் கருனைபோன்ற புராண படங்கள் உண்டு. அது அளவுதினும் அற்புத விளக்கு வரை தொடர்ந்து நம்மை பிரமிக்க வைத்து வந்தது

எழுபதுகளில் வெளியான மிகுதியான திரைப்படங்கள் மக்களின் சிந்தனையை / சமுதாய நிகழ்வுகளை கேள்விகுரியாக்கின் . புவனா ஒரு கேள்விக் குறி, அபூர்வ ராகங்கள், தப்புத் தாளங்கள், அவள் அப்படித்தான். என்று சமகாலத்தை விட உயரமாகவோ, தனி அடையாலதுடனோ சினிமாக்கள் செயல் பட்டன. இது 1990 களின் இறுதி வரை இருந்தது. கடந்த பத்து ஆண்டுகளில் ரசிகனின் வளர்ச்சி தமிழ் சினிமாவை விட வேகமாய் வளர்ந்திருக்கிறான்
இன்றைய ரசிகன் படைப்பாளிக்கு இணையாய் சிந்திக்கிறான், தன்னை உலக சினிமாவுக்கு தயார் செய்து கொண்டுவிட்டோன். படைப்பாளி இன்னும் இருபது வருட பழைய ரசிகனுக்கு படமெடுக்கிறான்."

மின்சாரமற்ற இரவுகளில்......

இப்போதெல்லாம் ஒருமணி நேரம் இரவில் மின்சாரம் இல்லாமல் போனாலே சமாளிப்பது கடினமாக உள்ளது. ஆனால் ஆறு வருடங்களுக்கு மேலாக மின்சாரமே இல்லாமல் எப்படி வாழ்ந்தோம் என்று இப்பொழுது நினைக்கும் போது அன்றைய நாட்கள் தரும் ஞாபகங்கள் சிலிர்ப்பூட்டுகின்றன.

1990 களின் ஆரம்பங்களில் யாழ்ப்பாணம் மின்சாரத்தை இழந்தது. அன்று முதல் கிட்டத்தட்ட 6 ஆண்டுகள் எமக்கு ஒளிரும் மின்குமிள்களை பார்ப்பதேன்றாலே அரிது. எங்காவது ஒரு விசேஷம் இடம்பெறும் வீட்டில் ஜெனறேற்றர்கள் (மின் பிறப்பாக்கி ) மூலம் பெறப்படும் மின்சாரத்தினால் வரும் வெளிச்சங்களை பார்த்தல்த்தான் உண்டு. அந்த விசேஷங்களில்த்தான் அந்தக்காலப்பகுதியில் திரைப்படங்களை பார்க்கமுடிந்தது , அதில் யாரது படத்தை பார்ப்பதென்று வேறு சலசலப்புக்கள் இடம்பெறும். யார் வீட்டிலாவது எப்படா ஏதாவதொரு விசேஷம் வருமென்று கத்துக்கிடப்போம், அன்று மின்சாரத்துக்காக ஏங்கிய நாட்கள் அவை.

ஆனாலும் நாம் சந்தோசமாகத்தான் இருந்தோம். மண்ணெண்ணெய் விளக்குகள், நிலா வெளிச்சம் என அன்றைய இரவுகளும் சிறுவர்களாகிய எமக்கு சந்தோசமான இரவுகளாகவே கழிந்தன. மண்ணெண்ணெய் விலை தாறுமாறாக உயர்ந்திருந்த நேரம் (ஒரு லீற்றர் 600 ரூபாவுக்கும் விற்ற நேரம்) அதிகமான மக்கள் வாங்குவது அரைக்காப்போத்தல் எனப்படும் 125 ml மண்ணெண்ணையைத்தான்.இதனை வைத்துக்கொண்டு சாதாரண விளக்குகள் எரிக்கமுடியாது. அதனால் அப்போது கண்டுபிடித்த எமது கண்டு பிடிப்புத்தான் பஞ்சுவிளக்கு. ஜாம் போத்தலின் அடியில் பஞ்சை அடைந்து அதனுள் சிறிதளவு எண்ணெயை (50 ml ) ஊற்றி ஜாம் போத்தலின் மேற்பகுதியில் சைக்கிளின் வால்க்கட்டையினை பொருத்தி அதனூடாக திரியை செலுத்தி மண்ணெண்ணையில் ஊறிய பஞ்சுடன் சேர்க்கப்படும். பஞ்சில் ஊறிய எண்ணை சிறிது சிறிதாகவே திரிக்கு பஞ்சால் வழங்கப்படும், இதனால் சாதரணமாக எரியும் விளக்குகளைவிட இந்த பஞ்சு விளக்கு மூன்று மடங்கு நேரம் அதிகமாக எரியும்.

