Wednesday, August 25, 2010

ரஜினி தனித்துவமானவரா?





Antony Doss என்பவர் "மின்மினிப் பூச்சிகளை விட்டுத்தள்ளுங்கள்" என்ற பதிவிலிட்ட பின்னூட்டலுக்கான பதிலை ஒரு பதிவாக எழுதுகிறேன். பலரும் ரஜினியை விமர்சிப்பதற்கு கையிலெடுக்கும் இன்னுமொரு விடயம் இதுவென்பதால் ஒரு ரஜினி ரசிகனாக எனது விளக்கம்.

இதுதான் அவரது பின்னூட்டல்.

//Rajini should stop acting on public meeting(should not be like others).., It is accustomed to cinema fraternity to praise the politician when they are on power,for instance when Jaya was CM Rajini called her 'Thairia lakshmi' now he is in all praise for Karuna.

All you Rajini fans should understand this. Only then rajini will be unique from others.//


Antony Doss அவர்களே.....

கலைஞர் இருந்த மேடையில் வைத்து விஜயகாந்தின் வெற்றியை பாராட்டிய ரஜினியை, எல்லோருமே ஜெயலலிதாவுக்கு பயந்து வாயை பொத்திக்கொண்டிருந்த நேரம் அவரது அமைச்சர்கள் முன்னிலையிலேயே ஜெயலிதாவின் ஆட்சியை கடுமையாக விமர்சித்த ரஜினியை உங்களுக்கு தெரியாதா? 2004 ஆம் ஆண்டு எனது ஒட்டு அ.தி.மு.க விற்கு என ரஜினி கூறியதுகூட ராமதாசின் ரசிகர்கள் மீதான தாக்குதலின் எதிரொலிதான், அப்போதுகூட ரஜினி கலைஞரை விமர்சித்ததில்லை. ஜெயலிதாவை 'தைரியலக்ஸ்மி' என பாராட்டியது வீரப்பனை கொன்றதற்காக மட்டும்தான். அங்கு ஜெயலிதாவின் ஆட்சித்திறனை அவர் ஒரு தடவைகூட பாராட்டவில்லை. இதுவரை சினிமாவிலுமிருந்து வந்த எந்த முதல்வர்களும் செய்யாத துணைநடிகர்களுக்கு வீடு வழங்கும் திட்டத்தை இப்போது கலைஞர் ஆரம்பித்துள்ளதற்குரஜினி பாராட்டியதில் என்ன தவறு?ஒருவர் ஏதாவது தப்பு பண்ணும் போது திட்டினா, அப்புறமா அவர் என்னதான் நல்லது பண்ணாலும் திட்டிக்கிட்டே இருக்கணும் என்பது எந்த ஊரு நியாயம் சார். இதுவும் ரஜினியிடமிருந்து கற்றுக்கொள்ள வேண்டிய ஒரு தகுதியே அன்றி குறையில்லைக் கண்ணா .



வீடு வழங்கும் திட்டத்தை கலைஞர் அறிவித்தபோதுகூட அதிகாரத்தில் உள்ளவர்களுக்கு இல்லாமல் சரியானவர்களுக்குத்தான் வீடு போய் சேரவேண்டும் என்பதை 'தாத்தா பேரன்' கதைமூலம் முகத்துக்கு முன்னாலேயே கூறியவர் ரஜினி. கலைஞரின் பாராட்டுவிழாவில் அஜித்தின் பேச்சுக்கு கலைஞரின் அருகிலிருந்தே எழுந்து கைதட்டியவர் ரஜினி. தன் குடும்பத்தின் எதிர்கால அரசியல் வாழ்க்கைக்கு பாதுகாப்பாகஇருக்கவேண்டும் என்பதால்தான் கலைஞர் ரஜினியை எப்போதும் தன பக்கத்தில் வைத்திருக்க விரும்புகிறார் . இதனால்தான் தான் சம்பந்தப்பட்ட எல்லா விழாக்களுக்கும் ரஜினியை அழைக்கிறார். போனவிடத்தில் திட்டிவிட்டா வரமுடியும்? எதிரியை கூட வையாத ரஜினி நண்பன் என்னும் பேரை சொல்லிக்கொண்டு திரிபவரை வைவாரா?

தன்னைத்தவிர ரஜினி தன்கூட இருக்கும் அனைவரையுமே புகழ்ந்துதான் பேசுவது வழமை , இது நடிப்பல்ல நண்பரே நல்ல பண்பு. எதற்க்காக ரஜினி தன்னைதாழ்த்தி கமலை புகழவேண்டும்? சரி ரஜினி திட்டமிட்டு செய்கிறார் என்றே வைத்துக்கொள்வோம், ஏன் மற்ற யாருமே இதை செய்வதில்லை? காரணம் ஈகோ, ரஜினியிடம்அது இல்லை என்பதால்தான் நண்பர் 'கவிதைகாதலன்' குறிப்பிட்ட மாதிரி "நிச்சயம் ரஜினி என்ற ஒற்றை மனிதனைத்தவிர வேறு யாராலும் இந்த 150 கோடி ரூபாயை தோளில் தூக்கி சுமக்க முடியாது... ஆனால் அந்த மனிதனோ தனக்கும் இதுக்கும் எந்த சம்மந்தமும் இல்லை. எல்லாம் ஷங்கர், ரஹ்மான், ஐஸ்வர்யா என்கிறார்." என வியந்து பார்க்க முடிகிறது.

ரஜினி அ.தி.மு,க விற்கு ஆதரவு தெரிவித்தது (ஒரு தடவை ) தவறென்றால் காங்கிரசும், பி.ஜே.பி யும் மாறிமாறி தி.மு.க வுடனும் அ.தி.மு.க வுடனும் கூட்டணி அமைப்பதை என்னவென்று சொல்வது?

தி.க வுக்கு ஓட்டுப்போட சொன்ன அண்ணா மற்றும் கலைஞர் பின்னர் தி.கவிற்கு போட வேண்டாம் தி.மு.கா விற்கு ஓட்டுப்போடுங்கள் என்றனர்.

தி.மு.க விற்கு குறிப்பாக கலைஞருக்கு ஒட்டு கேட்ட எம்.ஜி.ஆர் பின்னர் தி.மு.க ஊழல் கட்சி அ.தி.மு.க விற்கு வாக்கு போடுங்கள் என்றார்.

அண்ணா, எம். ஜி ஆர் இருவருமே தமது தாய் கட்சிகளைவிடுத்து 'தனியாக கட்சி தொடக்கிய' பின்னர்தான் தாய் கழகங்களுக்கு ஓட்டுப்பட வேண்டாம் தங்களுக்கு ஓட்டுப்போடுங்கள் என்றனர், அங்கு சொந்த கட்சி என்ற சுயநலம் இருந்தது. ஆனால் ரஜினி அ.தி.மு.கவிற்கு ஓட்டுப்போட சொல்லியபோது ரஜினி என்ன அ.தி.மு.க தலைவரா? இல்லை உறுப்பினரா? ரஜினி அ.தி.மு.க வை ஆதரித்தது ராமதாசுடன் கலைஞர் வைத்த கூட்டணிக்காக, ரசிகர்களைத்தாக்கிய ராமதாசுக்காக.

ரஜினி எப்போதுமே ஏனையவர்களிடமிருந்து வித்தியாசப்பட்டவர்தான், இல்லாவிட்டால் 60 வயதிலும் 35 வருடமாக ஒரு துறையில் யாருமே நெருங்க முடியாத சூரியனாக இருக்க முடியாது.

நீங்கள் யாரை முன்னோடியாக நினைக்கிறீர்களோ அவர்களை ஏதாவதொரு கோணத்தில் விமர்சிக்க முடியும், ஆனால் அவர்களிடிமிருக்கும் பின்பற்ற வேண்டிய விடயங்களைத்தான் இளைஞன் பின்பற்றுகிறான். ரஜினியிடம் பின்பற்ற வேண்டிய விடயங்கள் மிக அதிகமாக இருப்பதால்த்தான் ரஜினி பல இளைஞர்களுக்கு இன்றும் தனித்துவமான வழிகாட்டியாக இருக்கிறார்.

