Monday, November 30, 2009

தோல்விப்படங்கள் அதிகரித்தமைக்கு யார் காரணம்? பகுதி 3

மூன்றாவது காரணகர்த்தாக்கள் நடிகர்கள்,இவர்களை நான்குவகையாக பிரித்தால் 1 ) முன்னணி நடிகர்கள் 2 ) இளம் நடிகர்கள் 3 ) மாக்கற் இழந்த நடிகர்கள் 4 ) பாவப்பட்ட நடிகர்கள் என்று பட்டியலிடலாம் முன்னணி நடிகர்கள் என்று பார்த்தால் ரஜினி,கமல் தவிர அஜித்,விஜய்,விக்ரம்,சூர்யா ஆகியோர் அடங்குவார்கள்.இவர்களில் ரஜினியும் கமலையும் விட்டுவிடுவோம். இன்றும் அவர்களது மாக்கற்றும் ,வெற்றிகளும் குறையவில்லை,மற்றும் இவர்களால் தோல்விப்படங்கள் அதிகரிக்க்கவுமில்லை என்பதால் இவர்களை விட்டுவிடுவோம். அஜித் தொண்ணூறுகளின் இறுதியில் அதிகமாக வெற்றிப்படங்களை கொடுத்த ஒருவர் 2000 களின் ஆரம்பத்தில் மோட்டார்கார் பந்தயங்களில் பங்குபற்றுவதற்காக இவர் சினிமாவிலிருந்து சற்று தள்ளியிருக்கவேண்டிய நிலைமை ஏற்பட்டது .மீண்டும் சினிமாவில் தன்னை நிலைநிறுத்த இவர் கடுமையாக போராட்டவேண்டி இருக்கின்றது. ஆரம்பகாலங்களில் அடுத்தடுத்து ஹிட் கொடுத்த இவரால் தொடர்ந்து இரண்டு படங்களை வெற்றியடையவைக்க முடியவில்லை. வருடத்திற்கு 4 படங்கள் நடித்துவந்த அஜித் இந்த ஆண்டு இதுவரை ஒருபடம்கூட வெளியிடவில்லை. வருடத்திற்கு நான்குபடங்கள் இனிவரும் காலங்களில் சாத்தியமில்லை என்றாலும் இரண்டு படங்களையாவது தரும் பட்சத்தில் தலையால் தமிழ் சினிமாவிற்கு வெற்றிப்படங்களை பெற்றுத்தரமுடியும். விஜய் 2004 ,2005 ஆம் ஆண்டுகளில் தன்னை உச்சத்துக்கு கொண்டு சென்றபின்னர் ஒரே மாதிரியான கதைக்களம்,உடல்மொழி, வசனஉச்சரிப்பு என நடித்ததால் கடைசி ஐந்துபடங்களில் ஒரு வெற்றிப்படத்தையே கொடுக்கமுடிந்தது.(போக்கிரி). வருடத்திற்கு மூன்று படங்கள் நடிக்கும் விஜய் தனது படங்களிலும் நடிப்பிலும் சிறிதளவு மாற்றத்தை கொண்டுவந்தாலே போதுமானது,ஆனால் இப்படித்தான் நடிப்பேன் என்று அடம்பிடித்தால் யார்தான் என்ன செய்யமுடியும். விக்ரம் தனக்கென தனிமுத்திரை பதித்தநடிகர், நடிப்பாற்றல்,கமெர்சியல் என இவர் 2001 - 2005 வரை அதிகமான வெற்றிப்படங்களை கொடுத்தவர் குறிப்பாக 2003 ஆம் ஆண்டு சாமி, பிதாமகன்,தூள் என மூன்று சூப்பர்ஹிட் படங்களை கொடுத்தவர்,ஆனால் அந்நியன் வெற்றியின் பின்னர் இறுதி நான்கு ஆண்டுகளில் மூன்று படங்களில் மாத்திரம் நடித்துள்ள விக்ரம் ஒரு வெற்றிப்படங்களும் கொடுக்கவில்லை. இவர் இரண்டு ஆண்டுகளுக்கு ஒருபடம் நடிப்பது இவரது பெரியபிரச்சினை, படத்துக்குபடம் கெட்டப் மாத்துவதென்றால் கூட பரவாயில்லை இறுதி நான்கு வருடங்களில் நடித்த மூன்று படங்களுமே கமெர்சியல் படங்கள், விக்ரம் வருடத்துக்கு இரண்டு அல்லது மூன்று படங்களில் நடிக்கும் பட்ச்சத்தில் வெற்றிப்படங்கள் அதிகரிக்கலாம். சூர்யா ஆதவன் காலைவாரினாலும் இவர் தற்போது நல்லநிலையில் இருக்கும் ஒருவர், வருடத்திற்கு இரண்டுபடங்களிலாவது சூர்யா நடிப்பதால் ஒருபடமேனும் வெற்றியடைகிறது. இதனை இவர் தொடர்ந்தும் தக்கவைத்திருப்பது நல்லது.