அதிகமான விளக்குகள் கொளுத்த முடியாத காரணத்தால் உயர்தரம் படிக்கும் பெரியவர்களுக்கே விளக்கு கொடுக்கப்படும். எங்களுக்கு இரவு 7.30 மணியுடனேயே படிப்பு முடிந்துவிடும். பெரியவர்களுக்கும் வேறு பொழுதுபோக்கில்லை,அதனால் அயலில் உள்ள பெரியவர்கள் எல்லோரும் ஒன்றாக யாரவது ஒருவரது வீட்டு முற்றத்தில் அமர்ந்து அரட்டை அடித்துக்கொண்டிருப்பார்கள். அரசியல்,பொருளாதாரம் என அவர்களது பேச்சுக்கள் சிலநேரங்களில் மிகப்பெரும் விவாதமாக கூட இடம்பெறும். எமக்கு அவர்களது அரட்டைகளை கேட்பது சுவாரிசியமாக இருக்கும். நிலவொளியில் முற்றத்தில் வாங்குகளிலும் கதிரைகளிலும் அவர்கள் கதைத்த விடயங்கள் எங்களுக்கு அந்தவயதில் அரசியல் பற்றி ஆனா ஆவன்னா சொல்லிக்கொடுத்தன.

இந்த நேரங்களில் அவ்வப்போது பலாலியில் இருந்து இராணுவத்தினரின் ஷெல் வீச்சுக்கள் மற்றும் விமான தாக்குதல்கள் இடம்பெறுவதால் எங்களுக்கு பதுங்குகுழிகள் இன்னுமொரு வீடாகவே இருந்தது. அதற்குள் சுவாமிப்படங்களை வைப்பது அவற்றுக்கு விளக்கு வைப்பது, என்று ஒருபுறம் பாதுகாப்பையும் நாங்கள் கவனிக்க தவறவில்லை. இரவு நேரங்களில் பதுங்குகுழிகளுக்குள் பாம்பு பூச்சிகள் வந்துவிடும் என்பதற்காக வேப்பெண்ணை தெளித்தல், வெங்காயத்தூசிகளை தூவுதல் என விழிப்பாக இருந்த நாட்கள் அவை. மின்சாரம் இல்லாததால் அன்றைய இரவுகள் 10 மணிக்கெல்லாம் அமைதியாகிவிடும். அந்த நேரங்களில் காற்றடிக்கும் ஓசையே விமானத்தின் ஓசையைப்இருக்கும். இதனால் காற்றின் ஒசைக்கெல்லாம் பதுங்குகுழிக்குள் ஓடிய நாட்களும் உண்டு.

மின்சாரவசதி, தகவல் தொழில்நுட்ப வசதிகள் இருக்கும் காலமாகிய இன்றைய காலகட்டத்தில் மாணவர்கள் பெறும் பெறுபேறுகளை விட அன்றைய மாணவர்கள் மிக சிறப்பான பெறுதிகளை பெற்றிருந்தனர். இந்த யுத்தத்தின் மத்தியிலும் கல்வியில் நமது மாணவர்கள் அன்று சிறந்து விளங்கியதை பார்த்து பலரும் ஆச்சரியப்பட்டனர். அன்றைய சிறந்த பெறுபேறுக்கு முக்கியகாரணம் மின்சாரம் இல்லாமை என்றே இப்போது எண்ணத் தோன்றுகிறது. அதனால் மின்சாரம் கூடாதவிடயம் என்று பொருள் இல்லை, இன்று நாம் அதனை சரியாக பயன்படுத்தவில்லை என்பதே உண்மை. எது எப்படியாக இருப்பினும் குண்டுவீச்சுக்களின் நடுவிலும் மின்சாரமற்ற நிலவொளியில் வீட்டு முற்றத்தில் இருந்த நாட்கள் ஏனோ தெரியவில்லை எனக்கு பசுமையாகவே இருக்கிறது.