Sunday, August 22, 2010

மின்மினிப் பூச்சிகளை விட்டுத்தள்ளுங்கள்.





ரஜினிக்கும் எந்திரனுக்குமான எதிர்வினைகள் நான் முன்னமே எதிர்பார்த்ததுதான். போலி சமூகபுரட்சிகளும் போலி கம்யூனிஸ்டுகளும் ஏழைகளுக்கு காலையில 'கக்கா' போகலைன்னாலும் ரஜினியும் எந்திரனும்தான் காரணம் என்கிறமாதிரி எழுதுவது நினைத்ததைவிட அதிகமாகவே நடக்கின்றது. வருடத்துக்கு நூறு படம் வெளி வருகிறது, இரண்டு வருடத்துக்கு ஒரு ரஜினிபடம் வெளிவருகிறது என்று வைத்துக்கொண்டால்க்கூட இடைப்பட்ட காலப்பகுதியில் ஏனைய 200 படங்கள் வெளிவருகின்றன. அப்போதெல்லாம் வராத சமூக அக்கறை ரஜினிபடம் வரும்போது மட்டும் எப்படி வருகிறது?

கேட்டால் மற்ற நடிகர்களின் படங்களின் வீச்சைவிட ரஜினி படங்களின் வீச்சு மிகவும் அதிகமென்பதால் ரஜினிபடங்கள் வெளிவரும்போதுதான் தாங்கள் கூறும் கருத்துக்கள் (பினாத்தல்கள்) அதிகளவில் மக்களை சென்றடையுமாம். என்ன செய்வது; அவர்களும் தங்களை வெளிக்காட்டிக்கொள்ள ரஜினிதானே தேவைப்படுகிறார். வேண்டியவர்களுக்கும் வேண்டாதவர்களுக்கும் எதோ ஒரு வகையில் உதவுவதால்த்தானோ என்னமோ 60 வயதிலும் ரஜினி உச்ச நட்சத்திரமாக, யாரும் நெருங்கமுடியாத சூரியனாக இருக்கிறாரர்.

ரசிகர்களுக்கு நாளுக்குநாள் படத்தின் எதிர்பார்ப்பு அதிகரித்துக்கொண்டு வருவதுபோல புரட்சி/கம்யூனிச போர்வை போர்த்திய எதிரிகளுக்கும் படத்தின் எதிர்பார்ப்பு அதிகரித்துக்கொண்டுதான் இருக்கின்றது. படம் ஜெயித்துவிடுமென்கிற நம்பிக்கையில் ரசிகன் காத்திருப்பதுபோல படம் தோற்றுவிடாதா என்கிற ஏக்கத்தில் இந்த எதிர்ப்பு குழுவினர் காத்திருக்கிறார்கள். எந்திரன் ஜெயித்தால் ரசிகர்கள் அனுபவிக்கும் மகிழ்ச்சியை விட ஒருவேளை எந்திரன் தோற்றால் (ஒரு பேச்சுக்கு) இவர்கள் அனுபவிக்கும் மகிழ்ச்சி ரொம்பவும் அதிகமாக இருக்கும். ஆக மொத்தத்தில் ரஜினியிடம் ரசிகர்களைபோல இந்த போலிகளும் எதிர்பார்ப்பது மகிழ்ச்சியைத்தான். இதனால்த்தான் 60 வயதிலும் 18 வயது எமி (மதராசப்பட்டினம்) ஜோடியாக நடிக்க ஆசைப்படும் ஒரே நாயகனானாக ரஜினி இருக்கின்றார்.



இந்த வீணாப்போன போலி புரட்சி/கம்யூனிச ஈரவெங்காயங்களை கணக்கில் எடுத்துகொள்ள வேண்டாமென்று புத்தி சொன்னாலும் மனசு கேட்கவில்லை. ஒருவித கோப/எரிச்சல் நிலையில்த்தான் மனது இன்று இரவு சண் தொலைக்காட்சியின் சங்கீத மகாயுத்தம் நிகழ்ச்சியை பார்க்கும்வரை இருந்தது. ஆனால் இப்போது அப்படி இல்லை, மனசு அமைதியாக இருக்கிறது, நம்பிக்கையாக இருக்கிறது, புத்துணர்ச்சியாக இருக்கிறது. அதற்க்குகாரணம்; போட்டியில் மதுபாலகிருஷ்ணன் தலைமையிலான அணியினர் பாடிய ரஜினி பாடல்கள்தான்.

ரஜினியை கான்செப்டாக வைத்து இவர்கள் பாடும்போது பின்னாலிருந்த திரையில் ரஜினியின் புகைப்படங்கள் காண்பிக்கப்பட்டன. அதில் மூன்றாவது புகைப்படமாக எந்திரன் திரைப்படத்தின் ரஜினியின் புகைப்படம் காண்பிக்கப்பட்டபோது நடுவர்களில் ஒருவரான விஜய் ஜேசுதாஸ் (அதிதீவிர ரஜினி ரசிகர்) வாவ் என்றவாறு இருக்கையில் நிமிர்ந்து அமர்ந்தார்,(அவர் மட்டுமல்ல நிகழ்ச்சியை பார்த்துக்கொண்டிருந்த அத்தனை ரஜினி ரசிகர்களும் அப்படித்தான் செய்திருப்பார்கள்) அதே நேரத்தில் மேடையில் பாடகர்கள் பாடிக்கொண்டிருந்த பாடல்வரிகள்தான் எனது மாற்றத்திற்கு காரணம்.

அந்தபாடல் வரிகளுக்கு சொந்தக்காரர் பாடலாசிரியர் வாலி.

இதோ அந்த வரிகள்.....

உன்னைபற்றி யாரு அட என்ன சொன்னால் என்ன
இந்த காதில் வாங்கி அதை அந்த காதில் தள்ளு


மேகம் மிதந்தாலும் காகம் பறந்தாலும்
ஆகாயம்தான் அழுக்காக ஆகாதென்று சொல்லு.


பூப் பந்தை யாரும் நீரில் பொத்தித்தான் வைத்தாலும்
பந்துவரும் தண்ணி மேலத்தான் .


உன்னை யாரும் இங்கு ஓரங்கட்டித்தான் வைத்தாலும்
தம்பி வாடா பந்து போலத்தான்


மூணாம்பிறை மெல்ல மெல்ல முழுநிலவாய் மின்னுவதை
மின்மினிகள் தடுத்திடுமா ?


ரிப்பீட்டு...



இந்தவரிகள் மீண்டும் மீண்டும் ரசிகர்களுக்கு தேவைப்படும் வரிகள் என்பதாலோ என்னமோ கவிஞர் இறுதியாக 'ரிப்பீட்டு' என்று சொல்லியிருக்கிறார் போலும், நன்றி வாலி சார். இந்த பாடலை ஒருதடவை கேட்டுப்பாருங்கள், அப்புறம் இந்த போலி புரட்சி/கம்யூனிஸ்ட் பசங்க பேச்சுக்கள் ரொம்ப காமடியா இருக்கும். உண்மையிலேயே நாமெல்லாம் படத்தை பாத்திட்டு அடுத்தநாளே நம்ம வேலைகளை பார்க்க ஆரம்பிச்சிடுவம், ஆனா இந்த பிக்காலிப்பசங்க வருஷம் 365 நாளும் தலைவரைப்பற்றியும் எங்களை பற்றியும் பேசிப்பேசியே காலத்தை ஓட்டப்போறாங்க. இதில தாங்க முதிர்ச்சி அடைஞ்சிட்டாங்களாம்; நாங்க பக்குவப்படலயாம். தாங்க புத்திசாலிகளாம்; நாங்க முட்டாள்களாம். இது செம காமடியா இல்ல?