ஆனால் தொடர்ந்து கமர்சியல் படங்களில் ஆர்வம் காட்டும் சூர்யா வித்தியாசமான கதைக்களங்களில் கவனம் செலுத்தாவிட்டால் இவரும் வெற்றிப்படங்களை தேடவேண்டி ஏற்படலாம். மிகப்பெரும் பிரச்சினை இந்த நான்குபேரும் அண்மைக்காலமாக கமெர்சியல் படங்களில் மட்டுமே நடிப்பதாகும். விக்ரம், சூர்யா கூட வித்தியாசமான கதைக்களங்களில் நடிக்காமை வருத்தப்படவேண்டிய விடயமே. கமெர்சியல் படங்கள் தேவைதான் இல்லாவிட்டால் வியாபாரரீதியாக தங்களை நிலைநிறுத்தமுடியாது,இது கடந்தகால அனுபவம் , ஆனால் இரண்டுபடங்களுக்கு ஒருமுறையாவது வித்தியாசமான படங்களில் நடிக்கலாம். எல்லோருமே கமர்சியல் படங்களில் நடித்தால் மக்களுக்கு கமர்சியல் படங்கள் மீது வெறுப்புதான் வரும்,கமெர்சியல் படங்களில்கூட வித்தியாசம் காட்டலாம், ஆனால் அண்மைக்காலமாக ஒருபடம் போலவே மற்றையபடம் வருவது அண்மைய இவர்களின் கமெர்சியல்படங்களின் தோல்விக்கு முக்கியகாரணம். வளர்ந்து வரும் நடிகர்களில் தனுஸ், ஜெயம் ரவி நடிக்கும் படங்கள் அதிகமாக வெற்றியடைகின்றன,இதற்க்கு முக்கியகாரணம் இவர்கள் தங்களுக்கு எந்தமாதிரி படங்கள் சரிவருமோ அந்தமாதிரியான படங்களில் நடிப்பதேயாகும்.அதனால்த்தான் இறுதிமூன்று ஆண்டுகளில் கிடைத்த வெற்றிகளில் இவர்களின்பங்கு அதிகமாக இருப்பதற்குகாரணம். இவர்களை தவிர விஷால்,சிம்பு,பரத் ஆகியோர் எடுத்த எடுப்பிலேயே ரஜினியாக ஆசைப்பட்டதன் விளைவுதான் மூன்றுவருடங்களாக ஒரு வெற்றிப்படங்கள்கூட கொடுக்காதது.இவர்களும் ஆண்டுக்கு ஒருபடம் நடிப்பது ரொம்பஓவர் அதிலும் சிம்பு இரண்டு ஆண்டுகளுக்கு ஒருபடம்.வருடத்திற்கு மூன்றுபடங்களில் நடித்து தங்களுக்கு என்னவருமோ அதை சரியாகசெய்தாலே இவர்களால் சாதிக்கமுடியும், ஆனால் சிம்பு ஹி ..ஹி ..ஹி ... மாக்கற் இழந்த நடிகர்கள் என்று பார்த்தால் சத்தியராஜ், சரத்குமார்,விஜயகாந்த்,அர்ஜுன் போன்ற நடிகர்கள் .ரஜினியும் கமலும் இன்னமும் ஹீரோவாகத்தானே நடிக்கிறார்கள், நாங்கள் நடித்தால் என்னவென்று இவர்கள் நடிக்கும் படங்களெதுவும் வெற்றிபெறுவதில்லை. தோல்விப்படங்களின் அதிகரிப்புக்கு இவர்கள் முக்கியகாரணிகள். தனக்கு இனியும் ஹீரோவேடம் சரிவராதென்று தெரிந்து கௌரவவேடங்களில் நடிக்கும் பிரபு இவர்களுக்கு நல்ல முன்னுதாரணம்.