குறிப்பு :-
1990 - 1996 வரையான காலப்பகுதியில் 6 - 12 வயதுக்குட்பட்ட குண்டு வீச்சுக்களாலான உயிர் இழப்புகள் எதனையும் தமது உறவுகளுக்குள் சந்தித்திருக்காத யாழ்ப்பாணத்தில் வாழ்ந்த அன்றைய பெரும்பான்மை சிறுவர்களுக்கு இந்தப் பதிவு பொருந்தலாம்.

சுறா மாபெரும் வெற்றி !

இளையதளபதி விஜய் நடிக்கும் ஐம்பதாவது படமான சுறா முன்னைய அனைத்து சாதனைகளையும் முறியடித்து மாபெரும் வெற்றி பெற்றுள்ளது . S.P. ராஜ்குமார் இயக்கும் விஜயின் ஐம்பதாவது படமான சுறாவிற்கு மணிசர்மா இசையமைக்க தமன்னா விஜய்க்கு ஜோடியாக நடித்துள்ளார். தமிழகம் முழுவதும் 500 பிரிண்டுகள் போடப்பட்ட முதல் திரைப்படம் சுறா (இதற்கு முன்னர் 800 ,900 பிரிண்டுகள் போடப்பட்ட படங்கள், செல்லாது.....செல்லாது..... ) என்பது குறிப்பிடத்தக்கது.

இதுவரை எந்த ஹீரோவுக்கும் இல்லாத அளவு ஒப்பினிங் சுறாவிற்கு கிடைத்துள்ளது. இதுபற்றி கருத்து கூறிய அபிராமி ராமநாதன் உலக சினிமா வரலாற்றிலேயே படம் ரிலீசாகமலே அனைத்து சாதனைகளையும் முறியடித்த முதல்ப்படம் சுறாதான் என பெருமையாக கூறினார், அது தவிர இனிவரும் காலங்களில் பெயர் வைத்தவுடனேயே விஜய் படங்கள் அனைத்து வசூல்களையும் உடைத்துவிடும் என்றும் திருவாய்மலர்ந்தார்.

வேட்டைக்காரன் ரிலீசாகி அடுத்தநாளே மெகாஹிட் ஆகும் போது சுறா ரிலீசாகாமலேயே ஹிட்டாக கூடாதா என்ன ?

வாழ்க இளையதளபதி , வாழ்க சண் நெற்வேர்க் ...............