இவங்கள விட்டுத்தள்ளுங்க, இப்பவெல்லாம் எந்திரனோட எதிர்பார்ப்பைத்தான் தாங்கமுடியல. ஒவ்வொரு தடவையும் பாடல்களை கேட்கும்போதும் வயிற்றினுள் பட்டாம் பூச்சி, மனசுக்குள் இறக்கை, சிலிர்ப்பு, உற்ச்சாகம், மகிழ்ச்சி, பதட்டம், கலவரம் என பல உணர்வுகள் மாறிமாறி வந்து அவஸ்தைப்பட வைக்கிறது. எதிர்பார்ப்பு தாங்கமுடியல; சீக்கிரமே வந்திடு எந்திரா.

சக்தியெல்லாம் ஒன்று சேர்ந்தாலே
சொர்க்கம்வரும் இந்த மண் மேலே.............


Tuesday, August 17, 2010

எப்பூடியின் மறுபக்கம்....





சில நாட்களுக்கு முன்னாடி நண்பர் பாலா அவர்கள் ஒரு விருது கொடுத்தார், இப்போ தொடர்பதிவிற்கு அழைத்துள்ளார். என்மீதுகொண்ட அன்பிற்கு பாலா அவர்கட்கு நன்றிகள். அப்புறம் எழுதசொல்றீங்கென்னு எதோ என்னால முடிஞ்சதை எழுத முயற்சிக்கின்றேன், அப்புறம் பதிவு சீடியஸா இல்லையின்னு கோவிச்சுக்ககூடாது தல....

1) வலைப்பதிவில் தோன்றும் உங்கள் பெயர்?


எப்பூடி...


2) அந்தப் பெயர் தான் உங்கள் உண்மையான பெயரா? இல்லை எனில் பதிவில் தோன்றும் பெயரை வைக்க காரணம் என்ன?

இல்லை, ஒருநாள் வெள்ளைமாளிகையில் அமெரிக்க அதிபர் ஒபாமாவும் தமிழக முதல்வர் கலைஞரும் இட்லிக்கு தேவை அரிசியா ? உளுத்தம்பருப்பா? என்பதுபற்றிய கடுமையான விவாதத்தில் ஈடுபட்டிருந்த நேரம் அங்கு சென்ற நான் (பக்கத்து வளவில் கிறிக்கட் விளையாடிக்கொண்டிருந்தபோது பந்து வெள்ளை மாளிகையினுள் விழுந்ததால் அதை எடுப்பதற்காக சென்றேன்) உண்மையில் இட்லிக்குதேவை சட்னியும் சாம்பாரும் தான் என்று கூறிய பதிலை கேட்டதும் இருவரும் கோரசாக எப்பூடி... என்றனர்; அன்றுதான் நானும் முதல்முதல் ப்ளாக் எழுத ஆரம்பித்ததால் அவர்களின் ஞாபகார்த்தமாய் எப்பூடி... என்ற பெயரை வைக்கலாமென்று முடிவேசெய்தேன்.


3) நீங்கள் தமிழ் வலைப்பதிவு உலகில் காலடி எடுத்துவைத்ததைப் பற்றி....


ஆங்கிலம், பிரெஞ்சு, லத்தின், அரபிக் மொழிகளில் ப்ளாக் எழுதிக்கொண்டிருந்த என்னை ஒருநாள் கனவில் தோன்றிய தமிழ்கடவுள்களாகிய மருத்துவர் ராமதாஸும் அவர் புதல்வர் அன்புமணி ராமதாஸும் "தமிழனாகப் பிறந்த நீ தமிழில் ப்ளாக் எழுதாவிட்டால் உன்னை கடத்திவந்து டி.ஆருடன் அமர்ந்து 'வீராச்சாமி' திரைப்படத்தை நான்குதடவைகள் போட்டுக்காட்டுவோம் என கொலையையும் தாண்டிய பயங்கர மிரட்டல் விடுத்ததாலேயே தமிழ் வலைப்பதிவில் விருப்பமில்லாமல் முதல்முதலாக காலடி எடுத்துவைத்தேன். ஆரம்பத்தில் தமிழில் தட்டச்சுவது ரொம்ப கடினமாக இருந்தது, இப்போது ஓரளவு ஓகே.


4) உங்கள் வலைப்பதிவை பிரபலமடையச் செய்ய என்ன என்னென்னவெல்லாம் செய்தீர்கள்?

எங்க ஊரு மாரியாத்தா கோவிலுக்கு கூழூத்தினேன், அய்யனாருக்கு கிடாய் வெட்டி அபிசேகம் செய்தேன், பழனிக்கு பால்காவடி எடுத்தேன், திருப்பதியில் மொட்டை போட்டேன், ஐயப்பனுக்கு மலையேறினேன், காசிக்கு பாதயாத்திரை போனேன்.....இப்படி ஏறாத கோவிலில்லை வேண்டாத சாமியில்லை.

5) வலைப்பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்?அதன் விளைவு என்ன? இல்லை என்றால் ஏன்?


ஆம், ஒருதடவை 'பொருளாதாரமும் புண்ணாக்கும்' என்னும் தலைப்பில் பதிவொன்றை எழுதும்போது எனது 'எப்பூடி மல்டி நஷனல் கம்பனியின்' ஆண்டு வருமானத்தை வஞ்சகமில்லாமல் அதில் குறிப்பிட்டிருந்தேன். அடுத்தநாள் வருமானவரித்துறை அதிகாரிகள் அதிகாலையே வீட்டுக்குவந்து படுக்கையிலிருந்த என்னை வருமானவரி கட்டாத குற்றத்துக்காக குண்டுக்கட்டாக தூக்கிசென்று உள்ளே தள்ளிவிட்டனர். எனக்கு நமீதா தூரத்து சொந்தம் என்பதால் நமீதா அதிகாரிகளிடம் பேசி என்னை வெளியே கொண்டுவந்தார். இந்த இடத்தில் நமீதாவுக்கும் அதிகாரிகளிடம் நமீதா பேசிய தமிழை மொழிபெயர்த்த கலா மாஸ்டருக்கும் நன்றிகள்.


6) நீங்கள் பொழுதுபோக்குக்காக பதிவுகளை எழுதுகிறீர்களா அல்லது பதிவுகளின் மூலம் சம்பாதிப்பதற்காகவா?

136 1 /4 (நூற்று முப்பத்தாறேகால்) தலைமுறையினர் உட்காந்தோ, நின்றோ அல்லது படுத்திருந்தோ சாப்பிடுமளவிக்கு சொத்துக்கள் என்வசம் இருப்பதால் என்னைப்பொறுத்தவரை சம்பாதிப்பதே பொழுதுபோக்கிற்குதான், ஆகையால் இந்தக் கேள்விக்கானபதில் இரண்டுக்கும்தான் என்பதாகும்.


7) நீங்கள் மொத்தம் எத்தனை வலைப்பதிவுகளுக்கு சொந்தக்காரர்? அதில் எத்தனை தமிழ் வலைப்பதிவுகள் உள்ளன?

இதை நான் பப்ளிக்கில சொல்ல, வருமானத்துறை அதிகாரிகள் நாளைக்கு அதிகாலை இன்னுமொருதபா வீட்டுக்குவந்து என்னை குண்டுக்கட்டா தூக்கிக்கொண்டுபோக, அப்புறம் நமீதாவுக்கும் கலாக்காக்கும்தான் கஷ்டம். அதனால இந்த கேள்விக்கு என்னோட பதில் "இப்ப நீங்க வாசிக்கிற ப்ளாக் மட்டும்தான்" என்பதாகும். இதுகூட வாடகைக்கு எடுத்ததுதான்; பத்துரூபா அட்வான்ஸ், மாதம் ரெண்டுரூபா வாடகை.


8) மற்ற பதிவர்கள் மீது எப்போதாவது உங்களுக்கு கோபம் அல்லது பொறாமை ஏற்பட்டது உண்டா? ஆம் என்றால் யார் அந்த பதிவர்? ஏன்?