இவர்கள் கௌரவ வேடங்களில் நடிக்கும் பட்சத்தில் அந்தப்படங்கள் இன்னமும் பலம்பெறும் என்பதில் சந்தேகமில்லை. பாவப்பட்டநடிகர்கள் என்று பார்த்தால் அருண்குமார்,ஸ்ரீகாந்த்,ஷாம்,சிபிராஜ் என்பவர்கள் இந்தப்பிரிவில் அடங்குவார்கள் , இவர்கள் திறமைசாலிகள்தான்,ஆனால் இவர்கள் நடிக்கும் படங்கள் அதிகமாக தோல்விப்படங்களின் எண்ணிக்கையே அதிகரிக்கின்றன.இதற்கு இவர்களது அதிஷ்டமின்மை ஒருகாரணமாக இருபினும் நல்லபடங்களை தெரிவுசெய்யாமல் கிடைக்கும் சந்தர்ப்பத்திலெல்லாம் நடிப்பது இவர்களது தோல்விக்கு முக்கியகாரணம்.இவர்களால் தோல்விப்படங்கள் அதிகரித்தாலும் இவர்களை ஒதுக்கிவைக்க முடியாது. ஒருநாள் விக்ரம் ,சூர்யா தம்மை நிரூபித்ததுபோல் இவர்களும் தம்மை நிரூபிக்கும் சந்தப்பம் உள்ளதால் இவர்கள் நிச்சயம் தேவை, இவர்கள் நல்ல படங்களை தெரிவுசெய்து நடிப்பதன் மூலமோ அல்லது அஞ்சாதேயில் பிரசன்னாநடித்த பாத்திரத்தை போன்றபாத்திரங்களில் நடிப்பதன்மூலமோ தம்மை நிரூபித்துக்கொள்ளலாம். இவர்களைத்தவிர வருடத்திற்கு பத்து பதினைந்து புது முகங்கள் அறிமுகமாகின்றார்கள்,இவர்களின் படங்கள் 95 % ஆனவை தோல்வியடைகின்றபோதும் இவர்களது சினிமாக்கனவு ஒருநாள் நிறைவேறும் என்றகனவிலேயே இவர்கள் வருவதால் இவர்களை குறைகூறமுடியாது .ஆனால் மோசமான படங்களில் நடிக்காமல் ஓரளவேனும் நல்ல படங்களில் நடித்தால் படம் வெற்றியடயாவிட்டாலும்,ஏதாவதொரு சந்தர்ப்பத்தில் நல்லவேடங்கள் கிடைக்கலாம். அடுத்தபதிவில் மீண்டும் சந்திப்போம்........

Sunday, November 29, 2009

சாம்ராட்ஜம் சரிகிறதா?

2005 ஆம் ஆண்டுமுதல் இன்றுவரை பெடரர் ,நடால் தவிர யாரும் தரவரிசையில் முதலிடத்திற்கு வரவில்லை,அதேபோல் அண்டி முரே மட்டுமே ஓரிரு வாரங்களுக்கு 2 ஆவது இடத்தில் இருந்துள்ளார். பெடரர் 2004 முதல் 2008 நடுப்பகுதிவரை வைத்திருந்த NO 1 ஸ்தானத்தை 2008 ஆம் ஆண்டு நடுப்பகுதியில் நடால் தனதாக்கிகொண்டார். ஆனால் ஒரு வருடத்தினுள் மீண்டும் தனது NO 1 இடத்தை கைப்பற்றிய பெடரர் தற்போதுவரை தனது முதலிடத்தை தக்கவைத்துள்ளார்.அதேபோல் 2005 முதல் 2 ஆம் இடத்தில் இருந்துவந்த நடால் 2008 இன் நடுப்பகுதியில் முதலிடத்தை கைப்பற்றினார்,ஆனால் 2009 பிரெஞ்சு தோல்வியின் பின்னர் தனது முதலிடத்தை இழந்த நடால் தனது இரண்டாவது இடத்தையும் அண்டி முறேயிடம் இழந்தார். ஆனால் தொடர்ந்து சிறப்பாக ஆட்டாததால் முரே தனது இரண்டாவது இடத்தை மீண்டும் நடாலிடம் பறிகொடுத்தார். 