வேட்டைக்காரன் விமர்சனம் கீழே 

எப்பூடி... ஸ்போர்ட்ஸ் ஸ்பெஷல்

கிரிக்கெட் இந்திய இலங்கை அணிகளுக்கிடயிலான ஐந்து போட்டிகள் கொண்ட ஒருநாள் தொடரில் இரண்டு அணிகளுமே தலா ஒரு வெற்றியுடன் அடுத்த போட்டியை நாளையதினம் சந்திக்க உள்ளனர். இறுதிப்போட்டியில் சிறப்பாக ஆடிய இலங்கையின் சகலதுரைவீரர் மத்தியூஸ் காயம் காரணமாக அடுத்த போட்டிகளில் பங்கேற்க மாட்டார். அதே போல இந்தியாவின் டோனி மெதுவாக பந்து வீசியதற்காக அடுத்த இரண்டு போட்டிகளிலும் விளையாடமாட்டார், இவருக்கு பதில் சேவாக் இந்தியாவுக்கு தலைமை வகிக்கிறார் .அதேபோல் பன்றிக்காய்ச்சல் அறிகுறி,மற்றும் விரலில் ஏற்பட்ட காயம் காரணமாக முதல் இரண்டு போட்டிகளிலும் ஆடாத யுவராஜ் இந்தப் போட்டியில் ஆடுவார் என்றே தெரிகிறது. அதே போல் இலங்கையின் மலிங்க காயம் குணமடைந்ததால் விளையாடுவார் என்று எதிர்பார்க்கப்படுகிறது. முரளி வரிசையில் சனத்தும் இந்தத்தொடரில் காயம் காரணமாகவே விளையாட வில்லையாம்.(நம்புறம் சார்) தென்னாபிரிக்க இங்கிலாந்து அணிகளுக்கிடையிலான முதல் டெஸ்ட் போட்டி இறுதிநேர விறுவிறுப்பிற்கு பின்னர் சமநிலையில் முடிவடைந்தது. (தென்னாபிரிக்கா 418 , 301/7 இங்கிலாந்து 356 , 228 /9 ). தென்னாபிரிக்கா சார்பில் முதலாவது இனிங்க்சில் கலிஸும் இரண்டாவது இனிங்க்சில் ஆம்லாவும் சதமடித்தனர். இங்கிலாந்து சார்பாக முதலாவது இனிங்க்சில் ஸுவான் 85 ஓட்டங்களையும் இரண்டாவது இனிங்க்சில் பீற்றர்சன் 81 ஓட்டங்களையும் பெற்றனர். 364 ஓட்டங்களை இறுதி இனிங்க்சில் பெறவேண்டிய இங்கிலாந்து ஒரு கட்டத்தில் 27 ஓட்டங்களுக்கு மூன்று விக்கட்டுகளை இழந்து தடுமாறியதாகினும் பின்னர் ஜோடி சேர்ந்த தென்னாபிரிக்க வீரர்களான பீற்றர்சன் , த்ரோத் ஜோடியின் இணைப்பாட்டமும் பின்வரிசை துடுப்பாட்ட வீரர்களின் தடுப்பாட்டமும் இங்கிலாந்தை சரிவிலிருந்து காப்பாற்றி போட்டியை சமநிலைக்கு இட்டுச்சென்றது. இறுதிப்பந்துவரை கதிரையின் நுனியில் ரசிகர்களை அமரவைத்த இந்த மாதிரியான ஆட்டங்கள் டெஸ்ட் கிரிக்கெட்டின் சுவாரிசியத்தை மேலும் வலுப்படுத்தும். இறுதிநாளான இன்று 50 ஓட்டங்களை பெற்றால் வெற்றி என்ற நிலையில் ஒரு விக்கட் மாத்திரமே கையிருப்பில் வைத்திருந்த மேற்கிந்திய தீவுகள் அணி மேலதிகமாக 15 ஓட்டங்கள் மாத்திரமே பெற்று 35 ஓட்டங்களால் தோல்வியடைந்தது. ஆஸ்திரேலியா தொடரை 2 -0 என கைப்பற்றியது,இந்தத்தொடரில் விசேடம் என்னவென்றால் ஆஸ்திரேலியர்கள் யாரும் சதமடிக்கவில்லை என்பதுதான். ஆஸ்திரேலியா - 520 (கட்டிச் 99 , வொட்சன் 89 , கடின் 88 , ஹசி 82 ) , 150 (பிராவோ 42 / 4) மேற்கிந்திய தீவுகள் - 312 ( கெயில் 102 ) , 323 ( டியோனரையின் 82 ) பாகிஸ்தான் , நியூசிலாந்து அணிகளுக்கிடையிலான மூன்று போட்டிகள் கொண்ட தொடர் 1 -1என சமநிலையில் முடிவடைந்தது. மூன்றாவது போட்டியில் நியூசிலாந்துக்கு வெற்றிவாய்ப்பு இருந்தபோதும் மழை காரணமாக போட்டி சமநிலையில் முடிவடைந்தது. இந்தப் போட்டித்தொடரின் சிறப்பம்சம் உமர் அக்மால்தான், வெறும் பத்தொன்பது வயதேயான் உமர் வேகப்பந்து வீச்சுக்கு சாதகமான ஆடுகளங்களில் ஆடியதைப்பார்க்கும் போது பாகிஸ்தான் இனிவரும் காலங்களில் உமரை நம்பித்தான் என்பது