காலைல அமெரிக்காவில டினர், மதியம் ஜப்பானில ப்றேக்பெஸ்ட், நைட்டு ஆஸ்திரேலியாவில லஞ்ச் அப்பிடி இப்பிடின்னு ஒரே பிஸி, அப்பப்ப இடைப்பட்ட நேரங்களில இந்த ஒபாமா, பான்கி மூன், சச்சின், அமிதாப், பெடரர், தியரி ஹென்றி, சஹீரா, ஸ்பீல்பெர்க் என ஒரே பிரபலங்களின் தொலைபேசி நச்சரிப்புவேற. இந்த நேரமின்மையிலும் நான் ப்ளாக் எழுதுவதே பெரிய விடயம், இதில மற்றவங்க எழுதிறத படிக்க எங்க நேரமிருக்கு? மத்தவங்க எழுதின எந்த ப்ளாக்கையும் வாசிக்காததால அவங்கமேல மேல பொறாமையோ, கோபமோ உருவாக சந்தர்ப்பம் ஏற்ப்படல. நேத்துகூட தன்னோட ப்ளாக்குக்கு வரும்ப்படி அமிதாப் பின்னூட்டம் போட்டிருந்தார், பட் எனக்குத்தான் நேரமில்லையே.


9) உங்கள் பதிவை பற்றி முதன் முதலில் உங்களை தொடர்புகொண்டு பாராட்டிய மனிதர் யார்? அவரைப் பற்றி, அந்த பாராட்டைப் பற்றி..

முதல்முதலில் தொலைபேசியில் தொடர்புகொண்டது என்னவோ அண்ணன் கவுண்டமணிதான், ஆனால் அவர் பேசியது பாராட்டா? இல்லையா? என்பது இப்போவரை எனக்கு புரியல. "எண்டா நாயே கூகிள்காரன்தான் ஓசியில எழுதிறதுக்கு இடந்தாறாநெண்டா கண்ட இடத்திலையும் பே....டு வைப்பியா பரதேசி, இதுக்கு முன்னாடி உன் மூஞ்சிய கண்ணாடியில பாத்திருக்கிறியா? இன்னுமொருவாட்டி ப்ளாக் எழுதிறன் க்ளாக் எழுதிறன் எண்டு இந்தப்பக்கம் உன்னை பாத்தன் மவனே நாஸ்தியாயிடுவா" அப்பிடின்னு சொல்லிட்டு போனை வைச்சிட்டார்.


10) கடைசியாக----விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டிய அனைத்தையும் பற்றி கூறுங்கள்..

இதுக்குமேலயும் சொல்லனுமா? தாங்காதடா சாமி.


இந்த பதிவை தொடர நான் அழைப்பவர்கள்.



Sunday, August 15, 2010

ஆடிமாதமும் கொண்டாட்டங்களும் .





ஆடி மாதம் தமிழுக்கு எதிர்வரும் ஆவணி 16 ஆம் திகதியுடன் முடிவடைவதால் அடுத்த ஒரு மாதத்திற்கு திருமணவிழாக்கள், புதுமனை புகுவிழாக்கள், கடை திறப்புக்கள், பூப்புனித நீராட்டு விழாக்கள் என தமிழர் பிரதேசங்கள் ஒரே கொண்டாட்ட மயமாகத்தான் இருக்கப்போகிறது. பெரும்பாலும் மூன்று நான்கு விழா அழைப்பிதல்களாவது ஒவ்வொருவருக்கும் கிடைத்திருக்கும், நெருங்கிய உறவினர், நண்பர்கள், மற்றும் அயலவர்கள் என்றால் போகாமலும் இருக்க முடியாது. போவதென்றால்கூட வேலை செய்யுமிடங்களில் அதிகாமான விடுமுறை பெறமுடியாது, மொய் வைப்பதற்கு பணச்செலவு வேறு(உப்பு திண்டவன் தண்ணி குடிக்கத்தானே வேணும் :-)). ஆக மொத்தத்தில் விழா நடத்துபவர்கள்பாடு கொண்டாட்டமென்றால் விழாவிற்கு போகிறவன்பாடு திண்டாட்டம்தான்:-)



ஆனாலும் கொண்டாட்டங்களில் நண்பர்கள், உறவினர்கள், அயலவர்களென இன்றைய இயந்திர வாழ்க்கையில் பலநாட்களாக சந்திக்காதவர்களை சந்திப்பதற்கும் அவர்களுடன் பேசுவதற்கும் இப்படிப்பட்ட விழாக்கள் சந்தர்ப்பம் ஏற்ப்படுத்திக்கொடுக்கின்றன என்றால் மிகையில்லை. அதுதவிர சொந்த பந்தங்களையே தெரியாமல் வாழும் இன்றைய நவீன உலகில் இப்படியான விழாக்கள்தான் உறவுகளை இணைக்கும் பாலமாக அமைகின்றதென்றால் அது மிகையில்லை. அதுதவிர குழந்தைகள், பந்தியில் சாப்பாடு, வெற்றிலை பாக்கு வாயுடன் சிறுசுகள் கலாட்டா , காலில் வெந்நீரை கொட்டியதுபோல அங்குமிங்கும் ஓடித்திரியும் பெரிசுகள், கண்ணுக்கு குளிர்ச்சியான................. என ரசிக்கவைக்கும் இந்த விழாக்கள் மனதிற்கு மகிழ்ச்சியையும் புத்துணர்ச்சியையும் வாழ்வில் ஒருவித பிடிப்பையும் ஏற்ப்படுத்துகின்றதென்றே சொல்லலாம்.(வயித்தெரிச்சலோடு விழாவிற்கு போனால் இவை எதுவுமே கிடைக்காது)



அதெல்லாம்சரி; எதற்க்காக இந்த ஆடிமாதத்தில் கொண்டாட்டங்களை வைப்பதில்லை? இதற்க்கு சிலர் "இதெல்லாம் வெறும் மூட நம்பிக்கை" என்பார்கள், சிலர் "முன்னோர்கள் சொன்னது சரியாகத்தான் இருக்கும்" என்பார்கள், சிலர் இரண்டும்கெட்டான் நிலையில் "எதற்கு விஷப்பரீட்சை எதற்கும் ஆடிமாதம் முடியட்டும்" என்று காத்திருப்பார்கள், ஒரு சிலர் ஏனென்றே தெரியாமல் ஆடிமாதத்தில் விழாக்களை வைப்பதில்லை. சரி; உண்மையான காரணம்தான் என்ன? எதற்க்காக ஆடிமாதங்களில் நன்மையான விழாக்களை வைப்பதில்லை?

தமிழர்களது கொண்டாட்டங்களில் மிகபழமையானது திருமணம்தான். தமிழர்களுக்கென்றில்லை; உலகின் பெரும்பாலான மக்களின் மிகப் பழமையான கொண்டாட்டம் திருமணவிழாவாகத்தான் இருக்கும். இந்த திருமணங்கள் தமிழர்களை பொறுத்தவரை பண்டைய காலம்தொட்டே ஆடிமாதத்தில் நடத்தப்படுவதில்லை. இன்று இதை மூடநம்பிக்கையென சிலர் கேலி செய்தாலும் இதில் நம் முன்னோர்களது மூடநம்பிக்கை எதுவும் இல்லை, இதற்க்கு உண்மையான நியாயமான காரணம் இருக்கின்றது.



ஆடி மாதத்தில் திருமணம் இடம்பெற்றால் முதலாவது குழந்தை சித்திரை மாதத்தில் பிறப்பதற்கான சாத்தியம் அதிகம். சித்திரை மாதத்தின் காலநிலை எப்படிப்பட்டதென்பது தமிழர் பிரதேசங்களில்(இலங்கை, இந்திய) வாழும் மக்களுக்கு நன்கு தெரியும். உச்சியில் சூரியன், கடுமையான வெயில், காற்று வீசாத மரங்கள் என்பவற்றால் ஏற்ப்படும் வியர்வையும், தேக எரிவும் மிகமிக அதிகமாக இருக்கும் சித்திரை மாதத்தில் குழந்தை பிறந்தால் முதல்பிரசவம் செய்யும் தாய்க்கும், பிறக்கும் குழந்தைக்கும் நல்லதில்லை என்பதாலேயே நம் முன்னோர்கள் ஆடிமாதத்தில் திருமணங்களை நடத்துவதில்லை.