2005 ஆம் ஆண்டு பிரெஞ்சு ஓபன் பட்டத்தை நடால் வென்றது முதல் இறுதியாக நடந்த அமெரிக்கன் ஓபன்வரை இடம்பெற்ற 19 கிரான்ஸ்லாம் போட்டிகளில் 17 போட்டிகளை இவர்கள் இருவரில் ஒருவரேனும் வென்றுள்ளனர்(பெடரர் - 11 , நடால்- 6 ).அதே போல் 2004 முதல் ஆண்டுக்கு ஒன்பது போட்டித்தொடர்கள் இடம்பெறும் ATP World Tour Masters 1000 போட்டித்தொடரில் ஆறு அல்லது ஏழு போட்டித்தொடர்களை இருவரில் ஒருவரேனும் கைப்பற்றியிருப்பார்கள். ஆனால் இறுதியாக இடம்பெற்ற நான்கு ATP World Tour Masters 1000 போட்டிகளில் ஒரே ஒரு போட்டியில் மட்டுமே இவர்களில் ஒருவரேனும் வென்றுள்ளார்(பெடரர்- சின்சினாட்டி ஓபன் ). இறுதியாக தற்போது லண்டனில் இடம்பெற்ற Year-End Championship போட்டித்தொடரில் பெடரர் அரையிறுதியிலும்,நடால் தகுதிகான் சுற்றிலும் தோற்று தொடரைவிட்டு வெளியேறிவிட்டார்கள்.அண்மைக்காலமாக இடம்பெற்றுவரும் போட்டிகளில் இரண்டாம்நிலை வீரர்களான டெவிடன்கோ,டிஜோகொவிக் போன்ற வீரர்களே பட்டங்களை வெல்கின்றனர். நான்கு வருடங்களாக ஆதிக்கம் செலுத்திவந்த பெடரர்,நடால் சம்ராட்ஜம் முடிவுற்றுவிட்டதா? இவர்கள் இருவரும் தமது NO1,NO2 ஸ்தானங்களை இழப்பார்களா? இப்படி பலவிதமான கேள்விகள் அதிகமானவர்களுக்கு எழுந்துள்ளது. நடால் இந்த ஆண்டு பிரெஞ்சு ஓபன் தோல்வியின் பின்னர் காயங்களால் அவதிப்பட்ட நடால் நீண்ட நாட்களுக்கு பின்னரே மீண்டும் போட்டிகளில் விளையாட ஆரம்பித்தார். அவர் மீண்டும் வந்து விளையாடிய 6 போட்டிதொடர்களில் ஒரே ஒருமுறை இறுதியாட்டத்திற்கு தகுதிபெற்றதே இவரது அதிகூடியபெறுதி. இவரது ஆட்டங்களில் வழமையான போராடும் குணம், மற்றும் தன்னம்பிக்கை என்பன மிஸ்ஸிங். இன்னும் கொஞ்சகாலம் ஓய்வெடுத்திருக்கலாமென்றே தோன்றுகின்றது. இவருக்கு இன்னமும் விளையாட்டை விட்டுபோகும் வயது வரவில்லை , மற்றும் இவருக்கு சாதகமான களிமண்தரை தொடர்கள் (மொண்டி கார்லோ ,ரோம் மாஸ்டர்ஸ்) அடுத்த ஆண்டு ஆரம்பத்தில் இடம்பெறவுள்ளன ,இன்னமும் அவர் சாதிப்பதற்கு நிறைய இருக்கின்றது, 23 வயது மட்டுமேயான நடால் நிச்சயம் மீண்டுவருவார். பெடரர் நடாலளவிற்கு மோசமாக இவரது பெறுபேறுகள் இல்லை என்றாலும் அமெரிக்கன் ஓபன்வரை நல்லநிலையிலிருந்த இவரது form இறுதியாக இடம்பெற்ற மூன்று தொடர்களிலும் நன்றாக இல்லை, இதற்கு இவர் இரண்டு மாதங்களுக்கு மேலாக ஒரு போட்டிகளிலும் விளையாடாதது காரணமாக இருக்கலாம். மற்றும் இவர் அண்மைக்காலங்களாக இரண்டாம்நிலை வீரர்களுடன் அதிகமாக தோற்றுவிடுகிறார் , இதற்கு காரணம் இவரது பலமான backhand ஆட்டம் அண்மைக்காலமாக இவருக்கு மோசம் செய்வதே ஆகும். இதனால் இவர் நன்றாக சேவிஸ்போடும் வீரர்களை பிரேக்பண்ண