தெளிவாக தெரிகிறது. முதல் போட்டியிலேயே சதமடித்த உமர் அக்மல் மேலும் மூன்று அரைச்சதங்களை இந்தத் தொடரில் பெற்றிருந்தார். பாகிஸ்தான் - 213 ( இம்ரான் பராட் 117 ) , 455 ( யுஹான 89 , உமர் அக்மல் 77 ) நியூசிலாந்து - 471 (விட்டோரி 134 , மக்கலம் 89 ,டபி 80) , 90 /௦0 ( வாட்லிங் 60 ) கால்ப்பந்து இங்கிலாந்து முன்னணி இருபது கழகங்களுக்கிடையிலான கால்பந்து போட்டிகளில் (English Premier leauge ) கடந்த இரண்டு முறையும் சாம்பியன் பட்டத்தை வென்ற மஞ்சஸ்டர் யுனைற்ரட் கழகம் இந்த ஆண்டு சாம்பியனாகும் வாய்ப்பு சந்தேகமாகியுள்ளது. இன்று புல்ஹாம் அணியுடன் நடந்த போட்டியில் 3 -௦0 என தோல்வியடைந்த மஞ்சஸ்டர் அணி முதலிடத்திலிருக்கும் செல்ஸி அணியை விட 4 புள்ளிகள் பின்தங்கியுள்ளது.கிறிஸ்டியானோ ரொனால்டோவின் வெளியேற்றம் பின்னடைவை கொடுத்தாலும் மைக்கல் ஓவன் அவரது இடத்தை ஓரளவேனும் சரிக்கட்டியுள்ளார். தவறு முன்வரிசை வீரர்களிடம் இல்லை,வழமையாக சிறப்பாக இருக்கும் இவர்களது தடுப்பு (Back) வீரர்கள் இந்த ஆண்டு சரியான முறையில் சோபிக்காததே இவர்களது பின்னடைவுக்கு காரணம். இவர்களை விட ஒரு போட்டி குறைவாக ஆடியுள்ள ஆர்சனல் அந்தப்போட்டியை வெல்லுமிடத்து மஞ்சஸ்டர் மூன்றாவது இடத்துக்கு தள்ளப்படும் நிலை ஏற்பட்டுள்ளது. இந்த ஆண்டு மிகவும் அதிர்ச்சியான விடயம் லிவர்ப்பூலின் வீழ்ச்சி. கடந்த ஐந்து வருடங்களாக முதல் நான்கு இடங்களுக்குள் வந்த லிவர்பூல் இந்த ஆண்டு பின்தங்கி எட்டாவது இடத்திலே உள்ளது. அரைவாசி போட்டிகள் முடிவடைந்த நிலையில் முதல் நான்கு இடங்களுக்குள் வருவது மிகக்கடினம், இதனால் இங்கிலாந்து கழகங்களில் முதல் நான்கு இடங்களுக்குள் வரும் அணிகள் தெரிவாகும் UEFA போட்டிகளில் அடுத்த ஆண்டு லிவர்பூல் விளையாட முடியாத நிலை ஏற்படலாம், இங்கிலாந்து கழகங்களில் அதிக UEFA கிண்ணங்களை வென்ற அணி லிவபூல் (6) என்பது குறிப்பிடத்தக்கது. டெனிஸ் கடந்த ஆண்டு டெனிஸ் போட்டிகளில் இருந்து ஓய்வுபெற்ற முன்னாள் முதல்தர டெனிஸ் வீராங்கனையான பெல்ஜியத்தின் ஜஸ்டின் ஹெனின் வருகிறமாதம் ஆரம்பிக்க உள்ள ஆஸ்திரேலியன் ஓபன் டெனிஸ் போட்டிகளில் பங்கேற்க உள்ளார். 7 கிரான்ட்ஸிலாம் போட்டிகளில் வென்றுள்ள ஹெனின் தரவரிசையில் முதலிடத்திலிருந்தபோதே தனது 25 ஆவது வயதில் ஒய்வுபெற்றவர். தற்போது மீண்டும் களம் காண காத்திருக்கும் ஹெனின் பயிற்சிப்போட்டிகளில் சிறப்பாக ஆடிவருகிறார். கடந்த ஆண்டு இவரது சகநாட்டு வீராங்கனையான கிம் கிளைஸ்டர் ஒய்வுபெற்ற பின்னர் மீண்டும் போட்டிகளில் பங்கேற்று அமெரிக்கன் ஓபன் டெனிஸ் பட்டத்தை வென்றது நினைவிருக்கலாம் . போர்முலா 1 ஷூமேக்கர் ரசிகர்களுக்கு ஒரு நற்செய்தி, சூமி மீண்டும் களமிறங்குவது 90 % உறுதியாகிவிட்டது, மெர்சிடிஸ் (சென்ற ஆண்டு பிரவுன்) அணிக்காக பந்தயங்களில் கலந்து கொள்வார் என தெரிகிறது.மெர்சிடிஸ் நிறுவனத்தின் முக்கிய பொறுப்பிலுள்ள லூக்கா டி மொண்டேஜிமொலோ என்பவருக்கு தொலைபேசி மூலமாக சூமி தனது வருகையை கூறியபோதும் நேரடியாக் சூமி ஊடகங்களுக்கு தெரிவிக்காததால் இந்த செய்தியை உறுதிப்படுத்த முடியவில்லை. இன்னும் ஓரிரு வாரங்களில் ஷூமியின் வருகை உறுதிசெய்யப்படலாம்.