திருமணங்கள் ஆடிமாதத்தில் இடம்பெறாமைக்கான உண்மையான காரணத்தை புரிந்துகொள்ளாமல் பின்னர் காலப்போக்கில் புதிதாக கொண்டாட ஆரம்பிக்கப்பட்ட புதுமனை புகுவிழாக்கள், கடை திறப்புக்கள், பூப்புனித நீராட்டு விழாக்கள் மற்றும் ஏனைய கொண்டாட்டங்களையும் ஆடிமாதத்தில் கொண்டாடுவதில்லை, இது சரியான புரிதலின்மையின் வெளிப்பாடு. இதனால் ஆடிமாதம் முழுவதும் காத்திருக்கும் விழாக்கள் ஆவணிமாதத்தில் சேர்த்துவைத்து மொத்தமாக கொண்டாடப்படுகின்றன. ஆடி மாதத்தில் விழாக்கள் இல்லாததால் நகை மற்றும் புடவை கடைகளில் விபனை மந்த கதியிலேயே இடம்பெறும். இதனாலேயே மக்களை கடைகளுக்கு வரவழைக்க 'ஆடித் தள்ளுபடி' என்னும் பெயரில் விலைக்குறைப்பு செய்யும்(நஷ்டத்தில் ஒன்றும் விற்பதில்லை) வியாபாரிகள் ஆவணி,புரட்டாதி மாதங்களில் பொருட்களின் விலையை ஏற்றி விட்டதை பிடிப்பது வழக்கம்.

Tuesday, August 10, 2010

ரஜினி பற்றிய கவலைகள் மற்றும் கேள்விகள்





ரஜினிபற்றிய ஒரு சாதாரண விடயமென்றாலே சிலர் எதிர்மறையான கருத்து சொல்லி தங்களை உலகிற்கு வெளிக்காட்டிக்கொள்வது ஒன்றும் இங்கு புதிதல்ல. இவர்கள் தங்களை வெளிக்காட்டிக்கொள்ள அல்லது பிரபலப்படுத்திக்கொள்ள அல்லது பொறாமையை, இயலாமையை வெளிக்கொணர்வதற்க்கு ரஜினியை விமர்சிப்பது கூட ரஜினிக்கு ஒருவகை பப்ளிசிட்டிதான். இதைதான் விவேக் எந்திரன் ஆடியோ வெளியீட்டு விழாவில் "ரஜினி ஹச் என்று தும்மினாலே பப்ளிசிட்டிதான்" என்று கூறினார். ரஜினியை விமர்சிக்கிறேன் பேர்வழி என்று கிளம்பியவர்கள் யாரையும் ரஜினி இதுவரை கண்டுகொண்டதே இல்லை, இவர்களால் ரஜினிக்கு இதுவரை எதுவும் ஆகியதில்லை. 60 வயது தாண்டியும் 35 வருடமாக ஒரு துறையில் முதல்வனாக ரஜினி இருக்கின்றாரென்றால் அவருக்கு 'சிறு பிள்ளை வேளாண்மை வீடு வந்து சேரா'தென்பது நன்கு தெரியும்.

இப்போதெல்லாம் பல இடங்களில் எந்திரனையோ, ரஜினியையோ விமர்சிக்கும் சமுதாய புரட்சிக்காரர்களுக்கு (அப்பிடித்தான் நினைப்பு) இருக்கும் முக்கியமான கவலைகள் மற்றும் கேள்விகள்சில......

1) அடுத்த நேர சோற்றுக்கே வழியில்லாத நிலையில் 150 கோடி பட்ஜெட்டில் ஒரு படம் தேவையா?

2) 60 வயதில் ரஜினிக்கு ஹீரோ வேடம், ஜோடிக்கு ஐஸ்வர்யா, என்ன கொடுமையடா சாமி.

3) எந்திரன் என்னும் பிரம்மாண்டத்துக்கு முன்னால் லோ பட்ஜெட்டில் வெளிவரும் நல்ல படங்கள் காணாமல் போகப்போகின்றன.

4) ரஜினி மக்களை ஏமாற்றுகிறார், அவர் நடித்துவிட்டு கோடி கோடியாக பணத்தை கொண்டு போய்விடுவார், அவர் படத்தை பார்ப்பதால் மக்களுக்கு என்ன வந்துவிடப்போகிறது?

இவர்களது இந்தமாதிரியான லூசுத்தனமான கேள்விகளுக்கு பதிலளிக்கும் தேவையோ கட்டாயமோ ரஜினி ரசிகர்களாகிய எங்களுக்கில்லாவிட்டாலும் சாதாரண மக்களுக்கு இவர்களது கேள்விகளிலும் கவலைகளிலுமுள்ள மாயையை உடைக்க வேண்டியது அவசியமானது. அந்த வகையில் ....



அடுத்த நேர சோற்றுக்கே வழியில்லாத நிலையில் 150 கோடி பட்ஜெட்டில் ஒரு படம் தேவையா? என்ற கேள்வியை எடுத்துக்கொண்டால்..

இந்த கேள்வியே தவறானது, அடுத்த நேர சோற்றுக்கே வழியில்லாமல் ஒருவன் இருக்கும்போது 150 கோடி என்ன ஒரு கோடியில் படமெடுத்தாலே அது தேவை இல்லாததே. அப்படி பார்த்தால் பணத்தை போட்டு எந்த சினிமாவுமே எடுக்கக் கூடாது. சினிமா என்ன சினிமா; யாருமே பெரிய முதல்போட்டு எந்த தொழிலுமே செய்யக்கூடாது. இவர்களது பினாத்தல்ப்படி சாதாரண பெட்டிக்கடை வைத்திருப்பவனும் 1000 ரூபா முதலில்தான் தொழில் பண்ணனும், பெரிய மொத்தவியாபாரியும் 1000 ரூபா முதலில்த்தான் தொழில் பண்ணனும், நாளைக்கு பெட்டிக்கடை வைத்திருப்பவன் உழைப்பால் முன்னுக்குவந்து பெரியளவில் மொத்தவியாபாரம் செய்யவேண்டுமென்றாலும் 1000 ரூபா முதலில்த்தான் தொழில் ஆரம்பிக்கணும்.

ஒரு படத்தின் தேவையை பொறுத்துத்தான் அதனது பட்ஜெட் அமையும், அதை தீர்மானிப்பது இயக்குனர். போட்ட பணத்தை திருப்பி எடுக்க முடியுமா? முடியாதா என்கிற கவலை தயாரிப்பாளருக்கு? தயாநிதிமாறன் பணம் மக்கள் பணமாகவே (மறைமுகமான) இருக்கட்டும், அதை எந்திரனில் முதலிடாவிட்டால் அவர் வேறொரிடத்தில் முதலிடத்தான் போகிறார், இதற்க்கு முன்னரும் எத்தனையோ இடங்களில் முதலிட்டுள்ளார், இல்லாவிடால் 20 இலட்சத்துக்கு ஆரம்பித்த சண் நேர்வேர்க்கின் இன்றைய பெறுமதியை 8000 கோடியாக எப்படி மாற்றியிருக்கமுடியும்? அப்பவெல்லாம் எங்க இருந்தாங்க இந்த புரட்சிக்காரங்கள் எல்லாம்? ரஜினி பாடத்துக்கு தயாநிதிமாறன் பணம் போடும்போதுதான் ஒருநேர சாப்பாட்டுக்கு கஷ்டப்படும் மக்கள் கண்ணுக்கு தெரிகிறார்களா? புதுமுக இயக்குனர்களும், நடிகர்களும் புதிய முயற்சிகளை செய்தால் வரவேற்கும் இந்த புரட்சிகரகூட்டம் எதற்க்காக ஷங்கரோ ரஜினியோ புதுமை செய்தால் வரவேற்கிறார்கள் இல்லை? புதியவர்களை பாராட்டினால் நல்லவர்கள்; பிரபலங்களை விமர்சித்தால் வல்லவர்கள், என்கிற தவறான சுயநல எண்ணம்தான் காரணம்.