ரொம்பவும் சிரமப்படுகின்றார். சராசரியாக ஒரு டெனிஸ்வீரரின் உச்சதிறனை வெளிப்படுத்தும் வயதை பெடரர் தாண்டிவிட்டார்(28),ஆரம்பகாலங்களில் செலுத்திய ஆதிக்கத்தை பெடரர் அண்மைக்காலமாக செலுத்துவதில்லை, இதனால் பெடரர் ஓய்வை அறிவிப்பது நல்லது என்று பலரும் பெடரருக்கு அறிவுரைகூற ஆரம்பித்த நிலையில், லண்டனில் Year-End Championship போட்டிகள் தொடங்குவதற்கு முன்பாக பேட்டியளித்த பெடரர் " எனது உடற்தகுதி எனக்குதான் தெரியும், எனக்கு டெனிஸ் மீதுள்ள வெறி இன்னமும் குறையவில்லை, நான் விளையாடும் அனைத்துப்போட்டிகளிலும் தோற்றாலும் அடுத்த 4 வருடங்களுக்கு ஓய்வைப்பற்றி சிந்திக்கமாட்டேன் " என்று கூறி கருத்து கந்தசமிகளின் வாயை அடைத்துள்ளார். இவர் டெனிஸ் வரலாற்றின் சிறந்தவீரர் என முன்னணிவீரர்களால் ஏற்றுக்கொள்ளப்பட்டவர் , அதிகளவு கிரான்ஸ்லாம் போட்டிகளில் வென்றவர்,ஆனாலும் பெடரர் இன்னமும் சாதிக்க வேண்டிய விடயங்கள் நிறையவே உண்டு. அவற்றில் முக்கியமானவை 1 )ஆகாசியின் அதிக ATP World Tour Masters 1000 வெற்றிகளான 17 வெற்றிகளை முறியடிக்க இன்னமும் இரண்டு ATP World Tour Masters 1000 வெற்றிகள் வேண்டும்(பெடரர்-16). 2 )ATP World Tour Masters 1000 போட்டிகளில் ஷன்காய்,பாரிஸ்,மொண்டி கார்லோ ,ரோம் ஆகிய இடங்களில் ஒரு வெற்றியை கூட பெடரர் இன்னமும் பெறவில்லை, அதிகபட்சமாக ஆகாசி 7 இடங்களில் பெற்ற வெற்றியை முறியடிக்க பெடரர் மேலுள்ள இடங்களில் இரண்டு இடங்களிலாவது வெல்லவேண்டும். 3 )பீட் சாம்ராசின் சாதனைகளான அதிக Year-End Championship பட்டங்களையும்,அதிகமான ஆண்டு இறுதிகளில் தரவரிசையில் முதலிடத்தில் இருந்ததற்கான சாதனையையும் சமன்செய்ய பெடரருக்கு மேலும் ஒரு Year-End Championship பட்டமும், இன்னும் ஒரு ஆண்டு இறுதியில் தரவரிசையில் தரவரிசையில் முதலிடமும் தேவை. 4 )அதிகமான காலங்கள் தரவரிசையில் முதலிடத்திலிருந்தோர் பட்டியலில் சாம்ராசை முந்தி முதலிடத்துக்குவர இன்னமும் கிட்டத்தட்ட 32 வாரங்கள் பெடரர் முதலிடத்தில் இருக்கவேண்டும். இப்படியாக பல சாதனைகளை நெருங்கிக்கொண்டிருக்கும் பெடரர் நிச்சயம் மீண்டுவருவார் என்றே தோன்றுகிறது, பெடரர் கூறியதுபோல் அவரது உடற்தகுதி சிறப்பாகவே உள்ளது, இவரது அண்மைக்கால பிரச்சனைக்கு இவரது form , மற்றும் தன்னம்பிக்கை குறைவான(confidence leval) ஆட்டமுமே காரணம்(இதற்கு அண்மைக்காலமாக இவரது backhand ஆட்டம் கை கொடுக்காததே முக்கியகாரணம்).நிச்சயம் பெடரர் மீண்டுவருவார். 2010 இல் பெடரரும்,நடாலும் மீண்டும் தமது சாதனைகளை தொடர்வார்கள் என்றே தோன்றுகிறது,பார்க்கலாம்......