அப்புறம் 60 வயதில் ரஜினிக்கு ஹீரோ வேடம், ஜோடிக்கு ஐஸ்வர்யா, என்ன கொடுமையடா சாமி? என்று காரணமே இல்லாமல் கவலைப்படுபவர்களே.....

முதலில் ஒரு விடயத்தை ஞாபகத்தில் வைத்துக்கொள்ளுங்கள், 60 வயதில் ரஜினி நாயகனாக நடிக்கும் படங்களை உங்களையோ அல்லது மக்களையோ வந்து பார்க்கும்படி ரஜினி கட்டாயப்படுத்தவில்லை. உங்களுக்கு பிடிக்கவில்லை என்றால் பார்க்காமல் விடுங்கள், அதே போல மக்களுக்கு பிடிக்கவில்லை என்றால் அவர்கள் பார்க்காமல் விடுகிறார்கள். அதேபோல மக்கள் வரவேற்க்குமட்டும் ரஜினி விஞ்ஞானியாக என்ன கல்லூரி மாணவனாக கூட நடிப்பார். உங்களுக்கு பிடிக்கவில்லை என்பதற்காக ரஜினி நடிப்பதை நிறுத்தமுடியாது, ரஜினி எப்படி நடிப்பது என்பதை மக்கள் தீர்மானிப்பார்கள்.

மக்களைவிட இந்த வெத்துவேட்டுகள் ஒன்றும் புத்திசாலிகள் இல்லை. எம்.ஜி.ஆர், சிவாஜி போன்ற ஜாம்பவான்கள் இருக்கும்போதே ஸ்ரீதர், பாலச்சந்தரை வரவேற்ற மக்கள் தொடர்ந்து இன்றுவரை பாரதிராஜா, பாக்கியராஜ், மகேந்திரன், பாலுமகேந்திரா, மணிரத்தினம், பாலா, அமீர், வசந்தபாலன், சசிகுமார் என வித்தியாசங்கள் அனைத்தையும் வரவேற்க தவறவில்லை. அதே மக்களுக்கு 60 வயதில் நாயகனாக நடிக்கும் ரஜினியை வரவேற்பதா? இல்லையா? என்பதை இந்த கத்துக்குட்டிகள் சொல்லி தெரியவேண்டியதில்லை, மக்கள் எப்பவுமே புத்திசாலிகள்தான்.

அடேய் வெண்ணைகளா ரஜினிக்கு ஜோடியாக ஐஸ்வர்யாராய் நடிப்பதற்கு அமிதாப், அபிசேக், ஜெயா பஜ்சன்களே ஒன்னும் சொல்லல, இதில உங்களுக்கு என்ன வந்திச்சு? பொறாமை..... (லைட்டா இல்ல,ரொம்பவுமே). அப்புறம் கண்ணுகளா 150 கோடி பட்ஜெட்டை தாங்கிறதுக்கு இந்தியாவிலேயே இந்த 60 வயசு இளைஞரால மட்டும்தான் முடியும்.



எந்திரன் என்னும் பிரம்மாண்டத்துக்கு முன்னால் லோ பட்ஜெட்டில் வெளிவரும் நல்ல படங்கள் காணாமல் போகப்போகின்றனவென லோ பட்ஜெட் படங்களுக்காக கவலைப்படும் சீர்திருத்தவாதிகளுக்கு(நினைப்புத்தான் பிழைப்பை கெடுக்கிறது).....

இவர்களுக்கு வணிக சினிமா இல்லாவிட்டால் வித்தியாசமான முயற்ச்சிகளுக்கு பணம் எப்படி கிடைக்குமென்கின்ற அடிப்படை சினிமா அறிவேயில்லையென்று கூறினால் அதில் தவறில்லை. கமர்சியல் படங்கள் கொடுக்கும் பணத்தில்த்தான் வித்தியாசமான முயற்ச்சிகளுக்கு பணம் கிடைக்கின்றது என்பதற்கு தற்போதைய உதாரணம் ஷாங்கர், பிரகாஷ்ராஜ் போன்றவர்கள்தான். இவர்கள் தயாரிக்கும் வித்தியாசமான சினிமாக்களுக்கான பணம் எங்கிருந்து பெறப்பட்டது? பெரும்பாலான வித்தியாசமான முயற்சிகளுக்கு ஆரம்பகாலம் முதல் இன்றுவரை பணத்தை போட்ட தயாரிப்பாளர்கள் வணிக சினிமாவோடு தொடர்புடையவர்களே.

இதிலே காமடி என்னவென்றால் பிரம்மாண்டத்துக்கு முன்னாடி லோ பட்ஜெட் காணாமல் போய்விடுமாம், அப்படிபார்த்தால் தசாவதாரம் என்ற பிரம்மாண்டத்திற்கு முன்னால் சுப்ரமணியபுரம் காணாமலா போனது? சுப்ரமணியபுரம் வரிசையில் வெளிவந்த பசங்க, ரேணிகுண்டா, அங்காடித்தெரு, களவாணி போன்ற லோ பட்ஜெட்டில் உருவாக்கி வணிக ரீதியாகவும் சிறந்த படைப்புக்களாகவும் பேசப்பட்ட படங்கள் சிவாஜி, தசாவதாரம் போன்ற பிரம்மாண்டங்களினால் காணமலா போயின?



ரஜினி மக்களை ஏமாற்றுகிறார், அவர் நடித்துவிட்டு கோடி கோடியாக பணத்தை கொண்டு போய்விடுவார், அவர் படத்தை பார்ப்பதால் மக்களுக்கு என்ன வந்துவிடப்போகிறது? என்கின்ற சமுதாய விளிப்பு(ண்ணாக்கு)ணர்வு கேள்வியைகேட்பவர்கள்....

முதலில் ஒரு கேள்விகளுக்கு பதிலை அளிக்கட்டும். ஒரு வேலையில் புதிதாக சேர்ந்ததில் இருந்து ஓய்வு பெறும் காலம்வரை கிடைக்கும் ஊதிய உயர்வை ஏற்றுக்கொள்ளாமல் இருப்பார்களா? ரஜினி என்ன எடுத்த எடுப்பிலேயே கோடிகளில் பணம் கேட்கிறாரா? கையில் ஒன்றுமே இல்லாமல் சினிமாவை தேடி சென்னை வந்த ரஜினி சினிமாவில் முதல் காட்சியில் தலைகாட்டும் வரை பட்டபாடு இவர்களுக்கு தெரியுமா? அதன் பின்னர் 35 வருட கடினஉழைப்பு, அதில் ஏற்ப்பட்ட அவமானங்கள், தோல்விகள், விரக்தி, மனநிலை பாதிப்பு என படிப்படியாக முன்னேறிய ரஜினி 35 வருட சினிமா வாழ்க்கயில் ஆயிரங்கள், லட்சங்கள், கடந்த பின்னர்தான் கோடிகளை தொட்டார்.

தனக்கு கிடைக்கவேண்டிய நியாயமான தொகைதான் ரஜினி இதுவரை பெற்றிருக்கிறார், இல்லாவிட்டால் எதற்க்காக ரஜினிக்கு சம்பளம் கொடுத்து அவரை நடிக்கவைக்க தயாரிப்ப்பாளர்கள் காத்திருக்கிறார்கள்? 1000 ரூபாய் லாபம் வரும்போது 100 ரூபாய் ஊதியம் பெற்ற ஒருவன் 100,000 ரூபாய் லாபமாக வரும்போது 10,000 ரூபாய் ஊதியம் பெறுவது குற்றமா? இதில் மக்கள் பணம் எங்கிருந்து கொள்ளை அடிக்கப்படுகின்றது? தங்கள் மூன்றுமணிநேர பொழுது போக்கிற்காக, மகிழ்ச்சிக்காக, ரிலாக்சிற்காக மக்கள் கொடுக்கும் பணத்தின் ஒருபகுதிதான் நடிகர்களுக்கு கிடைக்கின்றது. அதிகளவு மக்கள் ரஜினி படங்களை விரும்பி பார்ப்பதால் ரஜினிக்கு அந்த தொகை அதிகமாக கிடைக்கின்றது. இதில் என்ன தவறு இருக்கின்றது என்றுதான் புரியவில்லை!

திரைப்படங்கள் பார்ப்பதால் மக்களுக்கு என்ன வந்துவிடப்போகிறது என்பவர்களுக்கான பதில் சினிமா, விளையாட்டு, இறைநம்பிக்கை பற்றி ஒரு அடிமுட்டாள் எனும் இந்த பதிவில் உள்ளது.

சாணக்கியா திரைப்படத்தில் சரத்குமார் 'பப்ளிசிட்டி' தேடுவதுபோல இவர்கள் தங்களுக்கு தாங்களே பளிசிட்டி தேடுகிறார்கள் என்பது தெரிந்தாலும் சில நேரங்களில் கோபம் வருவதை தவிர்க்கமுடியாமல் இருக்கும். இவர்களை சமாளிப்பதற்கான வளி ரஜினி சொன்ன தவளைகள் மலையேறும் கதையில் உள்ளது. தெரியாதவர்கள் எப்பிடி இவரால முடியுது? எனும் இந்தப்பதிவில் பார்க்கலாம். அதிலே தலைவர் சொன்னது போல நாங்களும் காது கேட்காதவர்கள்போல இருந்தால் இந்த தெருநாய்கள் குரைப்பது எங்கள் காதில் விழாமல் இருக்கும்.(உண்மையான தெரு நாய்களே " இந்தப் போலி சந்தர்ப்பவாத புரட்சியாளர்களுக்கு உங்கள் பெயரை உவமானமாக பயன்படுத்தி உங்களை அவமானப்படுத்தியதற்கு மன்னிப்பு கேட்டுக்கொள்கிறேன்").

be cool ......

Saturday, August 7, 2010

எந்திரனை புறக்கணியுங்கள்!





வேறோருவரைவைத்து டூப் போட்டு சண்டைக்காட்சிகளில் தான் சண்டையிடுவதுபோல ஏமாற்றி மக்களை முட்டாளாக்கியிருக்கிறார் ரஜினி. எந்திரனில் ரஜினிக்காக அலெக்ஸ் மார்ட்டின் என்பவர் டூப் காட்சிகளில் நடித்துள்ளார். youtube இல் வெளியான அலெக்ஸ் மார்ட்டினின் வேறு சண்டைக்காட்சிகளையும் எந்திரன் சண்டைக்காட்சிகளையும் சேர்த்து உருவாக்கியுள்ள வீடியோ ஒன்று ரஜினியின் ஏமாற்றுவேலையை வெளிச்சம் போட்டுக் காட்டியுள்ளது. கஷ்டப்பட்டு சண்டைபோடுபவன் யாரோ; புகழ் பெறப்போவது யாரோ, என்ன உலகமடா சாமியென மனம் குமுறுகிறது:(

எந்திரனில் மட்டுமல்ல இதற்கு முந்தய படங்களிலும் ரஜினிக்கு சண்டைக்காட்சிகளில் டூப் போடப்பட்டிருக்கிறது என 'படித்த மேதை' ஒருவர் கூறியதை கேட்டதிலிருந்து இத்தனை நாட்களாக ரஜினிதான் எதிரிகளை பந்தாடுகிறார் என நினைத்திருந்த எனக்கு அது மிகுந்த ஏமாற்றத்தை தந்துள்ளது. எனக்கு மட்டுமல்ல இந்த விடயத்தை கேள்விப்படும் ரஜினி ரசிகர்கள் அனைவருக்கும் இது மிகுந்த ஏமாற்றத்தை தரும் என்பதில் ஐயமில்லை. படையப்பாவில் யாரோ கனல்க்கண்ணன் என்பவர்தானாம் 'சிங்கநடை போட்டு' பாடலில் ரஜினி காற்றிலே சுழன்று வருவதுபோல வரும் காட்சிக்கு டூப் போட்டாராம். அதேபோல ஆரம்பகால ரஜினி படங்களில் பறந்து பறந்து அடிப்பவர் ரஜினி இல்லையாம், அதெல்லாம் டூப்பாம். இப்படி பல தகவல்கள் இப்போது வெளிவர ஆரம்பித்திருக்கின்றது.

எம்.ஜி.ஆர், சிவாஜி, கமல், விஜயகாந்த் முதல் இன்றைய அஜித், விஜய், விக்ரம், சூர்யா, தனுஸ், சிம்பு, பரத் முதல் அனைவரும் எதிரிகளை உண்மையாகவே பறந்து பறந்து அடிக்கும்போது நாம் தலைவராக நினைக்கும் ரஜினி மட்டும் சண்டைக் காட்சிகளில் டூப் போட்டும், அந்தரத்தில் பறந்து அடிக்கும் காட்சிகளில் கயிறு கட்டியும் சண்டை போடுவது எமக்கு மிகுந்த கவலையை உண்டாக்கியிருக்கிறது. இதனால் ரஜினி ரசிகர்களும் நடுநிலை ரசிகர்களும் ஏமாற்றுவேலை புரிந்த ரஜினியின் எந்திரனை புறக்கணியுங்கள்.

அப்பிடின்னு யாராச்சும் சொல்ல மாட்டாங்களா என்கிற ஆதங்கத்தில் நாலு மாதத்துக்கு முன்பே வெளிவந்த வீடியோவை தேடிப்பிடிச்சு, அத அப்லோட்பண்ணி, இப்பதான் இது முதல்முதலா நடக்கிறமாதிரி பில்டப்பண்ணி, ஒருவன் பாடுபட இன்னொருவன் புகழ் பெறுகிறான் என்கிற வருத்தத்தையும் வெளிப்படுத்தி பதிவெல்லாம் போட்ட பாசக்காரபயலுகளுக்காக ..................................

ரஜினி ரசிகர்கள் சார்பில் வயிறெரிவுக்கான மாத்திரைகள் எந்திரன் வெளியாகும்நாள்வரை இலவசமாக வழங்கப்படும்.

எச்சரிக்கை

பாசக்கார பயலுகளே "எந்திரன் வெளியான பின்பு ஏற்படும் மிகைவயிறெரிவுக்கான மாத்திரைகள் இன்னமும் கண்டு பிடிக்கப்படவில்லையென்பதால் நீங்கள் எந்திரன் வெளியாகியபின்னர் ஒருமாதத்திற்கு வெளியுலக தொடர்புகளை விடுத்து வீட்டுக்குள்ளே இருப்பதே சாலச்சிறந்ததாகும், இல்லாவிட்டால் மிகைவயிற்றெரிவால் ஏற்படும் புற்றுநோய்க்கு ரஜினியோ ரஜினி ரசிகர்களோ பொறுப்பல்ல".

அப்புறம் ரஹ்மானின் ஒலிப்பதிவுகூடத்தில் எந்திரன் படத்தில் வரும் 'புதிய மனிதா' பாடலை எஸ்.பி.பாலசுப்ரமணியம் பாடும் வீடியோ youtube இல் வெளியாகியுள்ளது, இதை வைத்துக்கொண்டு படத்தில் உண்மையில் ரஜினி பாடுவதில்லை, இன்னொருவர் பாட ரஜினி வெறும் வாயசைவு மட்டும்தான் கொடுக்கிறார் என்கிற உண்மையை போட்டுடைத்து பதிவெழுதலாம், பதிவிலே 'பாடுபடுபவன் ஒருவன் பலனை அனுபவிப்பவன் இன்னொருவன்' என பைனல் பஞ்ச வைக்கலாம்,

இப்பதானே ஸ்டாட் ஆகியிருக்கு; போகப்போக பாருங்க முதலாளித்துவம், கம்யூனிசம், ஆணாதிக்கம், ஈழத்தமிழர், காவிரி, கர்நாடகா, தமிழ்பற்று, கத்தரிக்காய், புடலங்காய் என நிறைய ஆயுதங்கள் எந்திரன் மீது வீசப்படும். ஆனால் இம்முறை எந்திரனுக்கு ஒண்ணும் ஆகாது! ஏன்னா........

எந்திரனுக்கு......

வாய் உண்டு வயிறு இல்லை,
பேச்சு உண்டு மூச்சு இல்லை,
நாடி உண்டு இருதயமில்லை,

பவர்தான் உண்டு திமிரே இல்லை.

தந்திரமனிதன் வாழ்வதில்லை எந்திரன் வீழ்வதில்லை.

இன்னும் எத்தனை பேரோ; தலைவா உன்னிடம் தோற்ப்பதற்கு???????..............

Wednesday, August 4, 2010

ஹோலிவூட்ரவுண்டப் (4/8/10)



சிம்பு மறுப்பு







திரீ இடியட்ஸ் படத்தில் நடிப்பதற்கு சிம்பு மறுத்துவிட்டார். இந்த திரைப்படத்தில் விஜய் நடிப்பது உறுதியாகியுள்ள நிலையில் மற்ற இரு வேடங்களுக்கும் நடிகர்கள் கிடைப்பது குதிரைக்கொம்பாகவே இருக்கிறதாம். சிம்பு நடிக்க மறுத்ததற்கு அஜித் ரசிகர்கள்தான் காரணம் என்று கூறியுள்ளார். தனக்கு விஜய் ரசிகர்களைவிட அஜித் ரசிகர்களே அதிகமாக ரசிகர்களாக இருப்பதால் விஜயுடன் சேர்ந்து தன்னால் நடிக்கமுடியாது என்று அவர் கூறியுள்ளார். மாதவன் வரிசையில் சிம்புவும் மறுத்த நிலையில் யார் அந்த இருவர் என்பது தொடர்ந்தும் கேள்விக்குறியாகவே உள்ளது.

அதிகமான ரஜினி ரசிகர்கள் அஜித்துக்கு ரசிகர்களாக இருப்பதால் அதிகமான அஜித் ரசிகர்கள் தனக்கு ரசிகர்களாக இருப்பதாக கூறிக்கொள்வதால் சிம்பு ஏதாவது சிம்பாலிக்கா சொல்ல வாறாரா? a=b, b=c so a=c இதை எங்கேயோ படித்த ஞாபகம், ஒருவேளை இப்படியாகத்தான் இருக்குமோ ?

மூன்று பாத்திரங்களிலும் விஜய் நடித்தால் சிறப்பாக இருக்கும் என்று கருதினாலும் ஒரு வேடத்துக்கு மீசை, மற்றைய வேடத்துக்கு கட்டர்போட்ட மீசை என வேறுபாடு காட்டினாலும் மூன்றாவது வேடத்துக்கு என்ன வேறுபாடு காட்டுவது என்ற குழப்பத்திலேயே வேறு இரு நடிகர்களை தேடுகிறார்களாம்.





அஜித் பற்றி கௌதம்





கௌதம்மேனன் விஜய், விக்ரம் வரிசையில் இம்முறை சாடியிருப்பது அஜித்தை. அஜித்திற்க்காக தன்னால் காத்திருக்க முடியாதென கூறியுள்ள கௌதம் கமல், சூர்யாவிர்காக வேண்டுமானால் காத்திருப்பேன் என்று கூறியுள்ளார். முழு ஸ்கிரிப்டையும் அஜித்திடம் கௌதம் கொடுக்காத நிலையில் பலநாட்களாக இழுபறி நிலையில் இருந்த அஜித் கவுதம் கூட்டணியில் உருவாகவிருந்த திரைப்படம் நிறுத்தப்பட்டு அஜித் 'மங்காத்தா' திரைப்படத்திற்கு வெங்கட் பிரபுவுடன் இணைந்தவுடனேயே கவுதம் இவ்வாறு கூறியுள்ளார். முன்னர் விஜய் சிவகாசி, திருப்பாச்சி cd க்களை கொடுத்து தன்னை இதேபோல படம் பண்ணுமாறு கூறியதாக கூறி விஜயை கேவலப்படுத்திய இவர் பீமா திரைப்படம் வெளிவந்தவுடன் விக்ரமையும் லிங்குசாமியையும் சாடியது நினைவிருக்கலாம்.

கவுதம் கமலுக்காகவும் சூரியாவுக்காகவும் காத்திருப்பதில் நியாயம் இருக்கிறது, இரண்டு பேரையும் வைத்து படம் பண்ணியவர் ஓகே. ஆனால் அவர்கள் இருவரும் முழு ஸ்க்ரிப்டும் தயாராகாமல் சூட்டிங்கிற்கு கிளம்புவார்களா? சூரியாகூட ஓகே, கமல்?





எந்திரன் இசை வெளியீட்டுவிழா





இணையதளங்களில் ஏற்கனவே வெளியாகியிருந்தாலும் முழு விழாவையும் சண்டிவி வரும் சனியும் ஞாயிறும் மாலை 6 மணிக்கு ஒளிபரப்புகின்றது. இப்போதே இரண்டு விளம்பர இடைவெளிகளுக்கு ஒருதடவை இந்த விளம்பரம் இடம்பெறுகின்றது, ஞாயிறு படத்தின் டிரெயிலர் வெளியிடப்பட்டதும் எந்திரன் விளம்பரங்கள் நிச்ச்சயம் ரஜினி ரசிகர்களுக்கே எரிச்சலை உண்டாக்குமளவிற்கு ஒளிபரப்பப்படப்போகின்றன :-). அனேகமாக ஆகஸ்ட் 28, செப்டம்பர் 3, செப்டம்பர் 10 ஆகிய மூன்று நாட்களில் ஒன்றில் எந்திரன் திரைக்கு வரும் சந்தர்ப்பம் உள்ளது, அனேகமாக அது செப்டம்பர் 3ஆம் திகதியாக இருக்கலாம்.

எந்திரன் ஹிட்டாகினால் என்ன நடக்கும்? பிரபல நடிகர்களின், இயக்குனர்களின் பெரிய பட்ஜெட் படங்கள் அனைத்தும் எந்திரனின் சாதனைகளை மாறிமாறி முறியடித்துக் கொண்டிருக்கும்; அடுத்த ரஜினி படம் வரும் வரைக்கும்.

Monday, August 2, 2010

ரஜினிகாந்த் பற்றி ......



படம் - நன்றி என்வழி.காம்


பெயர்..= சூப்பர் ஸ்டார், தலைவர்.

வயது.= அப்பிடின்னா ?

இடம் =..எப்பவுமே முதலாமிடம்தான்.

உயரம் = .வானத்துக்கு ஏதுங்க உயரம் ?

எடை .= .இதுவரை யாருமே சரியாக எடை போடல.

நிறம் = கருப்பு வெள்ளை. முதல் நிறம் புறம், இரண்டாம் நிறம் அகம் .

தலைமுடி.= .எதிரிகளின் எண்ணிக்கை. ரொம்ப குறைவாக இருக்கும், அப்பப்போ மொட்டை போடுவதால் இல்லாமலும் போகும்.

பலம் .= .எங்களுக்கு அவர்.

பலவீனம் = .அவருக்கு நாங்கள்.

நண்பர்கள் .= பலமும் பலவீனமும்.

எதிரிகள்.= எப்போதும் தோற்பதற்கு தயாராக இருப்பவர்கள்.

துரோகிகள் = ஒருநாள் மன்னிப்பு கேட்க்கப்போகிறவர்கள்.

நடை .= .சிட்டிக்குள் ஓவர் ஸ்பீட்.

படை..= .எப்போதும் தயார் நிலையில்.

சாதனை =. எத்தனை next வந்தாலும் rest ஆகாமல் இன்னமும் best ஆக இருப்பது/இருக்கப்போவது.